Tolosa Zero Zaborrek Patxi Amantegiri elkarrizketa publikorako deia egin dio

2013-05-25  //  Atez atekoa, Bost edukiontzi txipdunak, Bost kontenedore  //  Iruzkinik ez

Tolosa Zero Zaborren izenean Itzea Urkizuk Gipuzkoako Atez Atekoaren kontrako plataformen buru Patxi Amantegiri elkarrizketa publiko bateako deia egin dio Hitzak argitaratu duen “Tolosa Zero Zaborrek batzen gaituzten puntuak azpimarratzea garrantzitsutzat du” gutunean. Honela bukatzen da gutuna: “Gure ustez gehiago dira batzen gaituzten puntuak, banatzen gaituztenak baino, beraz, eskain diezaiogun Tolosako herriari aukera paregabea. Honegatik guztiagatik, Tolosa Zero Zaborrek elkarrizketa publiko batera gonbidatu nahi zaitu. Elkarrizketa bat, non bi aldeak elkartzen gaituzten puntu hauez hitz egingo dugun, eta hondakinen murrizte, berrerabiltze eta birziklatze politiketan herritarrekin komunikatu eta elkar hezteko moduak bilatuko ditugun”

Mundumob asteburuan Mutrikun, Pasai Donibanen eta Elgetan

2013-05-24  //  Sailkatugabeak  //  Iruzkinik ez

Gipuzkoa Zero Zabor koordinakundeak plazaratu duenez “Mundumob. Asteburuko ekitaldiak. Mutrikun, Pasai Donibanen eta Elgetan” albistean, Mundumob ekimena aurrera doa, herriz herri Gipuzkoa zeharkatu eta “Eman hartu nahi duzun mundua” leloan laburtutako aldarrikapena zabaltzen. Hainbat herritan egingo diren entseguz gain, ekitaldi nagusia eta grabaketak egingo dira Mutrikun, Pasai Donibanen eta Elgetan.

Eusko Legebiltzarrak errauskailua babestu eta Atez Atekoa salatu ditu

2013-05-24  //  Atez Atekoaren kontra, Ekitaldia, Errausketa  //  Iruzkinik ez

Eusko Legebiltzarrak osoko bilkuran Bildu ez beste alderdi guztien botoz errasketa sustatu du honakinen kudeaketarako eta “Atez Atekoaren inposizioa” salatu. Honela kontatu du Gasteizen esana prentsak:

Berria “Atez atekoa ez inposatzeko eskatu du legebiltzarrak”
Gara “PNV, PSE, PP y UPyD suman sus votos contra el PaP y en favor de la incineración”
Noticias de Gipuzkoa “El Parlamento Vasco pide a Bildu que deje de “imponer” el ‘puerta a puerta’ en Gipuzkoa”

Zapatuan Oñatin Atez Atekoari ongi etorria

2013-05-23  //  Atez atekoa, Ekitaldia, Gizarte eragileak, Udalak  //  Iruzkinik ez

Oñatiko Zero Zabor taldeak larunbaterako antolatu du Atez Atekoari ongietorria emateko ekitaldia. Udalak bere aldetik adierazi du normaltasun osoz doala kuboak eta bestelako materialak banatzeko lana. Oñati izango da Gipuzkoan hondakinen gaikako bilketa orokortua ezarriko duen hamargarren herria.

Oñati Zero Zaborren afixa

(gehiago…)

‘Zero Waste Europe’k Hernaniko herria eredugarri izendatu du

2013-05-23  //  Atez atekoa, Prebentzioa, Sailkatugabeak, Udalak  //  Iruzkinik ez

[Pello Zubiria Kamino] Europako Zero Zabor mugimenduak biltzen dituen Zero Waste Europek aipamen berezia egin dio Hernaniko herriak hiru urteotan lortutakoari, “ZW Best practices: Hernani” artikuluan irakur daitekeenez. Donostiako Kontxako estropadetan egindako argazki batez ederturik, honela hasten da ZWEren idatzia: “Hernani da Gipuzkoan bere burua Zero Zabor izendatu duten lehen herrietakoa. Ondorioz, hondakinen birziklapena ia lau halakotu egin da 2009tik, eta hondakinen sorrera nabarmenki murriztu”. (gehiago…)

Ormaiztegin Atez Atekoaren kontrako plataformak ez du galdeketarik egingo

2013-05-23  //  Atez Atekoaren kontra  //  Iruzkinik ez

Hala zabaldu du Hitzak bere “Ormaiztegiko bosgarren edukiontziaren aldeko plataformak ez du herri galdeketa egingo” kronikan.

