Haustura hidraulikoaren emaitzak justifikatzen al du inbertsioa?

2013-05-17  //  Energia  //  Iruzkinik ez

(Argazkia.: Ed Andrieski/AP).

Haustura hidraulikoaren hondamena txostena aurkeztu zuen atzo Madrilen Ekologistak Martxan taldeak. Teknika horrek sor ditzakeen kutsadura arazoez eta bestelako zenbait kaltez oso aipamen xumea egiten du dokumentuak; gehienbat, hidrokarburo ez-konbentzionalek energiaren ikuspuntutik zein probetxu txikia ematen diguten aztertzen du. Baita erregai mota horri lotutako espekulazio-burbuilaren nondik norakoak ere. Lehenbiziko puntuari erreparatuko diot, eta beste baterako utziko dut bigarrena. Ondoren datorrena txostenetik hartua eta nire erara moldatua da. Osorik irakurtzeko (gaztelaniaz dago), klik egin hemen. (gehiago…)

Frackingari ezetz esatea garesti ipini nahi dute Europak eta Kanadak

2013-05-14  //  Energia, Ingurumena, Nazioartea  //  Iruzkinik ez

CETA akordioaren aurkako afixa.

Ekonomia eta Merkataritza Hitzarmen Osoa (CETA) deritzona prestatzen ari dira Europar Batasuna eta Kanada, izan ere iaztik ari dira zeregin horretan. CEO elkarteak adierazi berri duenez, akordio horrek zaildu egin dezake haustura hidraulikoari debekua ezartzea Europan. Zehatzago esateko, CETAk  –behin betiko onarpena bitartean aldaketarik eman ezean–  gas ez-konbentzionala ustiatu nahi duten enpresen eta frackinga erregulatzea erabakitzen duten erakunde publikoen arteko ebazpen-mekanismo bat aurreikusten du. Beren “eskubideak” zapaldu direla uste duten konpainiek bertara jo ahal izango dute, ordain eske. (gehiago…)

Afganistango gerraren benetako arrazoiak

2013-05-10  //  Energia  //  Iruzkinik ez

Arcadi Oliveres.

Oso mamitsua izan zen Gasteizko Energia Jardunaldien bigarren hitzaldi saioa. Mikel Oterok, Fracking Ez Araba plataformako kideak, haustura hidraulikoa gurera nola iritsi den, horretan interesak dituzten enpresek eta Jaurlaritzak zer nolako asmoak dauzkaten eta plataformak zer erantzun eman dezakeen azaldu zuen. Interesgarria, oso. (gehiago…)

Borrokak ez duenean fruiturik ematen, zein da borrokalariaren hurrengo urratsa?

2013-05-09  //  Energia  //  Iruzkinik ez

Juantxo Estebaranzek Hego Euskal Herriko energia ereduen bilakabidea eta erresistentziak gogoratu zituen bere hitzaldian (Estebaranzek utzitako argazkia).

Gasteizko Energia Jardunaldien lehen eguna izan zen atzo. Energia, garapena eta erresistentziak hizpide, eta lehen hizlaria Juantxo Estebaranz, historian doktorea eta kapitalismoaren aurkako aktibista ezaguna. Berak jaurti zuen, beste era batera formulatuta bada ere, izenbururako hautatu dudan galdera. (gehiago…)

Sinesgarria da Kantabriak frackingari ezarritako debekua?

2013-04-16  //  Energia, Ingurumena  //  2 iruzkin

Kantabriako Legebiltzarrak aho batez onartu du haustura hidraulikoa debekatzen duen legedia. Albistea harrigarria da, “aho batez” horren barruan PP dagoelako, orobat teknika horren aldeko agertu dena. (PSOEren jarrera analizatzeari uko egingo diot momentuz, ulergaitza baitzait kasik auzo batetik bestera hain mezu kontrajarriak erabiltzea). Halaber, albiste pozgarria behar luke, eta hein batean bada noski, frackingaren aurka dagoen ororentzat. Baina Haustura Hidraulikoaren Aurkako Kantabriako Asanbladakoak ez dira fio. (gehiago…)

Eta klima aldaketarena uste baino are okerragoa balitz?

