Maiatzak 15: Bilboko Vendetta?
Sarrera hau Gorka Bereziartua-(e)k idatzi du Urtarrila 7, 2010
Atala: Ikus-entzunezkoak
Atala: Ikus-entzunezkoak
Teaser moduko bat ari da sarean zabaltzen, blog baten eta Youtuben zintzilikatutako bideo baten bidez. Pertsona bat hizketan Guy Fawkes-en maskara jantzita, Alan Moore-en V for Vendetta komikiko protagonista anarko-iraultzailearen maneran. Maiatzaren 15a iragartzen du. Lekua: Bilbo. Han elkartzeko gonbita luzatu du hizlariak, “bide berriak eraikitzeko, eta justizia, berdintasuna eta askatasuna hitz hutsak ez direla erakusteko”.
Noski, momentuz misterioa da nagusi. Ez dakigu Bilbokoa manifestazio artistiko bat izango den ala benetan Txaikovski entzuteko aukera izango ote dugun. Itxaron beharko. Arreta deitzen badakite behintzat…
Irakurleen erantzunak
Norentzat azpititulatu ote dute? Zuberotarrentzat?
Imajinatzen dut bideoa euskaraz egiten hasi eta Fermin Etxegoienek “Neurona eta Zeurona”-n aipatzen zuen eten estetikoa sentituko zutela egileek. Hau da, “V for Vendetta”-ren zinemarako bertsioa gaztelaniaz ikusita, zaila egingo zitzaiela protagonista euskaraz hizketan jartzea, hortik azpitituluekin “kunplitzea”. Filmak bikoizteko mania frankista horren errua da hau guztia, nire ustez (eta eten estetiko horri aurre egiteko nagikeria, koanto).
Euskal Herian euskaraz. Nundik atera da hori?
Pa Extremadura txo. Oindik horrela?