EAJk Bilduri esijitu dio azkar ixteko zabortegiak eta kaosa aurpegiratu

2013-05-22  //  Politikariak  //  Iruzkinik ez

Noticias de Gipuzkoak zabaldu duenez “El PNV pide a Bildu ‘medidas urgentes’ para cerrarlos vertederos” albistean, EAJk Gipuzkoako Batzar Nagusietan errejistratu du galdera sorta bat lurralde honen hondakinen plan nagusia zein neurritan bete den jakiteko. Xabier Ezeizabarrena bozeramaileak kritikatu du Bilduk daukan kaosa eta hondakinak nola kudeatu ez jakitea.

Oñatiko herritarrak gaur hasi dira Atez Atekorako materiala jasotzen

2013-05-22  //  Atez atekoa, Udalak  //  Iruzkinik ez

Laster hondakinak Atez Ate bilduko dituen Oñatin, udala hasi da herritarrei materialak banatzen. Goienak “Oñatiarrek hondakinen bilketako materiala jaso dezakete gaurtik” eta “Hondakinak gaika biltzeko kuboak eta materiala banatzen hasi dira gaur Oñatin” albisteetan azaldu duenez, hiztegi, gida eta bestelako osagai txikiagoez gain, familiako launa ontzi jasoko dituzte: marroi koloreko bi organikoarendako; gris koloreko bat errefusarendako; eta urdin koloreko bat, papera eta kartoiarendako. Azken horiek, era komunitarioan jasotzea erabaki duten atariek –guztira, 98–, ontzi handia jasoko dute. Bestalde, familia bakoitzak hori koloreko 60 poltsa izango ditu. Ekainetik abendura arte, astean bitan, plastikoak eta ontzi arinak ateratzeko adina poltsa. Diario Vascok “El reparto de cubos del PaP arranca hoy en Eteo convocando a San Martín y Ugarkalde” kronikan azaldu du.

Eguzkik gogor kritikatu du Donostian 5. edukiontzia zabaltzeko adostasuna

2013-05-22  //  Atez Atekoaren alde, Bost kontenedore, Gizarte eragileak  //  Iruzkinik ez

Eguzki ezker abertzaleko talde ekologistak gogor kritikatu du Donostian Bilduko udal gobernuak eta PSE alderdiak hiri osora bosgarren edukiontzi txipduna zabaltzeko adostutako erabakia: “El acuerdo Bildu-PSE, un brindis al sol” agirian: “El “fraude” de este acuerdo reside en que la participación en la separación de los residuos seguirá siendo voluntaria. No hay ningún sistema que demuestre suficiente eficacia basado en el voluntarismo. Anunciar el objetivo de recoger selectivamente el 60% de los residuos con este sistema, es un “brindis al sol”, pues los actores de este acuerdo, saben a priori que jamás alcanzarán ese objetivo de esta manera“. Garak “Eguzki critica el acuerdo sobre residuos en Donostia entre Bildu y PSE” lerroburuz eman du albistea.

Cavalloren ’100 kilo baino gutxiago’ filma: zaborra nola murriztu %20ra

2013-05-22  //  Atez atekoa, Bideoak, Dokumentalak, Europa, Prebentzioa  //  Iruzkinik ez

Italian hondakinen kudeaketa plangitzak antolatzen berezitutako ERICA kooperatibak plazaratu berri du Meno 100 chili (100 kilo baino gutxiago) dokumentala, hainbat festibal eta biltzarretan aurkezten ari dena. Titulu berarekin Roberto Cavallo hondakinetan adituak 2011an argitaratutako liburuan oinarritua, “Gure zakarrontzia errejimenean jartzeko errezetak” darama lelo. Pello Zubiria Kaminok aurkeztu ditu egilea eta filma ARGIAko Xehe blogean: “Roberto Cavallo (1): ’100 kilo baino gutxiago’“

‘Peoples Design Lab’: gaizki edo ondo diseinatutako produktuen sariketa

2013-05-21  //  Berdiseinatu, Europa  //  Iruzkinik ez

Thinking our Waste (Gure hondakinak aztertuz) leloa daraman The People’s Design Lab guneak sariketa berezia antolatu du hondakinen kudeaketa aldetik ondo edo gaizki osatuta dauden produktuak omentzeko. Italiako Capannori hirian hondakinen ikerketarako antolatutako zentroaren ildotik, Britainia handiko zenbait boluntariok sortu dute kontsumitzen ditugun gaien diseinuan arakatzeko taldea, eta orain herritarrei eskatzen die proposamenak egitea lau sariotako bat merezi duten produktuentzako:

-  The Weakest Link Award iraupen murritzegia dutenentzako.
- The Bin Again Award astebete baino lehen zakarrontzira bota behar dituzunentzako.
- The Russian Doll Award pakete eta azal gehiegitan bildurik datozenentzat.
-  Best Zero Waste Design, ondo diseinaturik egoteagatik zabaltzea merezi dutenak saritzeko.

