Legazpiko alkateak ‘Hitza’n azaldu ditu herriko egoera eta udalaren asmoak

2013-05-07  //  Politikariak  //  Iruzkinik ez

Legazpiko alkate Kepa Urzelaik Hitzari eskanitako elkarrizketan zehaztu du nola dagoen hondakinen gatazka bere herrian eta udalak herri galdeketaren ondoren hartutako erabakiak nola eramango dituen aurrera.Hitza

(gehiago…)

Orendaindik abiatu da Mundumob

2013-05-06  //  Ekitaldia, Jolasa, Orendain eredua  //  Iruzkinik ez

Gipuzkoa Zero Zaborrek antolatuta ekainaren 8an Donostian dantzaldi erraldoi batekin bukatuko den Mundumob ekitaldia maiatzaren 4an abiatu da Orendaindik. Zero Zabor ereduan sartu diren Gipuzkoako herri txikietan lehena izan da Orendain, eta hondakinen birziklatze tasan %90a lortzen ere lehenbizikoa. Mundumob ekitaldiak “Eman hartu nahi duzun mundua” darama lelo nagusitzat,

Hitza “Abiatu da MunduMOB Orendainen”

Berria “Salto bat iraunkortasunaren alde”

Noticias de Gipuzkoa “Gipuzkoa Zero Zabor da comienzo en Orendain al proyecto ‘Mundumob‘”

Gipuzkoa Zero Zabor “Mundumob, eman hartu nahi duzun mundua”

Izan ARGIAko bazkide: astekariko harpidedun edo argia.comen laguntzaile

Atez Atekoa gaur hasi da Lezon

2013-05-06  //  Atez atekoa, Udalak  //  Iruzkinik ez

Lezo da gaurtik aurrera Gipuzkoan herriko hondakinak gaika Atez Ate bilduko dituen bideratzigarren udalerria. (gehiago…)

Debagoieneko azken albisteak

2013-05-06  //  Atez Atekoaren alde, Atez Atekoaren kontra, Gizarte eragileak, Politikariak  //  Iruzkinik ez

Azken egunotan Debagoienatik zabaldutako zenbait albisteren bilduma. (gehiago…)

Astelehenetik Ordizian Atez Atekoa ezartzeko bilkurak

2013-05-05  //  Atez atekoa, Udalak  //  Iruzkinik ez

Ordiziako udalak astelehean, maiatzak 6, ekingo die herrian hondakinen Atez Ateko bilketa ezartzearen xehetasunak eztabaidatzeko bilerei. Sistema berria udan jarriko dute abian. (gehiago…)

Astelehenean hasiko da Atez Atekoa Lezon

2013-05-04  //  Atez atekoa, Udalak  //  Iruzkinik ez

Arazo teknikoengatik udalak astebetez atzeratu ondoren hasierako eguna, Lezoko herriak astelehenean ekingo dio hondakinak atez ate biltzeari. (gehiago…)

Zestoan ere mugimendua hasi da

2013-05-03  //  Atez atekoa, Atez Atekoaren alde, Atez Atekoaren kontra, Politikariak, Udalak  //  Iruzkinik ez

Zestoan eztabaida interesgarria izan da Eusko Alderdi Jeltzaleko hautetsien eta agintea daukaten Bildukoen artean. Diario Vascok eman du jelkideen eskariaren berri: “Atez atekoari buruz herri galdeketa egitea eskatuko du PNV-k gaur udal batzarrean“. Bilduk,  Ixiar Sagarzazu alkatea buru duela, erantzun diona Hitzak bildu du “Zestoako Udalak ‘zero zabor helburu’ jardungo duela berretsi du Bilduk“.

Hitzan Nerea Urangak sinatzen duen kronikak azaldu du mamia: “Zestoako Udalak hondakinen %70etik gorako bilketa selektibo tasa bermatzeko konpromisoa hartuta daukala adierazi zuten Bildukoek, eta bide horretan, Udalak eragileekin batera Hondakinen Mahaia martxan duela. ‘%70eko helburu hori lortzen dela bermatzeko bitartekoa izango da mahaia, eta Udal honek, erabateko autonomia, garrantzia eta zilegitasuna ematen dio mahai horri, bertan erabakitakoak aintzat hartuko dituelarik’, zioen Bilduren izenean Leire Etxeberria alkateak. Galdeketa egiteko prest daudela azaldu zuten Bildukoek, baina hondakinen %70eko bilketa selektibo tasa bermatzen duten bilketen eta erraustegirik beharko ez duten ereduen artean”.

