Utzi bakean pubiseko ileak

2013-05-15  //  Gizartea, Osasuna  //  Iruzkinik ez

Emily Gibsonek pubiseko ileen gerra bukatzea aldarrikatzen du. Argazkia: Sarah Lee, Guardian.

Modan jarri da (emakumeen eta gizonen artean) sexu organoen inguruko ilea kentzea, garbiagoa dela argudiatuta, edo besterik gabe albokoak egiten duelako, edo gizona/emakumea errazago limurtzeko. Emily Gibson familia mediku estatubatuarrak pubiseko ilearen gerra bukatzeko ordua dela esana du, eta ileok dauden tokian utzi behar direla. (gehiago…)

Katalan militante “terrorista”ren pelikula ikusgai asteburu honetan

2013-05-13  //  Hizkuntzak  //  Iruzkinik ez

Fenix 11*23  filma (Katalunia, 2012) Euskal Herriko hainbat herritan eskaini da jada. Dena dela, asteburu honetan Gipuzkoako hiru herritan ikusteko aukera izango dugu. Lazkaon 19an (19:30) eta 20an (21:30), Areria aretoan; Azpeitian 18an (19:30 eta 22:00), 19an (19:30) eta 20an (21:30), Soreasu aretoan; eta Hernanin 17an (22:30), 18an (19:30 eta 22:30) eta 19an (19:30), Biteri aretoan. Ondoko bideoan trailerra daukazue.

“Katalanaren kontrako erasoa eta periferiaren kontrola”

2013-05-10  //  Hizkuntzak  //  Iruzkinik ez

Vicent Partal, Vilawebeko zuzendaria.

Atzo onartu zen Espainiar Estatuko Aragoiko parlamentuan hizkuntzen lege berria. PPk eta PARek babestutako legearen arabera, Aragoiko administrazioak ez ditu praktikan batere babestuko katalana eta aragoiera. Vicent Partal Vilawebeko zuzendariak iritzi artikulua idatzi du atzoko gertaeraz. Alabaina, urrunago joan da. Haren ustez, katalanaren kontrako barrikadak ari dira ipintzen, batean eta bestean kutsa ez daitezen. Ordea, Partalen aburuz, ez da kasualitatea Aragoikoa orain gertatzea, Balear Uharteetan ere mugimendua egotea eta jomugan dagoen beste lurraldea Valentzia izatea. Hona iritzi artikuluaren pasarte batzuk euskarara ekarrita: (gehiago…)

Ez dira katalana eta aragoiera, LAPAO eta LAPAPYP baizik

2013-05-06  //  Hizkuntzak, Sailkatugabeak  //  Iruzkinik ez

Luisa Fernández Rudí Aragoiko presidenteak sustatu du lege berria. Argazkia: Vilawebi hartua.

Espainiako Aragoiko PPk hizkuntzen lege berria proposatu du, eta ezusterik ez bada, PARen (Partido Aragonés) laguntzari esker, aurreko hizkuntzen legea bertan behera utziko dute ostegunean, maiatzaren 9an. Lege berriaren arabera, Aragoiko administrazioak  praktikan ez ditu batere babestuko katalana eta aragoiera. Bi hizkuntzekiko jarrera mespretxugarriaren adierazgarri da hizkuntzei izena aldatzea. Ostegunean, parlamentuan PPk eta PARek bat egiten badute, ordutik aurrera katalana LAPAO (Lengua Aragonesa Propia del Area Oriental) izango da, alegia, ekialdeko aragoiera. Aragoiera berriz, LAPAPYP (Lengua Aragonesa Propia de las Áreas Pirenaica y Prepirenaica) izango da, hau da, Pirinio eta Pirinio aurreko aragoiera.

Vilawebek eman du albiste honen berri.

Hizkuntza ohiturak aldatzeko ideia batzuk Eduardo Apodakaren eskutik

2013-04-26  //  Euskara  //  Iruzkinik ez

Eduardo Apodaka artxiboko irudi batean.

