Pasaiako Atez Atekoaren albisteak

2013-04-18  //  Atez atekoa, Udalak  //  Iruzkinik ez

Pasaian hondakinen Atez Ateko bilketa dela eta egunotan sortutako zenbait albiste eta iritziren bilduma. (gehiago…)

Legazpin Atez Atekoaren kontrako plataformak galdeketa prest dauka

2013-04-18  //  Atez Atekoaren alde, Atez Atekoaren kontra, Gizarte eragileak, Politikariak  //  Iruzkinik ez

Datozen larunbat eta igandean, 21 eta 22, Atez Atekoaren kontrako Legazpiko plataformak antolatutako heri galdeketa burutuko da. Goierriko Hitzak  honela laburbildu du plataformak galdeketaren aurretik leporaino bete zen Latxartegi aretoan antolatutako azken bilera: “Legazpiko Birziklapena bai, atez atekorik ez herri plataformak hondakinen bilketa sistemaren inguruan datorren asteburuan egingo duen herri galdeketari buruzko xehetasunak argitu ditu. Kontsultaren bidez, legazpiarrak ‘udal gobernuak hartu duen erabakiaren aurka’ daudela erakutsi nahi dute: ‘Zaborraren esklaboak bihurtu nahi gaituzte’. Diotenez, inposizioa ‘ez da legazpiarren artean elkarbizitza’ bultzatzeko modua eta horregatik ‘Legazpik zein bilketa sistema nahi duen aukeratu nahi duela garbi utzi du’”.
(gehiago…)

Astigarragan Atez Atekoa oso ondo hasi dela dio udalak

2013-04-17  //  Atez atekoa, Udalak  //  Iruzkinik ez

Astigarragako udalak esan du izugarri ondo hasi dela Atez Atekoa herrian, herritarrak zorionduz beren konpromisoagatik. (gehiago…)

Ormazabali bankuak ohartarazi omen zion ez zela egokia 120 milioiko zorra sinatzeko

2013-04-17  //  Aldundiak, Bankuak, Ekonomia, Errausketa, Partzuergoa  //  Iruzkinik ez

Gara egunkarian Imanol Inziartek sinatu duen “Ormazabal firmó una operación de 120 millones pese al aviso de La Caixa” kronikaren arabera, 2011ko urtarril-otsailetan Gipuzkoako Foru Aldundian ingurumen diputatua zen Carlos Ormazabalek eta orduan GHK partzuergoaren zuzendari zenak, Joxi Etxezarretak, ez bakarrik sinatu zituzten 120 milioi euroko balioa duten produktu espekulatiboak, gainera ez zituzten kontutan eduki horrelako finantz produktuak erabiltzeko zeukaten ezagutza urriaz  La Caixa bankuak aurretik egindako ohartarazpenak.
(gehiago…)

Orio hondakinen prebentziorako plana prestatze lanetan ari da

2013-04-17  //  Prebentzioa, Udalak  //  Iruzkinik ez

Orioko udalaren bultzadaz, eta Urola Kostako mankomunitatearekin elkarlanean, hondakinen prebentziorako plana prestatzen ari dira herri honetan. (gehiago…)

Hiru astetan birziklatzea bikoiztu Itsasondok, Legorretak eta Zaldibiak

2013-04-16  //  Sailkatugabeak  //  Iruzkinik ez

Sasieta mankomunitateak jakinarazi duenez, Atez Ateko bilketarekin hondakinen bilketa selektiboa bi halakotu egin da hiru asteren buruan Goierriko hiru herriotan: Legorreta pasatu da % 33 tik % 72 ra, Zaldibia % 34tik % 78ra eta Itsasondo iritsi da % 83ra. Xehetasun tristea: Legorretan ziento erdi bat familiak ez dituztela gaika biltzeko tresnak jaso eta zaborrak nahasturik uzten segitzen dutela. (gehiago…)

Auzokonposta egiteko lehen gunea Ordizian gaur estreinatuko dute

2013-04-16  //  Auzolaneko konpostaketa, Udalak  //  Iruzkinik ez

Ordiziako udalak gau, apirilak 16, du estreinatzekoa herritarrek auzokonposta egin dezaten antolatuko diren guneetan lehenbizikoa. (gehiago…)