Eztabaida Tolosaldeko Ibarran

2013-05-03  //  Atez Atekoaren alde, Atez Atekoaren kontra, Udalak  //  Iruzkinik ez

Tolosalde Txukun taldeak Atez Atekoaren kontra antolatutako hitzaldi baten haritik, zenbait erreakzio. (gehiago…)

PSE hondakinetaz herri galdeketak egitearen kontra dago

2013-05-02  //  Politikariak  //  Iruzkinik ez

Gara egunkariak “El PSE no es partidario de celebrar consultas populares” kronikan azalduaren arabera, Gipuzkoako sozialisten buruzagitzako kidea den Susana Corcuerak argi utzi nahi izan du bere alderdiak ez dituela bultzatuko mota honetako herri galdeketak, hondakinen kudeaketa herri bakoitzan alderdien artean erabakitzearen alde daudela.

Legazpin Atez Atekoa eta 5. edukiontzia batera sei hilabetez

2013-05-01  //  Atez atekoa, Bost kontenedore  //  Iruzkinik ez

Legazpiko udalak prentsari esan dionez, sei hilabetez herrian bi sistemen eraginkortasuna frogatuko dute, herritar bakoitzak aukeratuko dutelarik organikoa atez ate biltzen zaion ala 5. edukiontzi kolektiboan utzi nahiago dituen. Gaikako bilketa derrigorrezkoa izango da eta helburua %70a gainditzea da. Xehetasun gehiago, ondoko egunetan. (gehiago…)

EAJk bosgarren edukiontzi txipduna Gipuzkoa osora hedatzea proposatu du

2013-04-30  //  Bost kontenedore, Politikariak  //  Iruzkinik ez

Eusko Alderdi Jeltzaleak uste du hondakin organikoentzako bosgarren edukiontzi txipduna zabaldu litekeela Gipuzkoa osora eta soluzio ona litzatekeela. Zumaian horretaz hizketan ari direla dio. Argitze aldera, esan behar da Zumaian hondakinen mahaian Zero Zabor taldeak aztertzeko proposatu duena dela frakzio guztiak biltzen dituzten edukiontzi guztiak itzatea txipdunak, gaikako bilketa orokortua bermatzeko. (gehiago…)

Oñatin gaika biltzeko zintzilikarioak ipintzen hasi da udala

2013-04-30  //  Atez atekoa, Udalak  //  Iruzkinik ez

Goienak argitaratu duenez (“Hondakinak gaika batzeko lehen zintzilikarioak ipini dituzte“), udalak ekin dio Atez Atekoa abiarazteko materialak kokatzeko lanari. Bitartean, Oñatiko Zero Zabor taldea herritarrek sortzen duten hondakin kopurua murrizteko ikastaroak prestatzen ari da, Goienak “Zaborra murrizteko mezua dakar Oñati Zero Zabor taldeak” albistean kontatu duenez. EAJk berriro eskatu du 5. edukiontzia zabaltzeko, Diario Vascok (“El PNV pide a Bildu que ‘abandone esta absurda guerra de basuras’“) zabaldu duenez.

Bestalde, Goienak jakinarazi duenez “Zubibarri eta Bidebarrietako auzo-konpost guneak inauguratu dituzte Oñatin“. Biokin dagoenekoz 6 dira oñatiarrek auzolanean konpost egiteko dauzkaten guneak, eta ondoko asteetan irekiko dituzte bi gehiago. Denetara 224 familiak elkarlanean konpostatzen dituzte etxeko hondakin organikoak Oñatin.

Partzuergoak ekin dio errauskailuaren kontratuetako bi eteteari

2013-04-29  //  Ekonomia, Errausketa, Zubieta  //  Iruzkinik ez

Gipuzkoako Hondakinen Partzuergoak (GHK) hasi ditu Zubietan errauste planta eraikitzeko kontratua daukaten bi enpresarekiko konpromisoak eteteko lanak. (gehiago…)

Donostiako udalak bat egin du pixoihal berrerabiltzaileen aldeko kanpainarekin

2013-04-29  //  Prebentzioa, Udalak  //  Iruzkinik ez

Hitzak jakinarazi duenez, Pixoihal Berreralbigarrien Nazioarteko Astearekin bat egin du Donostiako dalak. Ume txikiek eta jende edadetu askok gero eta modu masiboagoan erabiltzen dituzten pixoihal sintetikoak dira etxeetan sortzen den errefus birziklaezinaren zati handi bat. Munduan zabaltzen ari da pixoihal berrerabilgarrien aldeko joera, ARGIAk “Pixoihalek gorderik daramaten benetako zikinkeria” erreportajean azaldu zuenez.