2013-04-11  //  Ingurumena  //  Iruzkinik ez

2011n Afrika ekialdea kolpatu zuen lehortea klima aldaketaren ondoriozkoa izan zen (Arg.: Laura Donkin/CAFOD).

Joan den hilabeteko artikulu bat irakurtzen ari naiz New Scientist aldizkariaren webgunean: lehenbiziko aldiz, frogatu egin da klima aldaketa giza hondamendi baten kausa izan dela. 2011n, gutxienez 50.000 pertsona hil ziren Afrika ekialdean lehorteak eragindako gosetearen ondorioz, eta lehorte haren arrazoietako bat negutegi efektuko gasen igorpena izan zen.

(gehiago…)

Etengailu endokrinoen aurrean babes eske

2013-03-26  //  Osasuna  //  Iruzkinik ez

Plastikozko ontzi askotan etengailu endokrinoak  aurkitu daitezke.

Denok duzue entzun argia dela existitzen den gauzarik azkarrena. Ez nahasi, hori esan zuena ez zen hedabide honetaz ari. Horren lekuko ondoren datorrena. Asterixen herrixkako arrain-saltzailea nola, duela bi asteko albistea iruzkintzera natorkizue freskoa bailitzan. (gehiago…)

Teoria kosmologikoak berraztertzera behartuta

2013-03-22  //  Zientzia eta teknologia  //  Iruzkinik ez

Mikrouhinen hondoko erradiazioaren (CMB) mapa berria, Planck espazio-teleskopioak egindako neurketetan oinarritua. Big Bang-aren oihartzuna da CMB, nolabait.

Planck espazio-teleskopioak hamabost hilabetez bildutako datuekin, Europako Espazio Agentziako (ESA) zientzialariek mikrouhinen hondoko erradiazioaren inoizko maparik zehatzena osatu ahal izan dute. Atzo aurkeztu zituzten emaitzak, eta esan zutenez, neurketen ondorio batzuek ez dute bat egiten gaur egun indarrean dauden eredu kosmologikoekin.

(gehiago…)

Frackingaz zure iritzia jakin nahi du Europar Batzordeak, gogoak ematen diona egin aurretik

2013-03-12  //  Energia, Ingurumena  //  Iruzkinik ez

EHNEko kideak frackinga debekatzeko eskaria erregistratzen Eusko Jaurlaritzan. (Arg.: EHNE).

Bageneramatzan aste batzuk frackingaz hitz egin gabe, baina azken orduetan albiste bi suertatu dira, ezohiko isiltasun hori hausten lagunduko digutenak. Bata etxekoa da: EHNE sindikatuak eskaria erregistratu du Eusko Jaurlaritzan, EAEko lurraldean haustura hidraulikoa debekatu dadin. Eskari horren zergatiak EHNEk berak esplikatuko dizkizu hemen. Ez dugu guk horiek errepikatzen denbora alferrik galduko, dagoeneko mila aldiz errepikatu diren arrazoiak dira eta. (gehiago…)

BABen arnasa hartzea arrisku kirola izan daiteke

2013-03-07  //  Ingurumena  //  Iruzkinik ez

(Argazkia: HowStuffWorks).

Arnasten dugun airea, legezkoa bezain kutsatua izenburua ipini nion aire kutsadurari buruz iragan abenduan idatzitako erreportaje honi. Kutsatzaile kopurua neurtzen duten estazioetako datuak eskuetan kalitate oneko airea arnasten dugula esan ohi dute gure erakunde publikoek, Europar Batasunak ezarritako mugak ia inoiz ez baitira gainditzen. Muga horietan dago tranpa, ordea. Substantzia gehienen kasuan eskuzabalegiak dira Osasunaren Mundu Erakundeak (OME) gomendatzen dituenekin alderatuz. Eta ezin esan OMEren bekatua gehiegizko zorroztasuna izan ohi denik. (gehiago…)