Peruarenak azaldu ditu Zubietako kontratuen okerren xehetasunak

2013-04-16  //  Aldundiak, Dokumentuak, Ekonomia, Partzuergoa, Plangintza  //  Iruzkinik ez

Zubietan errauskailua eraikitzeko kontratuetan dauden irregulartasunei buruzko xehetasun gehiago azaldu ditu Berria egunkariak gaur. Egunkari horrek aurretik emandako eta blog honetan “Partzuergoa errauskailuaren eraikitzaileetatik birekin kontratua haustekotan” eta “Errauskailuarekiko FCCk eta RESAk egindakoak azaldu ditu Petxarromanek” albisteetan jasotakoei jarraipen emanez, Mikel Peruarena Ansak gaurko Berrian “Irregulartasunak Zubietako errauste plantarako kontratuetan” kronikan aferaren zertzelada gehiago plazaratu ditu, ondoko lerroetan laburbiltzen ahaleginduko garenak.
(gehiago…)

Tolosaldean Atez Atekoa ezartzeko lanak eta eztabaidak martxan

2013-04-16  //  Atez atekoa, Atez Atekoaren alde, Atez Atekoaren kontra, Gizarte eragileak, Mankomunitateak, Politikariak, Udalak  //  Iruzkinik ez

Tolosaldeko Zabor Mankomunitateak prentsaurrean azaldu du orain artean Atez Ateko bilketa sistema Algian, Amasa-Villabonan, Anoetan, Iruran eta Zizurkilen ezartzeko lanek eta bilkurek eman duten fruitua. Horrez gain, herri horietatik bildu ahal izan ditugun eztabaida eta iritziak erantsi ditugu albistean. (gehiago…)

Lezon Atez Atekoa 29an (eguneratua)

2013-04-15  //  Atez atekoa, Atez Atekoaren alde, Atez Atekoaren kontra, Gizarte eragileak, Politikariak, Udalak  //  Iruzkinik ez

Lezoko alkate Ainhoa Zabalok jakinarazi du apirilaren 29an jarriko duela udalak abian Atez Ateko bilketa herrian. Gipuzkoan sistema hau erabiliko duen bederatzigarrena izanen da 6.000 biztanle dauzkan Lezo. Albiste honi loturik bildu dugu hondakinen kudeaketaren inguruan Lezon egunotan azaldutako iritzi sorta. (gehiago…)

Oiartzunek Atez Atekoarekin hondakinen %82 birziklatzen du

2013-04-15  //  Atez atekoa, Birziklajea, Udalak  //  Iruzkinik ez

Oiartzungo udalak jakinarazi du 2012an herritarrek sortu hondakinen %82,75 birziklatzeko moduan jaso dituela Atez Ateko sistemarekin. Errefusa oraindik gehiago murrizteko modua badela dio udalak, eta horretarako ahalegin berezia egingo duela landa eremuan bizi diren herritarren artean. (gehiago…)

Errauskailuarekiko FCCk eta RESAk egindakoak azaldu ditu Petxarromanek

2013-04-15  //  Errausketa, Partzuergoa  //  Iruzkinik ez

Besteren artean Gipuzkoako errauskailuaren historia “Su haietatik, ke hauek” liburuan kontatu dituen Iñaki Petxarroman kazetariak Berrian plazaratu “Eta postrerako, hondakinak” analisi artikuluan azaldu ditu FCCk eta RESA konpainiak Zubietako proiektuaren kudeaketan egindako urratsen datu berriak. (gehiago…)

Ezker Anitzak salatu du San Markoren webgunearen gardentasunik eza

2013-04-14  //  Sailkatugabeak  //  Iruzkinik ez

Ezker Anitza alderdiak salatu du San Marko mankomunitateak gaur daukan webgunea ez dela gardena.  Hitzak bildu duenez, Ezker Anitzak esan du egungo kudeatzaileek gardentasun eza azaldu dutela, ez dutelako euren webgunean Mankomunitatearen jardueren daturik eguneratu. Ezker Anitzak faltan sumatu du webgune horrek, kalitatearen Q zigilua eduki arren, hainbat datu bertan ez agertzea: “zenbat hondakin sortzen dugun, non eta nola. Ezinbestekoak dira datu horiek San Markoren barruko udalerrien jarduna, beste mankomunitate batzuen datuekin edo beste sistemak dituztenekin alderatzeko”. Denis Itxaso sozialista da gaur San Markoko lehendakaria. (gehiago…)