Idurre Ekisalbelek ‘Erretratua’ idatzi du Atez Atekoaren kontrako gurutzadaz

2013-05-21  //  Iritziak / Adierazpenak  //  Iruzkinik ez

Berria egunkarian Idurre Eskisabelek “Erretratua” idatzi du, honela hasten dena: “Atez ateko zabor bilketaren aurkako gurutzadan dabiltzanei aitortu behar zaie oso abilak direla jendeon barne mamu eta zaborrak zeintzuk diren atzeman eta aztoratzen —eta gurutzada diot, bultzatu dutena ez delako eztabaida, ustezko etsaiaren gaiztakeria ñabarduragabean bermatutako birkonkista baizik—.” Berrian artikulua osorik.

Mundumob ekimenak aurrera darrai

2013-05-21  //  Ekitaldia  //  Iruzkinik ez

Gipuzkoa Zero Zabor koordinadorak maiatzaren 4an Oreindainen hasi zuen Mundumob ekimenak aurrera darrai herriz herri antolatutako entseguekin. Mundumoben orri berezian eskaintzen dira, helburuen zehaztapenaz gain, entseguetarako deialdiak, musikak, koreografiak, eta beste. Ekainaren 8an Donostiako ekitaldi nagusiarekin bukatuko da.

Sakana: auzokonpostaren abantailak 5. edukiontziaren aldean

2013-05-20  //  Auzolaneko konpostaketa, Mankomunitateak  //  Iruzkinik ez

Sakanako mankomunitateak “Hilabete luze auzokonposta egiten” erreportaje mamitsuan alderatu ditu hondakin organikoa kudeatzeko bi sistema: auzokonposta eta 5. edukiontzia. Alde batera utziz (azken aldian Gipuzkoan Atez Atekoaren kontrako plataformek ere onartu baitute) derrigortasunari lotutako diferentziak, bai bildutako organikoaren kantitatearen aldetik eta bai horren purutasunaren aldetik, Sakanako arduradunak seguru daude eskualde osoan orokortu duten auzokonpostak emaitza hobeak eskaintzen dituela. Dagoenekoz auzokonposta egiten duten zenbait sakandarrek ere ematen du iritzia, azpimarratuz besteren artean oso erosoa dela herritarrarentzako. Sakana osoan, oraingoz erabaki ez duen Altsasu eta aldaketa sei hilabeterako atzeratu duen Irurtzunez landa, ekainean ezarriko da Atez Ateko bilketan eta auzokonpostean oinarritutako sistema berria. Hau da: Ziordia, Olazti, Urdiain, Iturmendi, Baikaiku, Etxarri-Aranaz, Arbizu, Ergoiena, Lakuntza, Arruazu, Uharte Arakin, Irañeta eta Arakilen. Herriok 11.000 biztanle biltzen dituzte.

Portlandek atzeratu Olatzagutian hondakinak erretzen hastea

2013-05-20  //  Errausketa, Nafarroa, Porlan fabriketan  //  Iruzkinik ez

Noticias de Navarrak zabaldu duenez, Portland Valderrivas konpainiaren presidente José Luis Saénz de Mierak Olatzagutiara egindako bisitan jakinarazi dio enpresa batzordeari oraingoz atzeratu egingo dutela bertako zementu-usinan hondakinak erretzen hasteko eguna, “aurrekonturik ezagatik”, kontatu denez “Portland retrasa la obra para quemar residuos no peligrosos en Olazti“  kronikan. Hori bai, garbi utzi du hondakinen errausketa hil ala bizikoa dela Olatzagutiako fabrikaren bideragarritasunarentzako. Albistea Guaixek ere kontatu du: “Aurrekontu faltak porlandegiaren balioztatze egitasmoa atzeratu du”

Oñati Atez Atekoaren kontrakoen jomugan (eguneratua)

2013-05-20  //  Atez atekoa, Gizarte eragileak, Politikariak, Udalak  //  Iruzkinik ez

[Pello Zubiria Kamino]Atez Atekoaren kontrako Gipuzkoako plataformek, Patxi Amantegi buru, Oñatiko herritarrei dei egin diete maiatzaren 22tik aurrera udaletxera joan ez daitezen hondakinak gaika biltzeko kuboak jasotzera. Kuborik hartzen ez duten herritarrek hondakinekin egunak pasa ahala zer egin behar duten ez zuten argitu. Oñatin EAJren plataformen bozeramaileak erakutsi duen agresibitateak hoztu dizkie Zumaiako plataformak herritarrei leihoetatik zabor-zorroak kentzeko deiagatik Gipuzkoan eztabaida gozatuko zela esperantza zutenei.
(gehiago…)

