Futbolarien errendimendua hobetu dezake dopinak

2013-02-07  //  Kirola  //  Iruzkinik ez

Teknika ona izateaz gain, futbolarientzat ezinbestekoa da fisikoki ongi egotea. (Argazkia: Birds of Eden)

“Sustantzia bakar batek ere ez dizu lagunduko eskuadratik gola sartzen”. Egia da Realeko jokalari Xabi Prietok dioena. Baina ez da nahikoa arrazoi futbolariak dopinaz balia ezin daitezkeela ukatzeko, debekatutako sustantzia batzuek errendimendua hobetzen lagundu dezaketelako. Oraingoz kasu bakan batzuk besterik ez dira ezagutarazi, eta ezin dezakegu esan dopina praktika orokorra denik futbolean. Baina futbolariak ez dira tentazio-bekatu orotatik libre dauden super-aingeruak. (gehiago…)

Tapoia euskarari, erregearen osasunean

2013-01-31  //  Euskara  //  Iruzkin bat

Ez zen zaila. Nahikoa zuten dozena erdi esaldi motz euskaratzea. Baina ACBko publizitate saileko kideek esaldi bakoitzeko ia hanka-sartze bat egin dute saskibaloiko Errege Kopa iragartzen duen bideoan. Eskerrak Gasteizen jokatuko den…

“Fernando Buesa Arena pavilioia”

“8 talde titulu bat bila”

“7 partidu cirraragarri”

“5 irabazi ditu kopa erregeak”

“1 titulu 1 kopa”

Hala da. Gasteizek Errege Kopa hartuko du. Alegia, El rey toma copas en Vitoria.

> Ikusi iragarkiaren euskarazko bertsioa  (zerrendako laugarrena da).

Miarritzeko auzapezak ez du bizikleta berria estreinatu

2013-01-30  //  Azpiegiturak  //  Iruzkinik ez

Bizi! mugimenduak Didier Borotra Miarritzeko auzapezari eskatu dio emandako hitza bete eta duela urtebete agindutako bizikletentzako bide berriak eraikitzeko. Iragan larunbatean, FIPA zinema jaialdiaren itxieran, kolektiboko kideek pankarta erraldoia zabaldu zuten Gare du Midi antzokiaren kanpoaldean: “Badu urte bat xuxen, txirrindula bide antolaketa promesak Biarritzen: dena zinema?”, zioen mezuak.

Bizikletaren aldeko urratsak emateko eskatu diote Bizi! mugimenduko kideek Miarritzeko auzapezari.

(gehiago…)

Dopinak ba al du loturarik minbiziarekin?

2013-01-23  //  Kirola, Osasuna  //  Iruzkinik ez

‘Armstrong kasuak’ dopinaren eta minbiziaren arteko loturari buruzko eztabaida berpiztu du. Harremanik erakusten duen froga zientifikorik ez dago… oraingoz. (Argazkia: Bleacher Report)

1996an diagnostikatu zioten barrabiletako minbizia Lance Armstrong txirrindulari estatubatuarrari. Profesionala zenean debekatutako sustantziak kontsumitu zituela aitortu du orain, eta bada horrek minbiziarekin lotura izan dezakeela dioenik. Horrela al da? Zein harreman dago dopinaren eta minbiziaren artean? Sustantzia batzuek gaitza sortzen edo zabaltzen ‘laguntzen’ al dute?

(gehiago…)

Zergatik hitz egin du orain?

2013-01-18  //  Kirola  //  Iruzkinik ez

Lance Armstrongek 2005era bitartean debekatutako sustantziak hartu zituela aitortu du Oprah Winfrey kazetariak egindako elkarrizketan.

Azkenean aitortu du guztiok genekiena. Debekatutako sustantziak hartu zituela, alegia. Hainbeste urtetan egia ukatzen aritu ostean, Lance Armstrong ziklista estatubatuarrak ebidentziei men egin behar izan die. Zergatik orain?

(gehiago…)

AVE katalanari inbidia izan behar al genioke?

2013-01-15  //  Azpiegiturak  //  Iruzkinik ez

AVE katalanaren bedeinkapena, hilaren 8an: Espainiako Sustapen ministroa, Kataluniako eta Espainiako presidenteak eta Asturiasko printzea.