“Orain arte bezala jarraitzea” aldarrikatu dute Bergaran

2013-04-13  //  Atez Atekoaren kontra, Gizarte eragileak  //  Iruzkinik ez

Bergaran ostiral arratsaldean burutu da Atez Atekoaren kontrako plataformek deitutako manifestazioa “5. Edukiontziari bai! 4.691 sinadura. Atez atekoari ez” zioen pankartaren gibelean. Biharamuneko egunkariek papereratu dituzte,  bildutako herritarrek oihukatutako esloganez gain, ekitaldian plataformaren bozeramailetza eraman duen Juan Luis Bikuñak megafoniatik esandako leloak: “No a la imposición. No al dictado”, “Kontsulta herrikoia, gure eskubidea“, “Jo ta ke, irabazi arte!” eta “Queremos seguir como hasta ahora“. (gehiago…)

Bergarako Atez Atekoa oraingoz edukiontzi hori eta urdinak mantenduz

2013-04-12  //  Atez atekoa, Udalak  //  Iruzkinik ez

Bergarako udalak prentsaurrean azaldu ditu “Bergaran inoiz izan den parte-hartze prozesu jendetsuenaren” ondorioz hartutako erabakiak.  Uda aurretik abian jarriko duten Atez Ateko bilketak herri horretan berritasun hau izanen du: organikoa eta errefusa atez ate bilduko dira eta aldi berean paperki eta ontzi arinentzako karriketan utziko dira orain arteko kontainer urdin eta horiak. Udal agintariek argitu dute hiru hilabeteko jarraipen zorrotzak erakutsiko duela ea sistema hori aski den hondakinen gaikako bilketa %80raino eramateko ala “beste zerbait pentsatzen” hasi beharra daukaten. Beste xehetasun asko azaldu dituzte Bergarako agintariek. Herrian burututako zazpi bileretan 591 herritarrek hartu omen du parte. Horietan adostu dituzte erabakiak, eta baita ere hondakinak eskegitzeko lekuak gune jakinetan multzoka biltzea. (gehiago…)

Partzuergoa errauskailuaren eraikitzaileetatik birekin kontratua haustekotan

2013-04-12  //  Errausketa, Gipuzkoa, Partzuergoa  //  Iruzkinik ez

Berriak eta eta EITBk zabaldu dutenez, Gipuzkoako Hondakinen Partzuergoak laster  eten behar ditu Zubietan errauste planta eraikitzen ari diren enpresetako birekin, RESA eta IBH ingeniaritza konpainiekin, dauzkan kontratuak. Mikel Peruarena Ansak zehaztasun handiz kontatu duenez “Errauste plantako lanen bi kontratutan GHK-k legea urratu zuela sumatu dute” kronikan, GHK partzuergoaren gaurko zuendaritzak uste du legalitatea urratuz esleitu zitzaizkiela lanak bi konpainia horiei. (gehiago…)

Datuak Babeserako Bulegoak gomendioak egin ditu Atez Atekorako

2013-04-12  //  Atez atekoa  //  Iruzkinik ez

Diario Vascok zabaldu duenez, Datuen Babeserako euskal Bulegoak, herritar baten eskariari galdetuz, pertsonen pribatasuna bermatzeko neurriak hartzeko gomendatu die Atez Atekoa jarri duten herriei. Bulegoak, antza, z du esaten ea dagoenekoz neurri horiek udalek hartuta dauzkaten ala ez. Gipuzkoan orain arte Atez Atekoa ezarri duten udalek zenbait neurri hartuta dauzkate ildo horretan, inguruetako herriek oraindik ez dauzkatenak: agiri konprometituak birrintzeko gailua herriko gune jakin batean, hondakinak era berezian lagatzeko Garbiguneak, eta abar. (gehiago…)

Debagoiena ZZek “Errausketaren atzean dauden interesak” bideoa eskegi sarean

2013-04-11  //  Atez Atekoaren alde, Errausketa, Gizarte eragileak  //  Iruzkinik ez

Debagoienako Zero Zabor taldeak “Errausketaren atzean dauden interesak” bideoa zabaldu du, aurretik argitaratu zuen “Errausketari ateak ixten” dokumentalaren atal hautatuak josiz.

