Top-5: Herri Harresi baterako kantak

2013-04-17  //  Musika  //  2 iruzkin

Ez dakit zehaztasunez zer ari den gertatzen Donostian uneotan, ez dakit noiz bidaliko dituzten agenteak atxiloketa exekutatzera, ez dakit lortuko duten horrelakorik ala kondenatuen babesean atera diren ehunka lagunek presondegiko mekanikaren hortzak saltaraziko dituzten.

Dakidana da soinu bandatxo bat jarriko niokeela AskeGuneari. Herri Harresi baterako kanten nire Top-5a duzue jarraian.

(gehiago…)

Ihes egin behar ez dizun disko horietako bat

2013-04-11  //  Musika  //  Iruzkin bat

Aguxtin Alkhat eta diskoan lagundu dion taldea (argazkia: Rafoto).

Ihes egin izeneko sei kantako EP bati buruz gaurkoan (barka beraz, titularreko originaltasun faltagatik). Entzuni esker izan dut Aguxtin Alkhat heletarraren estreinaldiaren berri eta, haren Bandcampean entzun ostean, arreta merezi duela iruditu zait.

(gehiago…)

Margaret Thatcher hil da: jarri musika apur bat

2013-04-08  //  Musika  //  Iruzkin bat

Hefner taldearen The day that Thatcher dies etorri zait burura Erresuma Batuko lehen ministro ohia hil dela jakin eta berehala.

(gehiago…)

Shakespearen diru-kontu ustelak argitara

2013-04-08  //  Literatura  //  Iruzkinik ez

Shakespearen diru-kontu ilunak argitaratu ditu Galesko unibertsitate batek.

Iruzur fiskala, legalitatearen mugan dauden jarduera ekonomikoak, lukurreria… Ez da Jérome Cahuzac, ez da Luis Bárcenas, William Shakespeare da. Galesko Aberystwyth unibertsitateko ikerlariek argitaratu dutenaren arabera, idazle ingelesak gaur eguneraino iritsi diren obra unibertsalak idatzi bitartean modu ustel samarrean maneiatu zituen bere kontu ekonomikoak.

(gehiago…)

BEZa igo eta antzokiak hustu

2013-04-04  //  Ikus-entzunezkoak  //  Iruzkinik ez

Espainiako Gobernuak antzokietako BEZa %21era igotzeak eragin kaltegarria izan du.

Espainiako Gobernuak BEZa igotzeak arte eszenikoen sektorea itolarrian jarri du: Norka Chiapussok Artez aldizkarian idatzitako artikulu batek ematen du larritasunaren neurria. FAETEDAk (Espainiako Estatuko Antzerki eta Dantza Elkarteen Federazioa) zergaren inpaktua aztertzen duen txostena aurkeztu zuen martxoaren 21ean Chiapussok dioenez eta zenbakiak izutzekoak dira:

(gehiago…)

“Herrialde normal batean, ‘Twist’-en agerpenak gertakaria behar zuen izan”

2013-04-02  //  Literatura  //  Iruzkinik ez

Harkaitz Cano.

Normalak izateak kezkatzen gaitu normalki, baina ez al da zenbaiten normalitatea apur bat anormala?

Harkaitz Canoren Twist gaztelaniaz argitaratu zen duela hilabete inguru eta Kataluniako El Periodico egunkariko Ricard Ruiz Garzon kritikariari arreta deitu dio Espainiako Estatuko medio handiek eskaini dioten arretak. Hobe esanda, eskaini ez dioten arretak. Hara nola hasi zuen joan den asteazkenean liburuaren exegesia:

(gehiago…)

Bi gomendio Nazioarteko Antzerki Egunerako: Dario Fo, Publikoari gorroto

2013-03-27  //  Ikus-entzunezkoak  //  Iruzkinik ez

Bat) Kontraerreformarekin konparatu du Dario Fo dramaturgoak gure garai hau, Commedia dell’Arteko aktoreen jazarpena gogorazten dio eta horregatik, abian den “sorgin ehiza handia” salatu du gaurko, Nazioarteko Antzerki Egunerako, prestatu duen testuan. Iñaki Iñurrietak euskaratu du eta Armiarma.com-en irakur dezakezue, edo ikus-entzun, hainbat aktorek prestatu duten bideoan.

Telebista

2013-03-26  //  Ikus-entzunezkoak  //  Iruzkinik ez

Begiratu niri. Begiratuidazu! Begiratuidazu! Begiratuidazu! Begiratu egidazu! Ez begiratu hara! Han ez dago ezer ikusteko! Begiratuidazu! Begiratuidazu! Begiratuidazu! Niri begira al zaude? Mundu guztia niri begira al dago? Mundu guztiaren arreta daukat? Ez pentsatu gaizki, ez dizut bizitza kendu nahi. Zer behar duzu? Zer? Zer? Zer? Komunera? Ondo. Zoaz. Itzuli. Begiratuidazu.

(gehiago…)

Murrizketa gehiago EAEko Kultura Sailean: Musikene, Etxepare eta Balenciaga

2013-03-25  //  Kulturgintza  //  4 iruzkin

%23ko murrizketa izango du Etxeparek aurrekontu proiektuaren arabera

Araba, Bizkaia eta Gipuzkoako kulturako aurrekontuen murrizketa andanaren berri dakar gaur El Diario Vascok. Batzuk aurreratu genizkizuen joan den astean. Beste batzuk, esanguratsuak, jarraian zerrendatuta:

(gehiago…)

Makina-erremintaren herriko politika kulturala

2013-03-22  //  Kulturgintza  //  2 iruzkin

Azpiegiturak eta “ukigarria” dena lehenetsi dela uste du Iñaki Martinez de Albenizek. Guggenheim paradigmatikoa da alderdi horretatik.

EAEko kultur politikari buruzko analisia egin du Iñaki Martinez de Albeniz soziologoak Compostelako unibertsitateak argitaratzen duen RIPS aldizkarian. Bere hipotesia da Araba, Bizkaia eta Gipuzkoako politika kulturalaren bereizgarria, kulturaren zentraltasun eza dela. Labur esateko, politika kulturala gehiago dela politikoa, kulturala baino –“politiko” hitza Carl Schmitten zentzuan ulertuta, hau da, “lagunak” vs. “etsaiak”–.

(gehiago…)