Abiadura Handiko Trena (AHT) 2016rako abian izatea “oso zaila” izango dela berretsi zuen Arantza Tapia Eusko Jaurlaritzako Garapen Ekonomikoa eta Lehiakortasun sailburuak, Diario Vasco egunkariak igandean argitaratutako elkarrizketan.

(gehiago…)

Webkomikiak. Aitor Erañaren “RIP”, saritua

2013-01-04  //  Komikiak  //  Iruzkin bat

RIP webkomikiaren 2009ko zinta bat.

Webkomikiak izeneko podcast-artxiboa Entzutekoak karpetan sartu nuen duela hilabete inguru. Beste hainbat artxiboren moduan, zulo beltzean galtzeko arriskua zuen Radio3-ko saio hark ere. Duela bizpahiru egun erreskatatu egin nuen, ordea, eta horri esker jakin ahal izan dut Aitor Eraña gasteiztarrak irabazi zuela iaz webkomiki onenaren saria Madrilgo Expocomic azokan, RIP obrarekin. Tira, horri esker jakin ahal izan dut Aitor Eraña 2009an hasi zela sareratzen hilerri bateko gora-beherak jasotzen dituen RIP webkomikia, eta iazko abuztuan amaitu zuela, behin-behinekoz bederen. (gehiago…)

David Millar eta dopina, gezurrek elikatutako munduaren dekadentzia

2012-11-15  //  Kirola  //  2 iruzkin

David Millar eskoziarraren historia txirrindularitzaren garairik beltzenetako baten isla da. Erlojuaren kontrako Munduko txapeldun izana (2003an) eta Frantziako Tourrean etapak irabazitakoa, 2004an bi urterako zigortu zuten EPO kontsumoagatik. C+ telebista kateak emititzen duen Informe Robinson saileko erreportaje honetan, “ziklismoa maite eta dopinaren mundua gorrotatzen duen gazte idealista bat” EPOa injektatu eta atxilotua izatera zerk eramaten duen kontatzen du Millarrek berak. Azken boladan ikusi dudan elkarrizketarik interesgarrienetakoa da, “gezurren gainean” eraikitako mundua azaleratzen duena protagonista batzuen ahotik. Berandu baino lehen erosiko dut erreportajeak hizpide duen Racing Through the Dark (Pedaleando en la oscuridad gaztelaniaz) liburu biografikoa (frantsesezko bertsioa ez dute oraindik argitaratu).

Milesker erreportajearen berri emateagatik, Ibraormic. Bloga –eta Twitter kontua– sortzen dituzun egunean Euskal Herriak ziberguru berria izango du

#hautesporra irabazteko gida

2012-10-15  //  Uncategorized  //  2 iruzkin

Podiuma osatzeko hautagai nagusiak.

“Zer egin behar dut Beranduegi web telebistako kideek hilaren 21eko bozei begira antolatutako #hautesporra irabazteko?”. Laguntza gisa, hemen duzue hedabideek egindako inkestetan oinarritutako kiniela bat, inork kopiatu nahi balu. Hautagaitza bakoitzaren ibilbidea eta taldeburuen sasoi puntua abiapuntutzat hartuta osatu dugu porra, txirrindularitzari buruko analisiak eredutzat hartuta.

(gehiago…)

Egia al da ozonoa injektatuta dopatzen direla kirolari batzuk?

2012-07-26  //  Kirola, Uncategorized  //  Iruzkinik ez

Ozonoak izar bilakatzen lagun dakiekela pentsatzen dute batzuek.

Neurri batean bai, egia da, baina substantzia horrek ez die inolako ekarpenik egiten. Egia da errendimendua hobetze aldera kirolari batzuk odolean ozonoa injektatzen dutela baina, antza, horrek ez die batere mesederik egiten, ez behintzat orain arte egindako ikerketek diotenez. Eta egia da kirolariak zigorra jaso dezakeela ozonoa injektatzeagatik, baina ez justu gorputzean produktu hori sartu duelako, odola atera eta berriro injektatu duelako baizik. Alegia, hainbat adituren hitzetan ozonoa bere horretan ez da produktu dopatzailea, baina odol auto-transfusioa legez kanpoko ekintza da.
(gehiago…)