Rossano Ercolini ‘Rifiuti Zero’ren bihotzak jaso du Nobel berdea

2013-04-29  //  Atez atekoa, Europa, Prebentzioa  //  Iruzkinik ez

Italian hondakinen errausketaren kontrako eta Zero Zabor ereduaren aldeko militante ezagunena den Rossano Ercolinik jaso du Goldman Environment Prize sarietako bat, “Nobel berdea” ere deitua. Aurtengo edizioan berarekin batera sariztatuak izan diren beste bost pertsonalitateek bezala, Ercolinik 150.000 euroko oparia jasotzeaz gain 10 eguneko egonaldian hitzaldiak eskaini ditu San Franciscon eta AEBetako beste zenbait hiritan, bukaeran Barack Obama presidenteak errezibitua izan delarik. (gehiago…)

Debagoieneko azken albisteak

2013-04-27  //  Sailkatugabeak  //  Iruzkinik ez

Debagoienan egunotan sortutako albisteak. (gehiago…)

Txingudin 5. edukiontzia zabaldu dute

2013-04-26  //  Bost kontenedore, Mankomunitateak  //  Iruzkinik ez

Txingudi mankomunitateak hondakinen gaikako bilketa hautazkoa orokortzeko organikoarentzako bosgarren edukiontzia zabaldu du bailara osoan. (gehiago…)

Pasaiko albiste sorta

2013-04-26  //  Atez atekoa, Udalak  //  Iruzkinik ez

Pasaiko udalak Donibane auzoan aurten Atez Ateko bilketa ezartzeko erabakiaren inguruan egunotan sortutako zenbait albiste bildu ditugu. (gehiago…)

Astelehetik Atez Atekoa martxan Lezon

2013-04-26  //  Atez atekoa, Udalak  //  Iruzkinik ez

Astelehenetik, apirilak 29, Lezoko hiri hondakinak gaika Atez Ate bilduko ditu udalak. Asteazkenerako herriko familien %95ak jasoak zituen horretarako beharrezko tresnak (kuboak), Diario Vascok esan duenez (“El 95% de las familias de Lezo han recogido el material necesario para la puesta en marcha del PaP“). Lezoko Unibertsitateko (hala du deitura ofiziala) udalak jakinarazi du ostiralean, 26, San Marko mankomunitateak herriko kaleetatik kenduko dituela azken urteotan ikusi diren edukiontzi handiak. Larunbatean, 27, arratsaldeko 18:00etatik 20:00etara festa txiki bat egingo dute herrian Atez Atekoaren hasiera ospatzeko. Udalak espero du Lezon ere aste gutxiko epean %80ko birziklapen tasetara iristea.

Zumaian adostasun bidean ‘Zero Zabor’ taldearen proposamenaren inguruan?

2013-04-25  //  Bost edukiontzi txipdunak, Udalak  //  2 iruzkin

Herriko Baleike hedabideak aurreratua zuen bidetik (ikus Zero Zabor blogeko Zumaiako hondakinez sakon ‘Baleike’n albistea, apirilaren 5ekoa) herri honetako hondakin sistemaren aldaketak eragin duen gatazka irtenbidetik hurbilago egon daiteke, apirilaren 25eko prentsaren esanetan. Nabarmentzekoak dira Atez Atekoaren kontrako eta Zubietan errauskailua eraikitzearen aldeko kanpainan paper berezia jokatzen ari diren Diario Vascok (“La propuesta de Zero Zabor acerca las posturas en la Mesa de residuos“) eta Noticias de Gipuzkoak (“Zumaia llega a un principio de acuerdo que no contempla el ‘puerta a puerta’“) erakutsitako titularrak eta kronikak. (gehiago…)

Legazpiko gatazkaren albiste gehiago

2013-04-25  //  Atez Atekoaren kontra, Udalak  //  Iruzkinik ez

Atez Atekoaren kontrako plataformak Legazpin egindako herri galdeketa pasata astebetera eztabaidak eta erreakzioek segitzen dute herri honetan. (gehiago…)

Triziklo elektrikoa hondakinak jasotzeko Debagoienan

2013-04-25  //  Atez atekoa, Mankomunitateak  //  Iruzkinik ez

Bergaran aurkeztu du Debagoienako mankomunitateak hasieran kartoi eta paperen bilketa eta agian aurrerago Antzuolan hondakin guztiak gaika bilduko dituen triziklo elektrikoa, Goienak “Hondakinak batzeko triziklo elektrikoa aurkeztu du Mankomunitateak” albistean zabaldu duenez.

