Hasiera »
Gorka Bereziartua Mitxelena
2005ean hasi nintzen blog hau egiten. Literatura egiten saiatu nintzen. Gero kazetaritza. Ez dut ez bata ez bestea lortu. Oraindik. Kulturari buruz aritzen naiz, bestelako kontuetan muturra sartzen badut ere. Azken finean, blogak horretarako dira: nahi duzunaz idazteko, nahi duzun bezala.
Atalak
- Artea
- Azpiegiturak
- Bilardorekin hizketan
- Buletin informatiboak
- Ekonomia
- Energia
- Euskadi Irratiko Arratsean saioan irakurriak
- Euskalerria Irratirako Burutazioak
- Euskara
- Gaur egungo teknologiak
- Gizartea
- Hedabideak
- Hezkuntza
- Historia
- Ikus-entzunezkoak
- Jazzaldia 2011
- Kirola
- Kulturgintza
- Literatura
- Mokaduak
- Musika
- Nazioartea
- Politika
- Primavera Club 2011
- Primavera Sound 2011
- Zinemaldia 2012
Azken bidalketak
Iruzkin berriak
Artxiboak
- Maiatza 2013
- Apirila 2013
- Martxoa 2013
- Otsaila 2013
- Urtarrila 2013
- Abendua 2012
- Azaroa 2012
- Urria 2012
- Iraila 2012
- Abuztua 2012
- Uztaila 2012
- Ekaina 2012
- Maiatza 2012
- Apirila 2012
- Martxoa 2012
- Otsaila 2012
- Urtarrila 2012
- Abendua 2011
- Azaroa 2011
- Urria 2011
- Iraila 2011
- Abuztua 2011
- Uztaila 2011
- Ekaina 2011
- Maiatza 2011
- Apirila 2011
- Martxoa 2011
- Otsaila 2011
- Urtarrila 2011
- Abendua 2010
- Azaroa 2010
- Urria 2010
- Iraila 2010
- Abuztua 2010
- Uztaila 2010
- Ekaina 2010
- Maiatza 2010
- Apirila 2010
- Martxoa 2010
- Otsaila 2010
- Urtarrila 2010
- Abendua 2009
- Azaroa 2009
- Urria 2009
- Iraila 2009
- Abuztua 2009
- Uztaila 2009
- Ekaina 2009
- Maiatza 2009
- Apirila 2009
- Otsaila 2009
- Urtarrila 2009
- Abendua 2008
- Azaroa 2008
- Urria 2008
- Iraila 2008
- Uztaila 2008
- Ekaina 2008
- Apirila 2008
- Martxoa 2008
- Otsaila 2008
- Azaroa 2007
- Iraila 2007
- Azaroa 2006
- Iraila 2006
- Abuztua 2006
Diskurtsoan galdu da Jose K. torturatuaren giza-dimentsioa
2012-03-16 // Ikus-entzunezkoak // Iruzkinik ez
Kristalezko kutxa baten barrutik hitz egiten du protagonistak obra guztian
Kristalezko kutxa batean, eskuak lotuta eta biluzik dago Jose K. ekintzailea –uler bedi “ekintzaile” Elhuyar hiztegiak ematen duen frantsesezko itzulpenean, militantea edo aktibista, alegia; inola ere ez espainolezkoan, “emprendedor” gorrotagarri hori–. Presidenteak hitz egin behar duen plazan bonba jarri du, denbora gutxi falta da lehertzeko. Baina atxilotu dute eta tortura erabiliz atera nahi diote lehergailua non dagoen. Komisarietako praktika higuingarri horretaz dihardu antzezlanak, baina harago ere joan nahi du, agintari kapitalisten hipokrisia salatu nahian.
(gehiago…)
Xorak asmatu du Jinkoak sortzen… eta desegiten
2012-03-12 // Ikus-entzunezkoak // 3 iruzkin
Jef Goihenexpe, Xora filmeko protagonista, errodajean
Pelikula zubereraz grabatu dute eta berezitasun hori azpimarratu dugu kazetariok estreinatu aurretik Xorari buruz hitz egitean, horrelakorik egiten den lehenbiziko aldia delako, baina behin filma bukatu eta ikusgai egongo den honetan, ez dut uste bidezkoa denik ezaugarri horrekin tematzea, Peio Cachenautek zuzendutako lanaren alderdi esanguratsuenez ahaztea litzateke eta. Idaztearen eta bulegoko lan arrunta edukitzearen artean erabaki beharrean den gaztea (Jef Goihenexpe) da protagonista eta haren osabak, “Hollywood” ezizenena daukan idazleak (Titika Rekalt), ematen dio kontrapuntua.