Pasaian Atez Atekoa finkatzeko herritarren bilerak hasi dira

2013-04-11  //  Atez atekoa, Udalak  //  Iruzkinik ez

Pasaiako alkate Amaia Agirregabiria bertan zela, Pasaiako udalak eta herritarrek eman diete hasiera Donibanen Atez Atekoa ezartzeko parte hartze prozesuko bilerei. (gehiago…)

‘Berdegara’ egunean aldarrikapen koloretsua egiteko egitaraua

2013-04-11  //  Atez Atekoaren alde, Gizarte eragileak  //  Iruzkinik ez

Goienak “Berdegara Eguna ‘lasaitasunerako deia’ izateaz gain ‘aldarrikapen koloretsua’ izatea nahi dute” albistean zabaldu duenez, ekitaldi horren antolatzaileek eta Berdegara Ekimenarekin bat egin duten hainbat herritarrek agerraldia egin dute antolatutako egitarauaren berri eman eta herritarrei lasaitasunerako eta konpromisorako deia egiteko.

Amasa-Villabonan Atez Atekoaren prestaketan ari dira

2013-04-10  //  Atez atekoa, Udalak  //  Iruzkinik ez

Amasa-Villabonan apirilaren 19a arte ari dira herritarrak eztabaidatzen hondakinak Atez Ate biltzeko sistemaren zehaztapen praktikoak. (gehiago…)

Bergaran Atez Atekoaren kontra manifestatzeko deia Debagoienan

2013-04-10  //  Atez Atekoaren kontra, Gizarte eragileak  //  Iruzkinik ez

Apirilaren 12an Atez Atekoaren kontra Bergara Garbiak deitu duen manifestazioari atxikimenduak iristen zaizkio Debagoienako gainerako plataformen aldetik. (gehiago…)

Italia osoan ‘Zero Zabor’ legea ezartzeko 100.000 sinaduraren bila ari dira

2013-04-10  //  Europa, Prebentzioa  //  Iruzkinik ez

Rifiuti Zeroko kideak.

Zero Waste Europe koordinakundeak zabaldu duenez, Italiako Rifiuti Zero mugimenduak firma bilketari ekin dio Italia osoan herrialde horrek Zero Zabor lege berria eduki dezan.

Capannori hiria izan zen 2020. urteari begira Zero Zabor hiri izateko helburua beregatzen lehena. Orain Italia osoak bide bera hartzea dauka helmuga LeggeRifiutiZero ekimenak. Herri ekimen batek parlamentuan eztabaidatua izateko 50.000 sinaduraren bermea erakutsi behar duela eta, 100.000 sinadura biltzea lortu nahi luke epe laburrean. (gehiago…)

EAJk, PSEk eta PPk salatu dute Bilduk Atez Atekoa bortxaz ezarri nahi duela

2013-04-10  //  Atez Atekoaren kontra, Politikariak  //  Iruzkinik ez

Lezoko eztabaidaren inguruan EAJk, PSEk eta PPk plazaratutako iritziak prentsan eta sare sozialetan: (gehiago…)

‘Made in Sakana’: Nafarroako lehen Atez Atekoaren zenbait ezaugarri

2013-04-10  //  Atez atekoa, Auto-konpostaketa, Auzolaneko konpostaketa, Mankomunitateak  //  Iruzkinik ez

Sakanako hondakin sistema berrian, tresneria bertako Igoarkin enpresak sortu du. Hemen hondakinak gaika era pertsonalizatuan kaleratzeko euskarriak zurezkoak izanen dira eta auzokonposta egiteko guneak zurezko etxoletan bilduko. (gehiago…)

Gipuzkoa Zero Zabor ‘MunduMOB’ prestatzen ari da

2013-04-09  //  Sailkatugabeak  //  Iruzkinik ez

Gipuzkoa Zero Zabor koordinakundea ‘MunduMOB’ ekintza erraldoia prestatzen ari da “Eskubideak bete behar direlako. Eman hartu nahi duzun mundua” lelopean. Hori iragartzen duen bideoa ipini du sarean:

Azkoitiako hondakinen mahaiaren lanak ekainera bitartean

2013-04-09  //  Atez atekoa, Bost kontenedore, Gizarte eragileak, Politikariak, Udalak  //  Iruzkinik ez

Asteazkenean, apirilak 10, bigarren bilera dauka hondakinen kudeaketa aldatzeko Azkoitian udalak antolatu duen lan taldeak. San Markoko lehendakari izandako Imanol Azpiroz mintzatuko da Gipuzkoako Hondakinen Planaz. Maiatzaren 8an Gipuzkoan dauden sistema ezberdinak aztertuko dituzte, ekainaren 5ean Azkoitiako hondakinen datu ekonomikoak eta ekainaren 19an ordura arteko saioen balorazioa eginen dute. (gehiago…)

Lezoko alkatea: Atez Atekoa abiarazteko neurri guztiak hartuko dira (eguneratua)

2013-04-09  //  Atez atekoa, Sabotajea, Udalak  //  Iruzkinik ez

Azken egunotako zenbait gertakizun eta polemikaren ondoren, Lezoko alkate Ainhoa Zabalo azaldu da prentsaurrekoan argi adieraztera apirilaren amaieran herrian hondakinak Atez Ate biltzen hasteko neurri guztiak hartuko dituela udalak, Oarso-Bidasoako Hitzaren bideo honetan ikus-entzun daitekeenez:

Atez Atekoaren kontrako plataformak herri galdeketa gehiago antolatzea pentsatzen

2013-04-08  //  Atez Atekoaren kontra, Gizarte eragileak  //  Iruzkinik ez

Diario Vascok plazaratu duenez, Atez Atekoaren kontrako plataformen Gipuzkoakobozeramaile Patxi Amantegik egunkari horri berretsi dio herri gehiagotan galdeketak antolatzea pentsatzen ari direla; “Atez Atekoarekin jendea bero dago” deklaratu du Amantegik. (gehiago…)

Egunotako zenbait iritziren bilduma

2013-04-08  //  Atez Atekoaren alde, Atez Atekoaren kontra, Gizarte eragileak, Iritziak / Adierazpenak, Politikariak  //  Iruzkinik ez

Azken egunetan hondakinen eztabaidaren inguruan plazaratu diren zenbait artikuluren bilduma. (gehiago…)

Hondakin mahaiak lanean Errenterian eta Azkoitian

2013-04-08  //  Atez atekoa, Bost kontenedore, Udalak  //  Iruzkinik ez

Hondakinen kudeaketa aldatzeko bidean hondakin mahaiak martxan dauzkaten herrien artean, Orereta-Errenteriakoaren eta Azkoitiakoaren albisteak ezagutu dira. (gehiago…)

RTVE Espainiako telebista publikoan erreportajea errausketaz

2013-04-08  //  Sailkatugabeak  //  Iruzkinik ez

Espainiako RTVE kate publikoak ematen duen El escarabajo Verde saioak joan den ostiralean, airpilak 5, erreportaje berezia eskaini zion hiri hondakinen errausteari buruzko eztabaidari: “¿Fuego purificador?”.

Sortuk dio EAJ dagoela Atez Atekoari Lezon egindako erasoen atzean

2013-04-06  //  Atez Atekoaren kontra, Politikariak  //  Iruzkinik ez

Sortuko Marian Beitialarrangoitiak EAJri egotzi dio ezezagunek Lezon aurretik Legorretan bezala Atez Atekoaren tresneriari egindako erasoen errua. Lezon gertatutako istiluetako baten bere bertsioa eskaini du Ertzaintzak. (gehiago…)

‘Atez Ate bildu ondoren zer?’ Gipuzkoa Zero Zaborren erantzuna

2013-04-06  //  Galdera-erantzunak, Prebentzioa  //  Iruzkinik ez

Gipuzkoa Zero Zaborren webgunera irakurle batek galdera hau bidali omen du: “Kaixo! Egia da zerbait egin beharra dagoela denok gure zaborrak bereizten hasteko eta modu bakarra behartzea dela, jende askok eta askok ez dutelako ezer ere bereizten, baina galdera batzuk dauzkat atez atekoaren inguruan. Zer egingo da bertan bereizten diren gaiekin?Denok dakigu kontenedore horiko gehiengoa ez dela birziklatzen beraz zer egingo da horrekin? umeen pardelak,…?eta materia organikoa konpost bihurtu ondoren zer? zertarako edo non erabiliko da konpost guzti hori?“. GZZek “Atez Ate bildu ondoren zer” artikuluarekin erantzun dio.

