PuntuEus

Durangoko azokaren balorazio “oso positiboa” egin dute antolatzaileek

120.000 pertsona inguru joan da Durangoko azokara, antolatzaileen zenbaketen arabera, aurreko urtean baino jende gehiago. Gune guztiak bete direla nabarmendu dute.

Ezkutuan diren gazteek ehunka herritarren babesa jaso dute Durangon

Segiren kontrako epaiketara aurkeztu ez zirenetik ezkutuan dauden lau gazteen eta gainerako auziperatuen deialdiari erantzunez ehunka lagunek hartu zuten parte atzo Durangoko kaleetan barna egin zen martxa desobedientean. 

Durangon astebururako deitutako aldarrikapen ekimen nagusiak

Hainbat eragilek astebururako deialdiak egin dituzte Euskal Liburu eta Diskaren Azokaren testuinguruan. Hortaz, aldarrikapen gune bilakatuko da Durango datozen egunotan.

48. Durangoko Azokak ateak zabalik

2013-12-05

ARGIA

Igandera bitartean Durangon bilduko dira euren lanak euskaraz publikatzen dituzten argitaletxe, diskoetxe eta enpresak, euskarazko kultur produktuen 48. azokan.

William A. Douglassek jasoko du Durangoko Azokako Argizaiola saria

William A. Douglass antropologo estatubatuarrak jasoko du aurtengo Durangoko Azokako Argizaiola saria eta Eskozia izango da herrialde gonbidatua.

Pop pilulekin kolokatuko gara negu honetan

Pop Pilulak fanzinea aurki eskuratu ahalko dugula dio Nontzeberri webgune kulturalean irakur daitekeen albiste batek.

Durangoko Azoka, gutxieneko adostasun bila

Soka tenkatu bai, baina ez da eten oraingoz: Durangoko Azokaren antolamenduari buruzko gutxieneko akordioa bilatzeko epe bat jarri zuten atzo Gerediaga elkarteko kideek eta Azokaren inguruko guneetan parte hartzen duten taldeek.

Gotzon Barandiaran: “Gerediagaren ikusmoldea da: guk erabaki eta zuk lan egin”

Aiert Goenaga Durangoko Azokako zuzendari postutik kendu duela iragarri zuen atzo Gerediaga elkarteak eta polemika ekarri du. Azken urteetan Azokan protagonismo handia hartu duen Ahotsenea guneko arduradun Gotzon Barandiaranekin hitz egin dugu erabakiari buruz.

Aiert Goenaga Durangoko Azokako zuzendari kargutik kendu du Gerediaga Elkarteak

2013-02-13

ARGIA

Durangoko Azoka antolatzen duen Gerediaga elkarteak zuzendari kargutik kendu du Aiert Goenaga. 2011. urtean hartu zuen zuzendari kargua Goenagak Jon Irazabalen ordez.

Espero baino salmenta handiagoak 47. edizioan, antolatzaileen arabera

2012-12-10

Jon Torner Zabala

Durangoko Euskal Liburu eta Disko Azokak aurreikuspen guztiak gainditu dituela adierazi dute Gerediaga elkarteko kideek. Egun bat gutxiago iraun arren, iaz baino bisitari gehiago izan dira Landako Gunean, 130.000 inguru. “Argi geratu da, edozein eragin edo koiuntura okerren gainetik, Durangoko Azoka euskal kulturaren erreferentzia nagusia dela”, esan du Aiert Goenaga Azokako zuzendariak.

Azken eguna | Azoka TB zuzenean

2012-12-09

ARGIA

Azken eguna du Durangoko Azokako 47. edizio honek. Euskal Herriko milaka pertsona bildu dira liburu, disko, kontzertu, hitzaldi eta gainerako ekitaldien artean.

Ehunka herritarrek egin zioten harrera Euskal Kulturaren azokari

2012-12-07

Josu Urtubia

Atzo ireki zituen ateak Durangoko Azokak. Euskal Herri osoko jendea bildu zen literatura eta musikaren ingurura 47. edizio honetan. Hasiera euskal kultura eta flamenkoa lotzen dituen ekitaldi batek eman zuen eta amaieran Benito Lertxundiri eman zioten Argizaiola saria. Lau egunetarako 300 ekitalditik gora antolatu dituzte.

