Durangoko Azoka, gutxieneko adostasun bila

2013-02-15  //  Kulturgintza  //  3 iruzkin

Landako gunearen gaineko lainoak argitzeko epe bat jarri zuten atzo Gerediagako eta guneetako ordezkariek.

Soka tenkatu bai, baina ez da eten oraingoz: Durangoko Azokaren antolamenduari buruzko gutxieneko akordioa bilatzeko epe bat jarri zuten atzo Gerediaga elkarteko kideek eta Azokaren inguruko guneetan parte hartzen duten taldeek.

(gehiago…)

Nolako azoka, nork kudeatuta

2013-02-14  //  Kulturgintza  //  2 iruzkin

Nerea Mujika Gerediagako lehendakaria eta Aiert Goenaga, iazko Durangoko Azokaren balorazioa egin zuten egunean (argazkia: EITB.com).

Presaka ari dira gertatzen gauzak Gerediaga elkarteak Aiert Goenaga Durangoko Azokako zuzendari kargutik kendu duenetik. Gaur arratsaldean bildu dira Gerediaga eta Azokaren inguruko guneetako arduradunak eta, bilera horren emaitza ezagutzen ez dugun arren, analisirako elementu batzuk badauzkagu esku artean.

(gehiago…)

Zer dauka Capbretoneko atentatuak fikzionagarri izateko?

2013-02-11  //  Ikus-entzunezkoak, Literatura  //  Iruzkinik ez

Capbretoneko atentatuaren aparkalekua hilketaren ondoren.

2007ko abenduaren 1ean Raúl Centeno eta Fernando Trapero Guardia Zibileko agenteak hil zituen ETAk Capbretonen. Ez zen ETAren ohiko ekintza izan: agenteak kafetegi batean ezagutu ondoren, etakideek aparkalekuraino segi eta bertan tirokatu zituzten. Planifikatu gabeko hilketa izan zen, antza.

Gertakari hura gogora ekartzearen arrazoia liburu bat da, David Fernándezek eta José Antonio Gutierrezek Libros del KO argitaletxearekin publikatu berri duten Los de la ETA han asesinado a tu hijo (ez da imajinazioz gainezka egiten duen titulua, egia esan).

(gehiago…)

Prix: power-poparen harribitxi bat, Bilbon berrargitaratua

2013-02-06  //  Musika  //  Iruzkinik ez

Prix taldearen bi single berrargitaratu ditu Spring Recordsek.

Spring Records zigilu bizkaitarrak Prix taldearen single pare bat argitaratu ditu berriki. Izena ez zaizuela ezaguna egiten? Niri ere ez, baina Radio Euskadiko La Jungla Sonora saioan Memphiseko banda horrekin kolaboratu zuten lagun bi aipatu dituzte: Alex Chilton eta Chris Bell. Hau da, Big Star kultuzko taldearen erdia.

(gehiago…)

Gilles Deleuze Mintzolan

2013-01-31  //  Literatura  //  3 iruzkin

Literaturan, kazetaritzan, maiz entzun izan dut daukagun erronketako bat dela ahozko euskara, euskara ustez natural hori, nola eraman idatzira. Ez da faltatzen Auspoa bildumako libururen bat eredu gisa jarriko duenik eta ez dut ukatuko, euskaldun izateko estilo jakin bati txapela buruari bezain ongi egokitzen zaio sail horretako lan askotan aurki daitekeen idazkera –pertsonalki, Sebastian Salaberriaren Neronek tirako nizkin gomendatuko nuke–.

Baina “ahozko” estilo horrek bere mugak ditu, ez da ondo egokitzen testuinguru askotara eta beraz, Gilles Deleuzek goiko bideoan apuntatzen duenari kasu egitea interesgarria da.

(gehiago…)

Gauzak argitzen ari dira liburu digitalaren merkatuan

2013-01-29  //  Literatura  //  9 iruzkin

Liburu digitala argazkiko hori da askorentzat oraindik; baina merkatutxo bat badago euskaraz.

“Euskal liburu digitala: bi eredu eta hamaika galdera” titularra jarri genion 2011ko artikulu bati. Bidegurutzean zeuden argitaletxeak gure barrioan, Elkar, Alberdania eta Erein batetik, Gurebooken bilduta; eta Susa bestetik, liburu digitalerako bere plataformarekin —artean nobedadeak saltzen hasi gabe—.

Ia batera iritsi diren bi albistek erakusten dute kaleetako bat itsua dela. Gurebookek hil honetan bere jarduera etetea erabaki du. Bitartean, Susaren egitasmoa 1.000 liburu saltzera iritsi da. Bi urte hauen balantze bat egiten hasiz gero, kontu batzuk nahiko argi ikus daitezke beraz.

(gehiago…)

Etxekoak kanporatzen

2013-01-28  //  Gizartea, Hedabideak  //  3 iruzkin

EusKKKalduna naiz eta arraro nago.

Gure artean daude. Geroz eta gehiago dira. Kezkatzen hasia naiz ez ote gaituzten jango. Azkenaldian nonahi, kalean, tabernan, erosketak egiten aurkitzen ditut eta, zer nahi duzue esatea, ez naiz ohitzen, deseroso sentitzen naiz inguruan ditudanean, mehatxua dira gure gizartearentzat. Berdin zait euskaraz ari baldin badira ere, nahiago nituzke nigandik urrun. Ozen hizketan, eskua luzatu eta besoa hartu, mundu guztia beraien legera bizi behar dela pentsatzen.

Euskotar pedigria duten arrazistez ari naiz.

(gehiago…)

Musikeneko ustelak eta irakaspenak

2013-01-24  //  Kulturgintza, Musika  //  Iruzkinik ez

Musikeneko ikasleek kalean jo zuten protesta gisa (argazkia: Juan Carlos Ruiz / Argazki Press)

Musikeneko trapu zikinek usaina botatzen jarraitzen dute Carmen Rodriguez Susok agintea utzi eta urtebetera, Noticias de Gipuzkoan atzo Juan G. Andresek argitaratutako artikulua leitzea besterik ez dago: José de Eusebio orkestra zuzendariari arrazoia eman diote epaitegiek EAEko Goi Mailako Musika Ikastegiaren kontra jarri zuen salaketan.

(gehiago…)

Kosice 2013: nola ez lukeen izan behar Europako Kultur Hiriburuak

2013-01-21  //  Kulturgintza  //  Iruzkinik ez

Kosice 2013: egin behar ez denaren eredua dirudi.

Kosice, Eslovakiako ekialdean, 230.000 bizilagunetik gora, eslovakiarren, txekiarren eta hungariarren topaleku, 2013ko Europako Kultur Hiriburua da Marseillarekin batera. Geroz eta gertuago dago Donostiak banda hori jantziko duen momentua eta komeni da beste hiriei begia pegatzea, ereduak bilatzeko.

(gehiago…)

Asteburuan kulturaz pentsatzeko pare bat irakurgai

2013-01-19  //  Literatura, Musika  //  Iruzkinik ez

Buruari apur bat eragiteko bi irakurgai.

Bat. Gorka Erostarbek Berriako Kulturak blogean Axiari, Antony eta joerak posteatu du. Joseba Irazokik azkenaldian hartu duen sonarekin pozik, baina harriturik, galdetzen du ez ote den antzeko zerbait gertatuko Beñat Axiarirekin, 2012ko abenduaren hondarrean Irazokirekin eman kontzertuaren ondoren Donostiako publikoa behintzat harri eta zur utzi baitzuen.

(gehiago…)