Atez Atekoa Lezon: boikot deia eta erasoak

2013-04-05  //  Atez Atekoaren kontra, Gizarte eragileak, Politikariak, Udalak  //  Iruzkinik ez

Lezon udalak laster abian jarri behar duen Atez Ateko bilketa sistemaren kontrako boikot deiak zabaldu dira batetik eta bestik udalak eta Sortuk salatu dituzte lehen sabotaje ekintzak. (gehiago…)

Atez Atekoaren kontrakoen bozeramaile Patxi Amantegi ‘Galtzaundi’n

2013-04-05  //  Atez atekoa, Atez Atekoaren kontra, Bost kontenedore, Gizarte eragileak  //  Iruzkinik ez

Tolosako Galtzaundi aldizkarirako Felix Aiestaranek elkarrizketatu du Atez Atekoaren kontrako Gipuzkoako plataformen bozeramailea den Patxi Amantegi: “Bosgarren edukiontziaren aldeko aldarrian“

Añarbe: Donostialdeko araztegiko lohi gehienak nekazaritzarako ongarri dira

2013-04-05  //  Araztegiko lohiak, Mankomunitateak  //  Iruzkinik ez

Añarbek hitzarmenak lortu ditu Nafarroako ongarriak egiten dituzten zenbait enpre­sarekin eta Cementos Rezola enpresarekin. Loiola­ko depu­ra­doran sortzen diren loka­tzak eurek hartzen dituzte. 2012an, lokatzen %99,43 (4.387.924 kg) neka­zaritzara bideratu da eta gainontzeko %0,57 (25.220 kg) Añorgako fabrikara. (gehiago…)

Mutiloa Zero Zabor herri bihurtzeko urratsak ematen hasi da

2013-04-05  //  Orendain eredua  //  Iruzkinik ez

Mutiloa herrian hasi dira Oreindainek estreinatutako Zero Zabor herrien ereduan sartzeko. (gehiago…)

Zumaiako hondakinez sakon ‘Baleike’n

2013-04-05  //  Atez atekoa, Atez Atekoaren alde, Atez Atekoaren kontra, Bost kontenedore, Gizarte eragileak, Politikariak, Udalak  //  Iruzkinik ez

Zumaiako Baleike herri aldizkariak dossier zabala prestatu du herrian hondakinen kudeaketaren inguruan bizi duten eztabaidaz. Alde batetik, erredakzioa saiatu da “Hondakinak mahai gainean” erreportajean laburbiltzen gaiaz orain arte eztabaidatu direnen zehaztapenak, funtsean orain arte udalak antolatutako hondakinen mahaian burututako lanaren emaitzak. Horren ondoan, eztabaidako aktore nagusiak direnei egindako elkarrizketak datoz:

- Iñaki Agirrezabalaga (Udal Gobernua): “Galdeketa egiteko aurrena adostu behar da zer galdetu”
- Montse Arana (EAJ): “Gure alderdia prest dago errauskailuaren tamaina negoziatzeko”
- Aitor Leiza (Aralar): “Demostratuta dago bilketa pertsonalizatuak lortzen dituela tasarik onenak”
- Emiliano Cabañas (PSE): “Errauskailuak ondo ixten du bosgarren edukiontziaren zikloa”
- Mendigaña Gorostiaga (Zero Zabor): “Ezinezkoa da errauskailu bat errefusarekin bakarrik mantentzea”
- Josu Uranga (Natur Taldea): “Edukiontzi berdean nahi dena botatzeko aukera dagoen bitartean ez dago zer eginik”

Pasai Donibanen astelehenetik Atez Atekoaz parte hartzeko prozesua

2013-04-04  //  Atez atekoa, Udalak  //  Iruzkinik ez

Hilaren 8an, astelehenean, hasiko da Pasai Donibaneko atez ateko hondakinen bilketa sistemaren gaineko informazioa emateko, eta herritarren ekarpenak jasotzeko parte hartze prozesua, maiatzaren 2ko batzar nagusiarekin burutuko dena. (gehiago…)