“Regresa”: Nafarroako printzesa euskaraz berbetan komedia mexikar batean

2010-02-01  //  Ikus-entzunezkoak  //  2 iruzkin

Pelikula mexikar baten aurrerapena bidali dit lankide batek e-postara, xelebrea dela, flipatu egin duela esanez. Zer izango ote den ikusteko play sakatu eta honakoarekin egin dut topo: film mexikar bat, komedia erromantikoaren itxurakoa. Ernestoren eta Mariaren harremana ez dago momentu onean eta Mariak, irtenbide bila, hipnosi-terapiara joko du. Esnatu da eta ero aurpegiz terapeutari oihu egin dio: “Nor zara zu?!”. Horrela, euskaraz.

(gehiago…)

Cormac McCarthyren 'The road' nobelaz (show, tell & Steinbeck revisited)

2010-01-28  //  Literatura  //  Iruzkinik ez

'The road'

Jose Urra nuen telefonoan, bazkaltzen ari zela Urkiolei eta Martinellorekin, telefonoak estaldura arazoak zituela, ez zekiela deia moztuko zenetz. Esan beharrekoak esanda, McCarthy aipatzen dit. Nik McAfee ulertu.

— Antibirusa bezala?
— Ez, ez, McCarthy!
— A, senataria, ezta? Sorgin ehizarena?
— Ez, ez, idazlea.
— McCarthy esan duzu?
— Benetan ez duk ezagutzen! Bai motel, orain gutxi egin ditek pelikula bat, No country for old men.
— A, Cormac McCarthy!
— Horri buruz ari gintuan bazkaldu bitartean, irakurri duk?
— Ez, keba.
— Ba hurrengoan hitz egiten diagunerako, irakurri The road, La carretera.

(gehiago…)

Munstroa orain handiagoa da, eta Ibercrea du izena

2010-01-21  //  Ikus-entzunezkoak, Literatura, Musika  //  2 iruzkin

EZgae, ezta Ibercrea ere...

Eta nola sortu den ulertzeko, hasieratik hastea onena. Hilak 19: Espainiako Konpetentzia Komisioak (gaztelaniazko sigletan CNC) txosten bat kaleratzen du, egile eskubideak kudeatzeaz arduratzen diren elkarteei buruz. Txostenak egurra ematen die SGAE, CEDRO eta AGEDI bezalakoei; monopolioan oinarritutako eredua ari direla bultzatzen; ez dela modelo eraginkorra; erabiltzaileak oztopatzen dituela, batez ere Internetekoak; ez dutela oso jokaera gardena… Eta funtsean, merkatua liberalizatu behar dela, sortzaileek ez dutela zertan elkarte horietara joan behar beraien eskubideak kudeatzeko.

(gehiago…)

'To Shoot an Elephant': nola izan John Reed XXI. mendean

2010-01-19  //  Ikus-entzunezkoak  //  Iruzkin bat

To Shoot an Elephant

Hernaniko Biteri kultur etxeko aretoa bete samar atzo To Shoot an Elephant ikusteko; eta, esan behar nuen gustura atera nintzela, baina ez da oso egokia, zaila baita horrelakoak ikusita inondik “gustura” irtetea. Ukituta bai. Eta pentsatuz, albistegiek eman ez zizkiguten irudiak bistaratuta, behingoagatik puskatu zela Palestinaren gaineko setio mediatikoa.

(gehiago…)

Madrili irabaztea eta zintzilik geratzen diren gauzak

2010-01-18  //  Bilardorekin hizketan  //  2 iruzkin

Cristiano Ronaldo, San Mamesen zikin-zikin eginda

Galtzetan sugeak dantzan dituena bezala atera ziren Athletic-ekoak larunbatean: bost minutuan egin zituzten lanak, eta gero zaparrada zuriari (zein figura erotikoa) eutsi behar. Saiatu ziren gogotik madrildarrak. Alferrik. Bilardorekin partiduaz berbetan, umore onean gaude.