Atzo hasi eta gaur bukatuko dira Udaltop jardunaldiak Lasarte-Orian (Gipuzkoa). Eduardo Apodaka EHUko irakasleak atzo Euskaraz jarduteko aktibazioa: ideia zenbait psikologia sozialetik hitzaldia eskaini zuen. (gehiago…)

“Euskaldun berriari erraz esaten diogu euskaraz jarduteko, errazegi”

2013-04-03  //  Euskara  //  Iruzkinik ez

Joxe Manuel Odriozola. Argazkia: Luistxo F.

Joxe Manuel Odriozolak artikulu interesgarria idatzi du gaurko Berrian. Haren ustez, euskalduntze prozesuetan hiztunaren eta hizkuntzaren arteko dialektika sozial, kultural eta psikologikoak daukan barne-lotura sendoa ez da ikusi nahi, eta lotura horiek berebiziko garrantzia dute hizkuntza bat edo beste aukeratzerakoan. Hona artikuluko hainbat pasarte: (gehiago…)

Martxoaren 8ko afixik txarrenak

2013-03-08  //  Gizartea  //  Iruzkinik ez

Emakumeen Egunerako afixa aproposa, benetan.

Katixa Agirreren txioari esker iritsi gara hona. Martxoaren 8ko hainbat afixa daude FilosofaFrivola gunean blogariaren komentario motz baina zorrotzekin. Umorerik ez zaio falta. Hori bai, gaztelaniaz daude.

Izan ARGIAko bazkide: Astekariko harpidedun edo webgunearen laguntzaile.

“Arazoren bat daukagunean hasiko gara genero berdintasuna lantzen”

2013-03-07  //  Gizartea  //  Iruzkinik ez

Huskeria dirudi kolorearenak, baina ez da.

Haur eskolako irakaslea: “Bai ados, genero rolez hitz egin behar da, baina haurrak oso txikiak dira eta garai horretan ez dago desberdintasunik, berdin jokatzen dute eta berdin hazten ditugu”. (gehiago…)

Ez kezkatu Wert, guk egiten dugu gaztelaniaren alde

2013-03-01  //  Euskara  //  2 iruzkin

Eskolako ereduak eredu, helduaren hizkuntza ohiturak urrea balio du.

Ministroa arduratuta dago, Hego Euskal Herriko gaztetxoek gaztelania ikasiko ez duten beldurrez, edo euskara gehiegi ikasiko duten ikaraz. Hemen ardura euskarak eragiten du, ez gaztelaniak. Arrue ikerketaren emaitzak badakizkigu, ez du berri harrigarririk eskaini. Hezkuntza komunitateak bazekiena egiaztatu du: haur-gazteek guk nahi baino gehiago egiten dute gaztelaniaz ikasgela barruan eta jolaslekuan; non eta eskolan, euskararen gotorlekuan (Mikel Zalbidek esana). D eredua ez da errezeta marabilosoa. Ikasle askok etxean ezin dute euskaraz egin, familiako inor hizkuntza berean erantzuteko gai ez delako, eta kalean beste hainbeste gertatzen zaie. Soziolinguistikoki zonalde erdaldun direnetaz ari gara. (gehiago…)

Itxaro Borda, Marikita Tambourin eta Amaia Lasa mahai-inguruan, Baionan

2013-02-22  //  Literatura  //  Iruzkinik ez

Mahai-ingururako prestatutako afixa.

Sareinak taldeak antolatu du ekitaldia Maiatz-en laguntzarekin. Baionan izango da bihar (otsailak 23) arratsaldeko 15:00etan Baionako Euskal museoan. Josune Muñozen gidaritzapean arituko dira Itxaro Borda, Marikita Tambourin eta Amaia Lasa. Ekitaldiaren izenburuak berak zertaz arituko diren arrastoa emango digu: “Maiatz, euskal emakume sortzaileen leihoa”.