Triziklo elektrikoa Bergarako kale batean.

Izan ARGIAko bazkide: astekariko harpidedun edo argia.comen laguntzaile

Anoetako eztabaidan zer esan zen

2013-04-25  //  Atez Atekoaren alde, Atez Atekoaren kontra  //  Iruzkinik ez

Diario Vascok apirilaren 23an eman zuen Anoetan Atez Atekoaren kontrako Tolosaldea Txukunek antolatutako bileraren berri Multitudinaria reunión en contra del Puerta a Puerta en Anoeta” kronikan. Han esan eta bizitutakoen oso bestelako ikuspegia eskaini dute Tolosaldea Zero Zaborrekoek Naizen argitaratu duten “Tolosaldea Txukun” komenarioan eta Diario Vascon bertan plazaratutako “A Tolosaldea Txukun“en.

GZZk ekin die ‘Mundumob’ berrirako aurre-entseguei

2013-04-25  //  Atez Atekoaren alde, Ekitaldia, Gizarte eragileak, Osasuna, Prebentzioa  //  Iruzkinik ez

Ibarran eta Bergaran burutu dituzte Gipuzkoa Zero Zabor antolatzen ari den Mundumob berria prestatzeko lehenbiziko entseguak.

Elgetako udalak %70-80 birziklatzeko sistema propioa onartu du aho batez

2013-04-25  //  Udalak  //  Iruzkinik ez

Oxel Erostarberen (Aralarretik ateratako independienteak) udal gobernuak, Bilduk eta EAJk adostu dute  herriko hodakinen gaikako bilketa %70-80era jasotzea bermatuko duen sistema berria, tartean herri galdeketa aurreikusten duena. (gehiago…)

Antonio Casado da Rochak etikatik alderatu ditu hondakin ereduak

2013-04-24  //  Atez Atekoaren alde, Gizarte eragileak, Iritziak / Adierazpenak  //  Iruzkinik ez

Antonio Casado da Rocha (1970) filosofo eta ikerlariak Dilemata gunean plazaratu dituen hiru artikulutan landu du hondakinen kudeaketarako eredu ezberdinen eta etikaren arteko harremana. Euskaraz publikatutako Esku Ezkerraz poema liburuaz gain, gaztelaniaz etikaz eta desobedientziaz dauzka gutxienez beste hiru. Donostiako ospitalean batzorde etikoko kide izana da, eta gaur egun Euskal Herriko Unibertsitatean ari da Biologiaren Filosofia arloko ikerlanetan. Etica y gestión de residuos lana plazaratu du hiru ataletan. (gehiago…)

Auzokonpostaren kontrako kanpaina Errenteriako Beraunen eta Zumaian

2013-04-24  //  Sailkatugabeak  //  Iruzkinik ez

Europan eta mundu osoan egiten den bezala, Euskal Herrian ere hondakin organikoak herritarrek auzolanean konpostatzeari ekin diotenean, auzokonpostaren kontrako bi kanpaina piztu dira Gipuzkoan asteotan. Errenteriako Beraungo auzo elkarteak ohar batean San Markoko zabortegia betirako itxi eta Atez Atekoaren kontra azaltzeaz gain, esan du ez duela onartzen auzokonpost gunerik auzoan, Diario Vascok “La A.VV. de Beraun rechaza el Pap y apoya el cierre total del vertedero” albistean jaso bezala. Beste aldetik, Zumaian Eusko Alderdi Jeltzalearen Pakea blogak plazaratu du “¿Son legales los txerritokis que está colocando por Zumaia  el gobierno municipal?“

Iruñerrian auzokonposterako bildutako tonak urte betean bikoiztu egin dira

2013-04-24  //  Auzolaneko konpostaketa  //  Iruzkinik ez

Noticias de Navarra egunkariak jaso eta Navarra Verdek “Las toneladas del compostaje comunitario se doblan en un año en Iruñerria” analizatu duenez, Iruñerriko hainbat auzokonpost gunetan bildu eta tratatzen den organiko kopurua bi halakotu egin da. Duela bi urte 100 familiak egiten zutena orain 220k egiten dute, 792 pertsona inguruk. 2011an 94 tona zireak 175 bihurtu ziren iaz.

‘Zero Zabor, burua eta bihotza’ mural berria margotu dute Oñatin

2013-04-24  //  Atez Atekoaren alde  //  Iruzkinik ez

Oñatiko Zero Zabor taldeak, mugimendu horretan dinamikoenetakoa denak, horma-irudi handia margotu berri du Oñatiko Kasablanka auzotik San Pedrorako bidean, lelo hau daramana: “Erraustegia: burua ondo daukanak ez du bere etxe ondoan nahi, bihotz ona daukanak besteen etxe ondoan ere ez du nahi. Zero Zabor, burua eta bihotza“, prentsa oharrean azaldu dutenez.

Diario Vasco “Zero Zabor-ek mural bat egin du Kasablankan ‘Burua eta bihotza’ lelopean”

Gipuzkoa Zero Zabor “”Erraustegia: burua ondo daukanak ez du bere etxe ondoan nahi, bihotz ona daukanak besteen etxe ondoan ere ez du nahi. Zero Zabor, burua eta bihotza“”

‘Lezo Garbia’ plataformak kuborik ez hartzea eskatu dio jendeari

2013-04-23  //  Atez atekoa, Atez Atekoaren kontra, Udalak  //  Iruzkinik ez

Lezo Garbia plataformak herritarrei eskatu die Atez Atekoa egiteko udala banatzen ari den kuborik ez hartzeko Diario Vascok “Lezo Garbia reitera que no se recojan los cubos del Pap” albistean eta Hitzak “‘Desobedientzia zibilerako’ deia berretsi du Lezo Garbia plataformak“en jakinarazi dutenez. Aldiz, Hitzak publikatu duenez “1.600 lezoarrek jaso dituzte dagoneko atez atekorako bitartekoak“

Azpeitian jelkideek 2.100 sinadura bildu dituzte Atez Atekoaren kontra

2013-04-23  //  Atez Atekoaren kontra, Politikariak  //  Iruzkinik ez

Uztarriak bildu du albistea: “Hondakinen atez ateko bilketaren kontrako 2.100 sinadura bildu dituzte”. Eusko Alderdi Jeltzaleak berak bildu ditu, kazetari esan dionez.

Legazpiko galdeketaren biharamunekoak

2013-04-23  //  Atez atekoa, Atez Atekoaren alde, Atez Atekoaren kontra, Bost kontenedore, Gizarte eragileak, Politikariak, Udalak  //  Iruzkinik ez

Legazpin Atez Atekoaren kontrako plataformak antolatutako herri galdeketak albiste eta iritzi sorta eragin ditu biharamuneko orduetan. Hemen bildu ditugu. (gehiago…)

Udaberrian martxan egongo da Atez Atekoa Sakana eskualdean

2013-04-22  //  Atez atekoa, Auto-konpostaketa, Auzolaneko konpostaketa, Mankomunitateak  //  Iruzkinik ez

Udaberrirekin batera hondakinak biltzeko sistema berria jarriko da martxan Sakanan, eskualdeko Guaixe hedabideak zabaldu duenez.  Horrela burutuko da herritarrekin egindako 37 bileraz (2.175 herritarrek hartu omen dute parte) eta inkesta bidez egindako galdeketaz osatutako prozesua. (gehiago…)

Auzokonposta egiteko guneak ‘txerritokiak’ ote dira?

2013-04-22  //  Sailkatugabeak  //  Iruzkinik ez

Gipuzkoako herri askotan (Europa osoan bezala) zabaldu dira herritarrek auzolanean beren hondakin organikoak konpost bihurtzeko guneak. Horietako bakar batzuek (Zumaiako batek, kasu) jasandako eraso fisikoez gain, egunotan bi eraso dialektiko nozitu dituzte auzokonpost guneok. Zumaiako jelkideen Pakea blogak apirileko sarreretako bat titulatu du: “¿Son legales los txerritokis que está colocando por Zumaia el gobierno municipal?“. Beste aldetik, Orereta-Errenteriako Beraungo auzo elkarteak adierazi du bertan auzokonposta egitearen kontra azalduko dela, Hitzak eta Diario Vascok jakinarazi dutenez.

Murriztu, birziklatu, berrerabiltzeko konpromisoa Berdegara Egunean

2013-04-22  //  Atez Atekoaren alde, Gizarte eragileak  //  Iruzkinik ez

Goiena hedabideak “‘Murrizteko, birziklatzeko eta berrerabiltzeko’ konpromisoa berretsi dute Berdegara Egunean” kronikan kontatu du nola pasatu zen larunbatean, apirilak 20, “Berdegara Eguna” Bergarak.

Legazpin 3.599 boto Atez Atekoaren kontra (eguneratua)

2013-04-22  //  Atez Atekoaren kontra, Udalak  //  Iruzkinik ez

Atez Atekoaren kontrako plataformak Legazpin antolatutako herri galdeketan herrian boto eskubidea dutenen erdiak hartu du parte eta eman diren 3.683 botoetatik 3.599 boto kontrakoak izan dira. Udal agintariek hondakinen gaikako bilketa derrigortua ezartzeko asmoa azaldu duten herrietan banan bana luzatzen doan gatazkan (%70 zabor nahasietan botatzen duten herrietan ez da piztu gatazkarik) Legazpik hartu du protagonismo berezia asteotan,eta seguruenik hala edukiko du ondoko asteetan ere, Bergara, Lezo eta beste herrietakoena baino sona handiagoarekin. (gehiago…)

Azken egunotako beste berri eta iritziak

2013-04-20  //  Sailkatugabeak  //  Iruzkinik ez

Azken egunetan hondakinen inguruan sortu diren beste hainbat albiste eta iritziren bilduma. (gehiago…)

‘Berdegara Eguna’ zapatuan

2013-04-19  //  Atez Atekoaren alde, Udalak  //  Iruzkinik ez

“Berdegara” herri ekimenak ospakizun eguna izango du zapatua. Hilabeteotan manifestua aurkeztu eta mosaiko erraldoia osatu eta gero, larunbaterako “Berdegara eguna” dauka antolatuta, 18:00etatik 22:00etara, Goienak Egitaraua albistean zehaztu duena. Hondakinen inguruko eztabaidarako “lasaitasunerako deia” izateaz gain “aldarrikapen koloretsua” izatea nahi dutela diote antolatzaileek, Goienari esan diotenez: “Normala da edozein aldaketaren aurrean ezinegona eta kezkak izatea, baina ziur gaude herritarren parte-hartze sendoa lortzen bada hondakinen banaketa eta bilketa tasa garrantzitsuak lortuko direla”.

Hondakin mahaia abian Aretxabaletan

2013-04-19  //  Atez atekoa, Udalak  //  Iruzkinik ez

Aretxabaletako udalak martxan jarri du hondakin mahaia. Taldetan jardungo du mahaiak, eta guztira 6 talde izango dira: Merkatariak, ostalariak eta elkarte gastronomikoak; Hezkuntza eta jubilatuak; Zero zaborraren eta 5. edukiontziaren aldekoak; Industria; Landagunea; eta azkenik, Herritarrak eta alderdi politikoak. Hala, izaera ezberdinetako taldeek osatuko dute mahaia. Lore  Martinez zinegotziak esan duenez, mahaiak zehaztuko du nola mamitu kudeaketa berriaren lau oinarriak: gaikako bilketa izango da derrigorrezkoa, pertsonalizatua, selektiboa eta %80ko birziklatzea bermatuko duena. (gehiago…)

EHUko Bermejo, Bueno, Lozano eta Hoyos irakasleek Gipuzkoako hondakin ereduak alderatu dituzte

2013-04-19  //  Aldundiak, Atez atekoa, Bost kontenedore, Errausketa, Plangintza  //  Iruzkin bat

EHUko irakasle Gorka Bueno, Roberto Bermejo, David Hoyos eta Peio Lozanok Gipuzkoako Foru Aldundiaren enkarguz aztertu dituzte lurralde honetako hondakinak kudeatzeko dauden eredu ezberdinak, haien eraginkortasuna alderatzeko. Irakasleok ondorioztatu dutenez, errauste plantaren inguruan eraikitako hondakin sistema zaharra, Europako legedia ez betetzeaz gain, ekonomikoki garestiagoa da Atez Ateko bilketaren inguruan abiatu dena baino, baliabideen aldetik xahutzaileagoa eta bukaeran azken errefusetan askoz hondakin gehiago lagatzen du. (gehiago…)