Hasiera jendetsuaren ondoren, bigarren eguna du gaur Azokak

Durangoko Azoka indartsu abiatu zen atzo eta gaur bigarren eguna bizitzen ari da. Areto nagusiak 10:30etan ireki ditu ateak berriro ere. Ideia batzuk krisi madarikatu hau gainditzeko aurkeztuko dute Javier eta Koikili Lertxundik. Pako Aristik jarriko du martxan Ahotsenea Independentziaren paperak liburua aurkeztuz. Egunean zehar Kafe aleak, Briganthya eta Esku Hori liburuak aurkeztuko dituzte, besteak beste. Aretoa musikaz ere beteko da: Nerver Surrender, Willis Drumond, Xabi San Sebastian eta beste hainbat izango dira bertan.

Durangoko Azokak ireki ditu ateak 47. urtez

2012-12-06

Josu Urtubia

Ireki ditu ateak Durangoko Azokak. Euskal Herri osoko jendea bilduko du datozen egunetan, kultura eta musikaren inguruan  47. edizio honek ere. 300 ekitalditik gora antolatu dituzte, eta euskal kultura flamenkoarekin lotzen duen ikuskizun bat izango da irekiera ekitaldian. Benito Lertxundik jasoko du iluntzean Argizaiola saria.

Durangon outsider plantak eginez erosteko bi proposamen

Kritikatzen dugu Durangoren harira gure kultur mundutxoan gailentzen den farandula-giroa, baina azkenean jai daukazula, plan hoberik ez, aspaldiko lagunarekin geratu zarela, nola ez dakizu baina han tokatu eta Landakon atzera-aurrera bukatuko duzu –zergatik idazten ote dut pluraleko lehen pertsonan edo singularreko bigarrenean?–. Sasi-erradikal hiper-kultureta chic izateak hori du problema: Azokan egon, baina egon nahi ez duenaren plantak egiteko, ezin duzula Toti Martinez de Lezearen azkena besapean eraman*, integratuegia egongo zinateke rollo azokeroan. Eta zuk norbaitekin topo eginez gero, lasai-lasai atera nahi duzu delako liburu/diskoa poltsatik, keinu aspertuz zera esan bitartean: “Azkenean hau hau dut. Salbatzen den ia bakarra, egia esan; hau urtetik urtera dekadenteagoa da”. Outsider plantak egitea atsegin baduzu, aurtengo nire gomendioak hauek dira (blog honek ARGIA osoak bezala CC-by-sa lizentzia daukanez, hemen beheko testua lasai erabil dezakezu Plateruenan izango dituzun tertulietan): (gehiago…)

Bonberenea Ekintzak-ek liburu-disko-DVDa plazaratu du 10. urteurrenean

2012-12-05

Jon Torner Zabala

  Bonberenea Ekintzak plataformak 10 urteko ibilbidea jaso du 2002-2012 Doinuen hamarkada liburuan. Inprimatutako materialaz gain (Tolosako  Bonberenean  egindako grabazio guztien zerrenda, diskoen azalak, argazkiak, elkarrizketak…), 38 kanta, hainbat talderen bideoklipak eta hamahiru kontzerturen zuzeneko irudiak biltzen dituzten bina CD eta DVD daramatza liburuak.

"Tribu sentipena berreskuratzen ez badugu jai daukagu"

2012-12-02

Iker Barandiaran

Musikari beteranoak urteak daramatza agertokietan. Izotz plaza taldean luzaroan, Alboka folk taldean, beste musikariekin elkarlanean, bakarkako ibilbideari ekin zion duela urte batzuk. 2009an kaleratu zuen Ospela diskoan nabaritzen zen rock arima bazuela, baina ez genekien laster batean irauli eta Erraiak diskoan hala gorpuztuko zuenik.

"‘Ezin zara kexatu’ bezalako esaldien zentzugabekeria azaltzen saiatu naiz"

Editoreak aurkezpenean esan zuen moduan, poeta berria da Hedoi Etxarte, aurreko lana atzean utzi eta bestela hasi dena, Suzko lilia (2008) idatzi zuen Hedoi Etxarterekin –edo beste inorekin– batere antzik ez duena. Jende xehea protagonista duten istoriotxoz betea dator Sinplistak (Susa) poema-liburu “panfletario eta manikeoa”, autorearen hitzetan.