(gehiago…)

Haitiko katastrofearen “irudirik onenak”

2010-01-14  //  Gizartea, Hedabideak, Historia, Nazioartea  //  Iruzkin bat

Haiti

Halaxe irakurtzen zen atzo El País-en edizio digitalean: “Las mejores imágenes de la catástrofe”. 24 ordu beranduago kendu dute,  baina Floren Aoizek harrapatu eta blogean jarri du. Gaur El País pornografia emozional bete-betean ari da, nazioarteko komunitatearen lana goratuz, gorpuei tiritak jartzea zein den ona azpimarratuz. (gehiago…)

Munilla, Internetek egingo zaitu progre

2010-01-13  //  Gizartea, Hedabideak  //  2 iruzkin

Jose Ignacio Munilla

Eta moderno: hedabide handietan homologagarri. Barack Obamak erabili zuen aurrena 2.0 etiketa marketin politikorako; etorri ziren atzetik imitatzaile probintzianoagoak, Patxi Lopez kasu, Twitterren jarraitzaile faltsu eta guzti; baina, hala ere, hedabide handiek ontzat eman zuten. Eta “aldaketa” giroan gaudenez, eta “aldaketa” oro Interneten eskutik datorrela sinetsita, hara nor igo den teknologia berrien trenera: Jose Ignacio Munilla. (gehiago…)

Elurrari buruzko notiziak eta kultur kazetaritza

2010-01-12  //  Euskalerria Irratirako Burutazioak  //  Iruzkinik ez

Elurraz ari da telebista goizeko tabernan, testu hau idazten ari naizelarik; elurraz ari dira hau idazten ari naizen tabernan gosaltzen ari diren langileak, beharraren aurretik kafesne ketan sudurra berotuz; elurraz idatziko dut ba nik ere, eta, ohiko moduan, azken momentura iritsi arte ez dizuet esango ez naizela elurraz ari, ezpada beste zerbaiti buruz. Baina azken errebuelta hori hartu aurretik, elurraz ari nahi dut.

(gehiago…)

Aurten futbola beltza izango da (eta zauriz betea)

2010-01-11  //  Bilardorekin hizketan  //  Iruzkinik ez

Emmanuel Adebayor, Togoko futbolaria

Jendea aldatu egiten da, batere ez aldatzeko. 2009. urtearen amaieran lanarekin arnasestuka ibili eta ezin izan nuen Bilardo behar bezala agurtu; gero, jada hamarkada berrian, Txarteleko kafetegia, obra batzuk tarteko, itxita egon denez, pista galdu diot zaharrari. Azarotik ez dugu hitz egin. Baina, espero nuenaren kontra, sosegatuta sartu da. Aldatuta. Te bat eskatu du. Halako pose Zen bat dauka. Ahoa ireki arte:

— Hona etorri ez haizenez, gutxienez esaidak Gabonetan larrua suelto jo duala.

(gehiago…)

Buster Keaton finlandiar galbahetik

2010-01-09  //  Literatura  //  Iruzkinik ez

Liburuaren azala

Zein itsusia nork bere burua aipatzea, baina zein beharrezkoa batzuetan, konparazioak egin ahal izateko: joan den astean txoko honetara Claudio Magrisen nobela bat ekarri genuen, puskatan aurkeztua eta, irakurle honen ustetan, aurreneko irakurketaren ondoren zati-zati eginda bukatzen zuena. Hori gertatzearen erruetako bat zen, irakurle honen ustetan, nobelaren hasierako asmo handia, XX. mendearen kontakizuna egin nahia. Horrek bihurtzen zuen gehiegizko, alor askotan. Gaur ekarri duguna, askoz pretentsio txikiagoko obra da, testu fragmentarioa hau ere, baina, betiere irakurle honen ustetan, hobeto funtzionatzen duena: Kari Hotakainen finlandiarraren Buster Keaton: Elämä ja teot nobelaz ari gara (Buster Keaton: bizitza eta lanak, iaz Donostiako Meettok argitaletxeak gaztelaniaz argitaratua, Buster Keaton: vida y obra izenburuarekin).

(gehiago…)