Hondakinak eta herriak: sortutako zaborraren araberako sailkapena

2013-05-18  //  Iritziak / Adierazpenak  //  Iruzkinik ez

Pello Zubiria Kamino ARGIAko kazetariak Xehe blogean proposatu du Gipuzkoako herriak hondakinen kudeaketaren arabera sailkatzea, Euskal Herriko udal ororentzako balio lezakeen klasifikazioan. Horretarako kontutan hartu behar direla uste du honako irizpideak: jadanik lortzen den birziklapen tasa; lortu nahi den birziklatze tasa; lortzeko ezarritako epea; bilketaren orokortasuna; planaren zehaztasuna. Hondakinak eta herriak izen generikoa daraman proposamena hiru ataletan eskaini du: (1) Sailkapen ahalegina, (2) Sailkapena zehaztuz eta (3) 2014ko errefus mendiak.

PSEk eta Bilduk adostuta, Donostian 5. edukiontzi marroia 2014an

2013-05-17  //  Bost kontenedore, Sailkatugabeak, Udalak  //  Iruzkinik ez

Donostiako udal gobernuaren jabe den Bilduk eta PSEk adostu dute 2016rako honakinen %60 birziklatzea eta 2014an hiriburu osora zabaltzea 5. edukiontzi txipduna organikoarentzako. Oraindik akordioaren xehetasu gehiagoren faltan, Berriak “Donostian bosgarren edukiontzia jartzea hitzartu dute PSE eta Bilduk” eta Diario Vascok “San Sebastián implantará el quinto contenedor con chip y no habrá recogida puerta a puerta” kroniketan aurreratu dituztenetik ulertzen da gaikako bilketa borondatezkoa izatngo dela eta 2016an ez bada lortu %60 birziklatzean hala ere ez dela Atez Atekorik ezarriko.

Patxi Amantegi: ‘Bilduk ez du Atez Atekoa ezarriko kostu politikoagatik’

2013-05-17  //  Atez Atekoaren kontra, Iritziak / Adierazpenak  //  Iruzkin bat

Gipuzkoan EAJk bultzatutako (Garak ezagutarazi du GBBren bulegoetatik zabaltzen dituztela bere prentsa oharrak) plataformen bozeramale Patxi Amantegik iragarri duenez,  Bilduk ez du Atez Atekoa ezartzen segituko” kostu politiko handiagatik”. Tolosan ere udalak Atez Atekoa ez duela ezarriko aurreratu du Amantegik: “Amantegi ha criticado que en Tolosa ‘se esté tomando una deriva hacia el quinto contenedor’, y no en otros municipios como Legorreta, Villabona, Anoeta o Irura.” Berriak bildu du “Plataformen ustez, Bilduk ez du atez atekoarekin jarraituko, ‘”kostu politikoagatik’” albistean eta Diario Vascok “Las plataformas creen que Bildu no pondrá el PaP por su ‘coste político’” berrian.

Bilduk ohartarazi du Txingudiko errauskailua berriro mahaian dagoela

2013-05-17  //  Errausketa, Mankomunitateak, Txingudi, Udalak  //  Iruzkinik ez

Hitzak zabaldu duenez, hondakinez mintzatzeko kazetariak deitu dituzte Hondarribiako eta Irungo Bilduren zinegotziek, hasiera batean bosgarren edukiontziari nolabaiteko babesa emateko eta gizarteari gaikako bilketa sustatzeko, baina “asteartean Txingudiko Zerbitzuen batzarrean Juana Bengoetxea ordezkari popularrak Bidasorako errauskailu bat proposatu izanak euren asmoa aldarazi du”. Asier Perez Karkamok sinatu du “Bidasorako errauskailua berriro mahai gainean jarri dutela ohartarazi du Bilduk” kronika.

Izan ARGIAko bazkide: astekariko harpidedun edo argia.comen laguntzaile

Astigarragan Atez Ate hondakinen %85 gaika sailkaturik bildu dute

2013-05-16  //  Atez atekoa, Udalak  //  Iruzkinik ez

Astigarragako udalak jakinarazi du apirilean, Atez Atekoa ezarrita lehenbiziko hilabetean, hondakinen %85 ondo sailkaturik biltzea lortu dutela. Kontainer “betikoak” erabili dituzten azken hilabetean, martxoan, %28ra ez zen iritsi gaikako bilketa. Bestela esanda, apirilean 16.250 kilo errefus bildu dira aurreko hilabetean 150.420 kilo biltzen ziren herri berean.

(gehiago…)

Ormaiztegik teknikoen esku utziko du edukiontzi bidez %73ra iristea

2013-05-16  //  Bost edukiontzi txipdunak, Udalak  //  Iruzkinik ez

Ormaiztegiko udalak erabaki ondoren Atez Ateko bilketarik ez duela ezarriko, herrian giroa arras lasaitu dela adierazi dio Hitzari bertako alkate Rosa Mari Urkiak. Orain Sasietako teknikariek aztertuko dute nola antolatu sistema %73 birziklatzera iristeko edukiontzi bidezko bilketa derrigorrezkoarekin. Hitzak “Jende asko eta giro lasaia Ormaiztegiko zabor bilketari buruzko bileran” albistea (bideoz hornitua) eskaini dio eta Noticias de Gipuzkoak “Ormaiztegi estudiará con técnicos de Sasieta cómo implantar el sistema de contenedores“.

Izan ARGIAko bazkide: astekariko harpidedun edo argia.comen laguntzaile

Bergara, Eskoriatza eta Oñatin 210 familia auzokonposta egiten

2013-05-16  //  Auzolaneko konpostaketa, Mankomunitateak, Udalak  //  Iruzkinik ez

Goienak “Hiru herritako 210 familia auzo-konposta egiten dabiltza” kronikan zabaldu duenez, Debagoienako Bergara, Eskoriatza eta Oñatin dagoenekoz 210 dira auzokonposta egiten duten familiak. Oñatin beste asko daude udalak noiz gune berriak irekiko zain eta Arrasaten lehenbiziko gunea laster abiaraziko dute.

Izan ARGIAko bazkide: astekariko harpidedun edo argia.comen laguntzaile

Zumaiako plataformak leihoetatik zabor-zorroak kentzeko deia egin du

2013-05-16  //  Sailkatugabeak  //  Iruzkinik ez

Baleike hedabideak “Atez atekoaren aurkako plataforma: ‘Pozik gaude emaitzarekin, helburuak lortu ditugu eta’” kronikan azaldu duenez, Zumaiako Atez Atekoaren kontrako  plataformak bilera publikoan ontzat eman ditu herrian hondakin sistema berria ezartzeko lortutako adostasunak eta hor aurreikusitako bilketa sistema, bere helburuak betetzat jo eta herritarrei eskatu die leihoetatik kentzeko zintzilikatutako zabor-zorroak. (gehiago…)

Joxean Agirrek argitu nahi izan ditu EHBilduren erabakiak

2013-05-16  //  Iritziak / Adierazpenak, Politikariak  //  Iruzkinik ez

Pasarte batzuetan (tituluaz gain) zehazki Iñaki Petxarromanek Berrian plazaratutako “Ontzia, nora ezean” analisiari erantzuten diola emanez aditzera, Sorturen Gipuzkoako koordinatzailea den Joxean Agirrek “Lemari handiak” artikuluan argitu nahi izan ditu bere alderdia barne den EHBilduk hondakinen aferan azaldutako jarreraren nondik norakoak.

Joxe Juan Ugalde Lezotik hondakin sistemaren aldaketaz

2013-05-15  //  Iritziak / Adierazpenak  //  Iruzkinik ez

Euskadi Irratiko ahots ezagunetakoa den Joxe Juan Ugaldek maiatzaren 10eko Hitzan plazaratu du “Eta orain Lezo” izeneko iritzi artikulua, Lezoko herritar gisa hondakin sistemaren aldaketa eta inguruko eztabaidak nola bizi izan dituen azalduz. Alde askotatik interes handiko analisi-ardatzak garatu ditu Ugaldek.
(gehiago…)

Aretxabaletan hondakinez lehen hitzaldiak egin dira

2013-05-15  //  Atez atekoa, Udalak  //  Iruzkinik ez

Aretxabaletako udalak burutu ditu hondakinen inguruko lehen azalpenak herritarrei azaltzeko bilerak. Parte hartze prozesua irailetik landa abiatuko dute, bertako ordezkariek  Goienari azaldu diotenez (bideoa).

Julio Bareak esplikatu du Mallorcako errauskailu ‘blindatuaren’ eskandalua

2013-05-15  //  Errausketa, Estatu espainiarrean  //  Iruzkinik ez

Ecoticias albiste agentzian (guk Gipuzkoa Zero Zabor taldearen blogetik ezagutu dugu) Greenpeaceko Julio  Bareak plazaratu duen “La incineradora de Mallorca: cuando lo irracional se vuelve cotidiano” artikuluan azaldu du Mallorcan eraiki duten errauskailuak hasieratik (Gipuzkoan eraikitzekotan zirenak bezala) zeukan kontratu blindatuaren zertzeladak. Honela hasten da Barearen artikulua: “Parece lógico que si alguien no usa un servicio (prestado por una empresa privada) no pague por ello, y si lo hace, sea en función de lo utilizado. Pues bien en Mallorca esto no es así. Desde 2013, todos los hogares de la isla pagarán la misma tasa de incineración (que no es otra cosa que quemar basura),en función de su valor, claro está, que ya es la más alta de España. Esto implica que abonarán el mismo dinero los vecinos de ayuntamientos que incineran el 80% de sus residuos, que los de municipios que han conseguido reducir hasta el 30% lo que llevan a incinerar. ¿Pero cómo se ha llegado a esta situación?”

Txingudiko hondakin eredua: zaborra esportatu eta agian erraustu

2013-05-15  //  Mankomunitateak, Politikariak, Txingudi  //  Iruzkin bat

Txingudiko mankomunitateko presidente Jose Antonio Santanok (PSE) eta bere ondoko Aitor Kerejetak (EAJ) prentsaurrekoan azaldu dituzte Txingudiko hondakinen zenbait ezaugarri. Alde batetik, gaikako borondatezko bilketaren barruan eskualdeko familien %24ek eman dute izena organikoa edukiontzi marroietan uzteko, eta, beraz, familien %76k ez du organikorik bereiziko. Bestetik, Gipuzkoako Hondakinen Partzuergoan ez dagoen Txingudi aztertzen ari da Gipuzkoatik kanpoko zabortegiren batera eramatea bere hondakinak, erabat baztertu gabe eskualdean bertan errauskailu bat egitea. Diario Vascok honela azaldu ditu prentsaurrekoan esanak: “El presidente de Servicios Txingudi ha precisado que cuando hablan de alternativas a corto y medio plazo están pensando ‘en vertederos fuera del territorio guipuzcoano a los que enviar los residuos’, mientras se estudia una solución a largo plazo para esta cuestión. ‘No estamos descubriendo nada revolucionario. Va a haber un porcentaje de basura a la que hay que buscar un depósito en vertedero. Y habrá que decidir, en el caso de que haya una alternativa, si se opta por ella’, ha dicho Santano, quien ha negado que, a día de hoy, piensen en una incineradora para la comarca“.

Gara “El 76% de las familias de Txingudi no se ha apuntado al contenedor para orgánics”
Diario Vasco “La mancomunidad de Txingudi estudia alternativas para enviar su basura“

Zumaian adostu dute bide-orria, bideragarritasuna aztertzen hasteko

2013-05-15  //  Bost edukiontzi txipdunak, Udalak  //  Iruzkinik ez

Zumaiako udalean dauden alderdi guztiek adostu dute hondakinen kudeaketa berria antolatzeko bide-orria, edukiontzi txipdunetan oinarritua. Adostasuneko puntuetan aipatzen den sistema bideragarria den aztertu behar dute orain. Aztertuko den sistema, oraingoz inon instalatu gabea, izango omen da: herritarrek barra kode pertsonalizatuak daramatzaten boltsatan lagako dituzte beren txip pertsonalizatua usatuz kalean egongo diren edukiontzietan, ordutegi mugarik gabe. Helburutzat hondakinen %80 birziklatzea aurrikusten da testuak zehazten ez duen “epe motzean”, eta azken ohar hau dakar: “Helburu horretara ez bagara iristen, neurri zuzentzaileak jarri beharko dira”. Albistea oraingoz hedabideok eman dute:

Baleike “Edukiontzi txipdunak erabiltzeko akordioa sinatu dute hondakinen mahaiko eragile guztiek“, “Hau da hondakinak biltzeko adostutako sistema“, “Atez atekoaren aurkako plataformak bileria irekia egingo du, bihar, Alondegian”
Berria “Edukiontziak txiparekin eta barra kodea duten poltsak, Zumaian”
Naiz-Gara “Zumaia: Acuerdo sobre los residuos”
Diario Vasco “Zumaia se descuelga del puerta a puerta ”

‘Eskoriatza Garbia’k birziklatu nahi du

2013-05-14  //  Atez Atekoaren kontra, Gizarte eragileak  //  Iruzkinik ez

Atez Atekoaren kontrako ekintza nobedosoa estreinatuko dute Eskoriatzako plataformakoek: herritarrei eskatuko diete hiru egunez etxeetan organikoa gordetzea hirugarrenean udaletxe aurrean kontainer marroietan lagatzeko. Horrela erakutsi nahi dute derrigortasunez lortu daitekeela Atez Atekoarekin bezain emaitza ona… kontutan harturik Atez Atekoa egiten den herrietan jendeak organikoaren erdia turismo moduan kanpora eramaten duela. Diario Vascok kontatu du “El quinto contenedor de ‘Eskoriatza Garbia’” albistean.