"Poesiak narrazioaren bidea argitzen lagundu dit"

Nobela berria dakar Kirmen Uribek udazken-negu honetan. Mussche (Susa, 2012) du izenburu eta, azalean, Bigarren Mundu Gerran Belgikan, Flandesen, erresistentziarekin bat eginik jardun zuen Robert Musscheren historia da. “Heroi baten historia”, azalean. Alabaina, mamian, bizitzaz, heriotzaz, munduaz eta, oro har –eta, batik bat–,  adiskidantzaz ari da gure idazlea.

300 ekitaldi baino gehiago egingo dira Durangoko Azokan

Atzo aurkeztu zuten Durangoko Liburu eta Disko Azokaren 47. edizioko programazioa, 300 ekintza baino gehiagorekin. “Inoizko egitarau zabalena lortu da eta horretarako gakoa elkarte eta talde desberdinen arteko elkarlana izan da”, adierazi du Aiert Goenaga Azokako zuzendariak.

Pentsamendu mastekatu gabea eskura

Saski bete intxaur. Ezkaldian Bilduak. Patziku Perurena

"Ez dut ezer orijinalik esan nahi, ahalik eta kalitate handieneko zer edo zer entretenigarria, baizik"

2012-10-28

Iratxe Esnaola

Piztiaren Begiak, Alberto Ladron Aranaren azken thrilerra kalean da. Giro frenetikoa, nortasun nahasteak eta mozorro festa ez dira falta eleberrian. Suspensearen hariak mugitzen badakiela erakutsi du beste behin Iruñeko egileak, bere lanik onena kontsideratzen duen obra honetan.

"Nire slow life egiteko modua da literatura"

Informatikaria da lanbidez, baina aurkitu dio euskal letrei lotuta jarraitzeko modua, ofizioa eta afizioa nolabait uztartzekoa, X taldean baitihardu. Alter Ero bere bigarren ipuin-liburua plazaratu du Susa argitaletxearen eskutik.

Erraldoiaren gizatasuna aldarrikatuko dute txotxongiloek

2012-10-14

Iratxe Esnaola

David Azurza konpositoreak eta Koldo Izagirre idazleak elkarlanean mamitu duten diskoa da Altzoko Haundia, txikien opera. Joan den ekainean aurkeztu zuten CDa eta hurrengo urte amaierarako obra oholtzara eraman nahi dute abesbatza, musikariak, kantariak eta txotxongiloak elkartuko dituen ikuskizunean.

"ETAn diziplina baloratu da, sorkuntzaren gainetik"

2012-09-16

Mikel Asurmendi

(Gasteiz, 1946). ETAko militantea izan zen frankismo pean. ETAren eta Euskal Herriaren historia berriaren ezagutzaile eta iritzi emaile egokia da. ETAren estrategia armatuaren historiaz liburua plazaratu berri du Maiatz argitaletxearen eskutik: “Ez da ETAren historia, egin dugunak zentzua ukan dezan memoria analisia da” erran digu Angeluko bere etxean. 

"Nobelagilea gupidagabea da, makurra, gaiztoa, zikina"

Etxe dotore bat, higatutako harremanak eta halako lasaitasun estu bat giroan. Donostia. Martutene. Ramon Saizarbitoriaren azken nobela da jarraian datorren elkarrizketako gai nagusia. Hariari tiraka ordea, idazleak beste hainbat gairi buruz dauzkan iritziak azaldu dizkigu.

Merkatua indartzeko giltzaren bila

Orokorrean, nolakoa da munduan eta gurean liburu eta diskoen ekoizpena eta kontsumoa? Anjel Valdes. Musikaren kasuan inoiz baino gehiago kontsumitzen da. Paradoxikoena da kontsumoa handitu den neurrian -edonon entzuten da musika gaur egun- benetan jaitsi dena merkatua dela, kontsumo horren...
Multimedia

2011-12-08  |  Durangoko Azoka

Durangoko Azokatik bueltaka

Beranduegiko lagunak Serengetiko lehoien antzera murgildu gara Durangoko Azokako oihanean, galdurik eta babesgabe dagoen kulturetari hozka egiteko asmoz.

2010-12-20  |  Durangoko Azoka

Durangoko Azokaren eboluzioa

1965ean sortu zenetik eobluzio luze eta emankorra bizitu du Durangoko idsko eta liburu azokak. Kronologia honetan eboluzio hori ulertzeko giltzarri diren data eta gertaerak bildu ditugu.

1970-01-01 Durangoko Azoka

1970-01-01 Durangoko Azoka

Gehiago kargatu

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys