Desklasifikazioak II: Cesare Battisti

2011-01-18  //  Euskadi Irratiko Arratsean saioan irakurriak, Literatura  //  Iruzkin bat

Notizia joan den urteko azken egunarekin etorri zen:

Luiz Inacio Lula da Silva Brasilgo presidenteak, kargua utzi aurretik hartu duen azken erabakia Cesare Battistiren estradizioa ukatzea izan da. (…) ‘Berun urteetan’ Brigada Gorriekin lotutako Komunismorako Armaturiko Proletarioak taldeko kide izan zen eta lau hilketa leporatzen dizkiote bere herrialdean, horietako bi poliziak. Herrialdeko tribunalek biziarteko kartzelara kondenatu zuten. Battistik hilketa-akusazioak ukatzen ditu eta Lularen Gobernuak errefuxiatu politikoaren maila aitortu zion, Brasilen duela lau urte atxilotu zutenean. (…) Lulak ez du nahi izan Dilma Rousseff presidente berriaren lehen ekintza ezker muturreko borrokalari baten estradizioa ukatzea izatea, Rousseff bera ezker muturreko gerrillaria izan baitzen diktadura militarraren garaian. (…) Silvio Berlusconi Lehen Ministro italiarrak adierazi du Lularen erabakia “onartezina” dela eta haren kabinetearen ohar batek ohartarazi du: “Brasilgo presidenteak bere erabakia esplikatu beharko dio Italiako Gobernuari, baina baita italiar guztiei ere eta bereziki biktimen familiei”.

(gehiago…)

Ben Ali: PSOEren eta PSen adiskide tunisiarra

2011-01-17  //  Hedabideak, Nazioartea  //  2 iruzkin

Tunisiako diktadorearen alderdia ISko kidea da, PSOErekin eta PSekin batera

Gaitzekoa ari da izaten Tunisiako errebolta eta telebista, irrati, egunkari guztiak ari dira matxinadaren berri ematen azken egunetan. “Herritarrak altxa dira! Ihes egin du Zine el-Abidine Ben Ali diktadoreak!” diote ozen. Baina, hedabide handiekin maiz gertatzen den moduan, zenbait detaile interesgarri bigarren planoan geratzen dira, ez kasualitatez; orain arte agintari europarrek mediterraneoko tiranoarekin izan duten adiskidetasuna, kasu. (gehiago…)

Desklasifikazioak I: Valerie Solanas

2011-01-11  //  Euskadi Irratiko Arratsean saioan irakurriak, Literatura  //  Iruzkinik ez

Valerie Solanas

1968ko ekainaren 3an New Yorken zeukan estudiora, The Factory-ra, sartu zen Andy Warhol, Fred Hughes managerra eta Mario Amaya arte kritikaria lagun. Korridorearen bestaldean emakume bat, pistola eskuan. Tiro bat, bi, hiru tiro entzun ziren eta Warhol lurrera erori zen, beruna gorputzean, golkoa odolez gorri. Beste bala batek Mario Amayaren bizkarra urratu zuen. Kanoiak Fred Hughesi ere begiratu zion. Emakumeak katua sakatu zuen.

Ez zen balarik atera.

Din-don soinuagatik jakin zuen igogailua iritsi zela. Handik egin zuen alde pistolaren jabeak eta zenbait ordu beranduago, polizia bati esplikatu zion egindakoa. Berehala atxilotu zuten.

(gehiago…)

'AEIOUMMMMM', Xabi Strubellen disko berria, zuzenean sarean

2011-01-03  //  Musika  //  Iruzkinik ez

Xabi Strubell (arg.: Dani Blanco)

Twitterretik (nondik bestela) dator notizia, urteko lehenbiziko eguneko erregaloa: Xabi Strubellek disko berria grabatu eta sarean jarri du CC-by-nc-sa lizentziarekin. Adio bitartekariak, Archive.org webgunetik ekar dezakezue AEIOUMMMMM oso-osorik. Gitarrarekin etxean egindako sei saio esperimental dira; pieza biluziak, isiltasunarekin jolasean osatuak.

Eta pozgarria da, horrelako lanak zabaltzeko Internetek ematen dituen aukerak ikustea.

(gehiago…)

Apokalipsiak zerrendak egiten harrapatuko gaitu

2010-12-31  //  Euskadi Irratiko Arratsean saioan irakurriak, Ikus-entzunezkoak, Literatura, Musika  //  Iruzkinik ez

Ezetz, benetan, puxika ez da gaur gauean lehertuko...

R.E.M. taldearen kanta bat etortzen zait burura abenduak 31 dituenero, It’s the end of the world as we know it (and I feel fine). Ezagutzen dugun munduaren amaiera da eta hala ere, edo beharbada horrexegatik, ongi sentitzen naiz. Friboloa dirudi, baina apokalipsiaren aurrean eduki daitekeen jarrera itxuroso bakarra da. Ez malenkoniarik, ez beldurrik. Kantaren hitzak idatzi zituen Michael Stipek bai baitzekien, T.S. Eliotek bezala, denbora presentea eta denbora pasatua, akaso daudela presente biak denbora futuroan, eta denbora futuroa konteniturik denbora pasatuan, denbora guztia presente baldin badago eternalki.