Arrasate Zero Zabor taldearen hitzaldi eta ekintzak

2013-05-14  //  Gizarte eragileak  //  Iruzkinik ez

Datozen egunotan hitzaldi eta ekitaldi saila burutuko du Arrasateko Zero Zabor taldea, Goienak jakinarazi duenez.

Ordizian Atez Atekoa prestatzeko bileren azken txanpa

2013-05-14  //  Atez atekoa, Udalak  //  Iruzkinik ez

Ordiziako (9.817 biztanle) udalak maiatzerako programatu ditu Atez Atekoa ezarri aurretik herritarren iritziak eta proposamenak jasotzeko bilerak. Udaletxeko bulegoetan edo telefonoz ere utzi ahal izango dituzte ordiziarrek maiatzaren 27a baino lehen. Orain arteko bileretan 400 pertsonak parte hartu dutela adierazi du Igor Eguren alkateak. Albistea eman dutenak:

Hitza “Laurehun herritarretik gora aritu dira atez ateko bilketa diseinatzen Ordizian, lehen astean”
Sasieta mankomunitatea “Lehen astean 400 lagun baino gehiago”
Diario Vasco “Prosigue el calendario de reuniones informativas sobre el puerta a puerta“

Zaborrak eta herriak: sailkapen ahalegina

2013-05-14  //  Atez atekoa, Birziklajea, Bost edukiontzi txipdunak, Bost kontenedore, Galdera-erantzunak, Lau kontenedore, Udalak  //  Iruzkinik ez

Pello Zubiria Kamino kazetariak ARGIAren Xehe blogean plazaratu du herriak beren hondakinen kudeaketaren arabera sailkatzeko proposamena: “Zaborrak eta herriak: sailkapen ahalegina (1)“. Irizpide nagusitzat harturik honakoak: jadanik lortzen den birziklapen tasa; lortu nahi den birziklatze tasa; lortzeko ezarritako epea; bilketaren orokortasuna; planaren zehaztasuna. Zubiriaren arabera sailkapen posible batek honako herri multzoak bilduko lituzke:

A.- Zero Zabor herriak
B.- Zero Zabor izatea erabakia duten herriak
C.- Eredu berri bila dabiltzanak B atalean sartzeko
D.- % 65 helburu, borondatezko bilketaz eta epe laburretan konprometitua (Urnieta)
E.- % 60 edo %70 helburu, baina bermerik gabeko epeekin eta zehaztapenik gabe
F.- Helburu finkorik eta eperik gabe oraingoa hobetzea erabakita dutenak

Ormaiztegik ere uko Atez Atekoari

2013-05-14  //  Bost kontenedore, Udalak  //  Iruzkinik ez

Ormaiztegiko udal gobernuak (Bildu) bando batez jakinarazi du uko egiten diola herrian Atez Ateko bilketa ezartzeari eta edukiontzi bidez %73ko birziklapen tasara iristen ahaleginduko dela. Asteazkenean egingo duen udal batzarrean emango omen ditu xehetasun gehiago. Albistea oraingoz jaso dute Hitzak (“Ormaiztegiko Udalak atez atekoari uko egin dio“) eta Noticias de Gipuzkoak (“El Consistorio de Ormaiztegi también renuncia a implantar el ‘puerta a puerta’“).

‘Birziklagarriak gara’ kanpaina abiatu du Gipuzkoako Foru Aldundiak

2013-05-13  //  Aldundiak, Birziklajea, Prebentzioa  //  Iruzkinik ez

Gipuzkoako Foru Aldundiaren ekimenez Gorka Otxoa aktoreak, Pirritx pailazoak, Edurne Pasaban mendizaleak eta Mikel Aranburu Realeko futbolari ohiak birziklapenaren aldeko mezu garbia helaraziko diote hilabete eta erdiz gipuzkoar jendarteari, ‘Birziklagarriak gara‘ lelopean. Hain zuzen ere, 2016rako hondakinen % 60 birziklatzea lortzeko deia egingo dute.

