Ez dakigu egunotan Espainiako estatuko hainbat hiritan (Hego Euskal Herrikoak barne, horiek ere Espainiako estatuan baitaude oraingoz) antolatzen ari diren protesta-kanpaldiek zer ekarriko duten. Ez dakigu izango denentz benetan eragingo duen mugimendu baten hasiera; ez dakigu nekatuko ote diren, etsi ala eutsi egingo duten, poliziaren zenbat egur jasateko prest dauden, X, Y ala Z gertatuz [...]
Masokismo puntu batekin, aitortzen dut, bolada batean Twitterren jarraitu nituen zenbait politikari, kazetari eta iritzi-emaile eskuindar eta ultra-eskuindar, konturatu nintzen arte nire osasun ideologikoari kalte besterik ez niola egiten egunero 140 karaktereko kontserbadurismo gogorrenaren dosiak injektatuz. Oreka mentalaren mesedetan, azken hilabeteotan utzi egin diot Pedro J. Ramirez, Carlos Dávila eta Arcadi Espada jarraitzeari, besteak beste, [...]
(2011ko apirilaren 28an Zarauzko Euskalduna tabernan, Kafe Torero egitasmoaren barruan egindako Bukatu gabeko poemak errezitaldiaren kronika. Nola ez, beranduegi) Eseri zen karpeta bete folio, mikrofono soil bat lagun. Egoerak ez zuen erraza behar Harkaitz Canorentzat, material berria zen jende aurrean erakustera zihoana, eta horrelakoetan kantautore… barka, idazle guztiek jakin-mina izaten dute, publikoak nola erantzungo ote [...]
Ohar nekrologikoak idaztea iruditu zait beti genero periodistikoen artean zailena eta horregatik, beste erremediorik geratu ez denean bakarrik praktikatzen saiatu izan naiz, ahal izan dudan guztietan artikulua sinatu gabe utziz (edo sinadura faltsuaren atzean nire burua koldarkeriaz ezkutatuz). Baina, apiril giroak kutsatuta-edo, pentsatu dut badela garaia hil-oharrak idazten ikasteko ere. Zer arraio, bere garaian ikasi [...]
Martxokoa da notizia: Stephen King-en hurrengo nobelak Amerikako Estatu Batuetako historiaren azken mendeko pasarte ezagunenetako bat izango du ardatz, John Fitzgerald Kennedyren hilketa. 11/22/63 izango da titulua, 1963ko azaroaren 22an saltarazi baitzioten kaskezurra Kennedyri. Kingen nobelako protagonista eskola-irakasle bat izango da eta denboran atzera bidaiatuz hilketa geldiarazten saiatuko da.
Badira gure artean adur txarreko zenbait txoritzar, euskal literaturarekin zerikusia duen edozein polemika pizten denean korrika abiatzen direnak bakea, bakea, bakea aldarrikatzera, pentsatuz bestelako edozein jarrera bizi gaituen anormaltasunaren seinale dela, ez besterik. Etsenplu gisa: idazle batek muzin egiten badio sari bati edo eskatzen badu bere lana ez dezatela baloratu X golardo jaso dezaketen obren [...]
Ezagutzen hasi gara udaberrian argitaratuko diren nobedadeak eta pentsatu dut, editorialetan liburu berriei azken ukituak ematen ariko diren honetan, kuriosoa izan daitekeela prozesu horretako bi aktore nagusien arteko harremanari erreparatzea. Gutxitan hitz egiten baitugu idazleak izaten duen harremanaz beste pertsona batekin, alegia, editore esaten zaion piztia txiki horrekin, zeinaren ardura den letra pila bat hartzea, [...]
Iragarri zuen Iratxe Retolazak eta ez genion behar adinako kasurik egin: presentzia literarioak ari gara nabarmentzen literatur testuen gainetik. Idazlearen bizipenak eta ez haren lanak. Eta behin horretan hasita, zergatik mugatu letra-juntatzaileen bizimodu aspergarrietara? Ez ote da “erakargarriagoa”, demagun, kirolariak idazle bihurtzea? Elkar aldizkariak Edurne Pasaban alpinista ekarri du azalera azken zenbakian Catorce veces ochomil [...]
Fukushimako zentral nuklearrean gertatzen ari denak paradoxa polita planteatuko dio beste Fuku bati, erabat baztertuta geratua zen bere obra batek zentzu berria har baitezake katastrofeari esker. Francis Fukuyamaz ari naiz. Historiaren amaiera eta azken gizakia liburuan —zeina, bide batez, ez dudan irakurri; beraz jarraian emango ditudan azalpen guztiak irakur bitez omenka— zera iragarri zuen politologo [...]
Ez duzu lortuko. Liburu analogikoak, paper-tinta-kola-kartoiez egindakoak, objektu fetitxe izateaz gain, izaki bizidunak ere bai baitira. Irakurgailu digitalak aldiz, gris eta aspergarri begitanduko zaizkizu, Angel Erroren bidez deskubritu dudan bideo hau ikusi ondoren. Ni behintzat, konbentzitu nau; eta pasa den asteburuan banatu izan ez balituzte, bukaerako kredituetako baten batek aktore onenaren Oscar saria mereziko lukeela [...]
Boligrafo Gorria: Hamar medikutatik ez-dakit-zenbatek gomendatuko lizuketen kultur-dosia (eta batzuetan, pixka bat gehiago).