(gehiago…)

Belengo estalpe guztiak ez dira kitsch

2010-12-25  //  Artea, Euskadi Irratiko Arratsean saioan irakurriak  //  Iruzkinik ez

Leo Bassiren gaur egungo jaiotza

“Estetikotasunik gabekoa edo gustu txarrekoa dena, bereziki, kontsumo komertzialerako egina”. Horrela definitzen du Harluxet hiztegiak Kitsch hitza. Wikipediak berriz, zera gehitzen du: Kitsch direla masan fabrikatutako ikono kultural merkeak eta artelan estetikoki eskasak, eta hitza lotu daitekeela gehiegizko sentimentalkeriarekin ere. Barka sarrera entziklopediko hau, baina inportantea iruditzen zait kontzeptua ezagutzea, Gabonetan inork etxea dekoratzen hasteko tentazioa baldin badauka, jakin dezan zer egin behar duen eta, bereziki, zer ez duen egin behar.

(gehiago…)

Autopsiarako froga gehiago: tabako arrastoak euskal kulturaren biriketan

2010-12-20  //  Artea, Euskadi Irratiko Arratsean saioan irakurriak, Ikus-entzunezkoak, Literatura, Musika  //  3 iruzkin

Zenbat zigarro bil daitezke 70 milioirekin?

Koldo Izagirrek autopsia egin berri dio euskarari eta artseniko arrastoak aurkitu ditu. Ez naiz gorpuak gehiegi zitzikatu zalea, baina bigarrenez bisturia sar dezatela eskatuko nuke, biriketan gutxienez, ea tabakoaren keak eragindako minbizia ere ikusten den. 70 milioi euro hartu, bosteko billetetan banatu eta bai baitago nahiko paper zigarro batzuk biltzeko. Mordoxka bat. Horiek guztiak erreta, metastasia seguru.

(gehiago…)

Don Norbait

2010-12-17  //  Musika  //  Iruzkinik ez

Bide Ertzean 'Leidor Sessions' grabatu zutenean (argazkia: Xa2 / CC-by-sa)

1999. urtea izango zen, udaberri partean. Donostiako Trinitate plazan kontzertua: Bide Ertzean eta… Etsaiak. Eta, egia aitortzeko, bigarren taldea ikustera joanak ginen batez ere. Besteaz ezer gutxi jakin, “Deabruak Teilatuetan-ekoen talde berria” esan zuen lagun batek. Aurkeztu berria zuten lehen diskoa (oker ez banago) eta gau hartan (honetan ez nago oker) publikoak harrera hotz samarra egin zien. Abstraktuan ez hitz egiteko: genien. Eta zehatzago: nien.

Animalia kapritxosoa da gustua, baina denborarekin beti itzultzen da lehenago ibilitako bideetatik. Pazientzia izanez gero, bigarren aukera ematen dizu ehizatzeko. Hamaika urte beranduago karrerako soinu-banda bihurtua zitzaidan Bide Ertzean, ikusiak nituen zuzenean, baina inoiz ez Donostian. Eta Trinitatetik hurbil tokatu aukera, Victoria Eugenia antzokian, atzo.

(gehiago…)

Aupa Dut!

2010-12-16  //  Musika  //  5 iruzkin

TuD zuzenean

Titularreko hori izan dute lema. Larunbatean esango dute agur. Ez neukan pena txikia Dut berandu harrapatu izana (bai, ados, 2008an utzi zuten, baina noiztik ez zuten kontzertu bat egiten?), eta orain TuD taldeak dio agur. Hilaren 18an izango da Dut-en tributu banda onenaren agurra, Hondarribiko Psilocybenean (ezin bestela) Meido-rekin batera.

(gehiago…)

Juaristi

2010-12-13  //  Euskalerria Irratirako Burutazioak  //  Iruzkin bat

Jar ote liteke azeria oilategia zaintzen? Seguru ote dago bankua, Dalton anaiak badira jagole? Nori pasatzen zaio burutik, bizi ditugun garai hauetan, apaiz katoliko bat jartzea haurtzaindegiko buru?

Jon Juaristi (argazkia: Volgako Batelariak)

Tankera horretako galderak etorri zitzaizkidan burura joan den asteburuan albistea egunkarietan atera zenean: Jon Juaristi Euskararen Aholku Batzordean izango da hemendik aurrera. ETAkoa izan zen, Pott Bandakoa ere bai; eta PCEn, Euskadiko Ezkerran eta PSEn ibili zen, bere burua nazionalista espainol gisa definitu aitzin. Familiatik jaso zuen euskal nazionalismoa gorrotatzen bukatu du, katuak ura gorrotatzen duen gisan.

(gehiago…)