Berria “2016rako hondakinen %60 birziklatzera deitu du Gipuzkoako Foru Aldundiak”
Diario Vasco “La Diputación señala que no rebajará la tasa de reciclado del 60% para 2016”
Gara “Otxoa, Pirritx, Pasaban y Aranburu, protagonistas de una campaña a favor del reciclaje”

‘Mundumob’ aurrea doa Gipuzkoan

2013-05-13  //  Ekitaldia, Gizarte eragileak, Jolasa  //  Iruzkinik ez

Gipuzkoa Zero Zaborrek “Eman hartu nahi duzun mundua” lelopean antolatutako ‘Mundumob’ ekimena aurrera doa. Asteburuan Lezo, Lasarte, Astigarraga, Alegia eta Usurbilen izan da azken egunotan, GZZek argitaratutako argazki eta bideoetan ikus daitekeenez.

Azpeitiko akordioaz balorazioak

2013-05-13  //  Bost kontenedore, Udalak  //  Iruzkinik ez

[Pello Zubiria Kamino] Azpeitiko udalean (Bilduk agintzen du gehiengo osoz) hondakinen kudeaketan Bilduk, H1!ek eta EAJk lortu duten akordioaren ondoren lehenbiziko balorazioak irakur daitezke. Azpeitiko EHBilduk bere webgunean dauka osorik “Lortu dugun akordioa urrats handia izateaz gain, urrats atzeraezina da” agiria. Berria egunkariak plazaratu “Hondakinei buruz lortu duten akordioa ‘pauso handia’ da, Azpeitiko EH Bilduren ustez” kronikan zenbait iritzi bildu ditu Ainara Arratibel Gasconek. Horrela, “‘denok irabazten aterako garen konpromiso baten aurrean gaude, eta adostasun politikotik sozialera salto eginda, herri eredugarri bat izatea lortuko dugu’, adierazi zuen atzo Eneko Etxeberria alkateak. Ziur da gauzak ondo eginez %70eko birziklatze tasa lortuko dutela  (…) Etxeberriak aitortu du ‘inbidiaz’ begiratzen dietela atez ateko sistema duten herrietan lortu diren emaitza ‘ikusgarriei’ (…) ‘Datuek esango digute [dio alkateak] martxan jarritako politika berriak norabide egokian doazen edo ez. Emaitzek epaituko gaituzte. Baina hondakinen alorrean, herri honek beste norabide bat hartu du konpromiso honekin’”. (gehiago…)

Aitor Karasatorrek esplikatu ditu Sakanako Atez Atekoaren ezaugarriak

2013-05-12  //  Atez atekoa, Mankomunitateak, Politikariak  //  Iruzkinik ez

Aitor Karasatorre Etxarriko zinegotzi eta Sakana mankomunitateko lehendakariak (Bildu) ARGIAko Urko Apaolazari azaldu dizkio Sakanan hondakinen gaikako bilketa orokortuak edukiko dituen ezaugarriak: “Atez atekoak jendeari konfiantza emango dio gauza berriak egiteko“. Intereseko anitz gauza esan du, adibidez honakoa: “Auzokonposta bosgarren edukiontzia da, organikoa edozein unetan bota daiteke”.

Azpeitian Atez Aterik gabeko bidea onartu Bilduk, EAJk eta H1!ek

2013-05-11  //  Bost kontenedore, Udalak  //  Iruzkinik ez

Azpeitian, urtarrilean udalak iragarri zuenaren alderantziz, ez da atez ateko hondakinen bilketa ezarriko, gaur egungo edukiontzien sistemarekin jarraitzea erabaki du Azpeitiko Udalak plenoan, aho batez. Baina, sortzen den hondakinen %70 birziklatzeko tasa lortzeko helburuarekin, gaika birziklatzea kontrolatuko duen edukiontzien sistema jarriko dute martxan. Oraingoz proposamen orokor bat denaren kronika osoena Uztarriak eskaini du, adostutako testuaz gain sinatzaileen iritziak bilduz: “Hondakinen bilketa edukiontzi bidez, baina kontrolatuta egingo da Azpeitian“. Aurretik hedabide berean Azpeitia Zero Zaborrek bere iritzia azaldua zuen “Azpeitia eta hondakinen inguruko gogoeta” gutunean.

Ikusi albistea beste hedabideetan:
Hitza “Azpeitian hondakinen bilketa edukiontzien bidez, baina kontrolatuta”
Berria “Atez ateko bilketa baztertu eta hondakinen %70 birziklatzea erabaki du Azpeitiko Udalak”
Diario Vasco “Azpeitia rechaza el PaP y mantiene los contenedores”
Noticias de Gipuzkoa “El Pleno de Azpeitia, con mayoría de Bildu, descarta implantar el ‘puerta a puerta’”

[2013-05-10eko eguneraketa] Azpeitiako Zero Zaborren oharra Uztarrian “Udalbatzak onartutako mozioaren balorazioa“