(gehiago…)
Biziko al zinateke tunelean?
2012-03-08 // Ikus-entzunezkoak // Iruzkinik ez
Dark Days filmean elkarrizketatutako pertsonetako bat
Den-den-dena hankaz gora joango balitz ere –probablea, ekonomiaren gobernariak hartzen ari diren erabakiekin–, beti legoke aukeraren bat bizirauteko. Hori darabilkit buruan Marc Singerren Dark days dokumentala ikusi dudanetik. 1999an izan zuen Singerrek filmeko protagonisten berri, esan ziotenean bazegoela New Yorken leku bat lur azpian, Freedom Tunnel, eta han ez zela hain gogorra dirurik, etxerik, jabetzarik gabe bizitzea, homeless bat izatea, alegia. Metroko tunelen abaroan lagun batzuk bizi omen ziren eta beren erara, antolatutako komunitatea osatzen zuten; bizimodu lasaiagoa ei zeukaten itzalpe horretan, kaleko eguzkitan baino.
(gehiago…)
Sautrela ez da desagertuko, keba
2012-02-17 // Ikus-entzunezkoak, Literatura // 5 iruzkin
Hasier Etxeberria, Sautrela saioaren aurkezlea, programan Asel Luzarraga elkarrizketatzen
“Sautrela ez da desagertu” irakurri genuen atzo Hitzen Uberan webgunean. “Ez dugu horrelako erabaki bat hartu. Batzuetan 26 atal egin dira urtean, beste batzuetan 33. Aurten, 13 dira egingo ditugun atalak”. Aurrera begirako zehaztasunik ez Joselu Blancok. Datorren urtean beharbada 6? Agian 3? Akaso 0? Baina zer diok? Sautrela ez duk desagertu: tabako bila joan duk, berehala zetorrek bueltan. Seguru ia urtero emitituko dituztela programa berriak aurrerantzean ere: ia emitituko dituzte 2013an, ia emitituko dituzte 2014an, ia emitituko dituzte 2015ean… Ez dute Sautrela telebistatik kendu nahi, ez, ez, eta ez. Solo ke, El Conquistador del fin del mundoren arrakasta ikusita eta Célinen nobela gomutan, Gauaren muturrerainoko bidaia izeneko saio berriari ekingo diote aurki.
(gehiago…)
Polizia has daiteke pertsonaia literarioak atxilotzen
2012-02-14 // Literatura // Iruzkin bat
Humbert Humbert, Nabokoven 'Lolita' nobelako protagonista
Nobela hartu eta irakurtzen duzu: “Begirada ilun ona (…) Matrail sendoa, esku gihartsua, ahots sakon eta ozena”. Tipoari itxura hartzen hasten zara: “Banintzen eta oraindik banaiz, malurak malura, izugarri gizon erakargarria; mugimendu mantsokoa, altua, ile leun iluna eta goibela izanagatik planta seduktorekoa. Gizontasun ezohikoak subjektuaren ageriko ezaugarrietan maiz islatzen du zerbait zakarra eta bildua, ezkutatzeko daukan horri dagokiona. Eta hori zen nire kasua”. Gutxi gorabehera egina duzu argazkia buruan: “Luzanga, hezur handikoa, artilezko bularra daukan Humbert Humbert naiz ordea, bekain beltz zabalekin (…) Mutikoaren irribarre horren atzean, munstro ustelez betetako zulo beltz bat (…) Zimino zaharraren begiak (…) Humberten aurpegiak neuralgia-keinuak egin ditzake”. Vladimir Nabokoven Lolitatik ateratako deskribapen horiekin eleberriko narratzaile eta protagonista nolakoa den irudikatzen ahal duzu. Baina gaur egungo teknologiekin, zerbait gehiago ere egin daiteke: pertsonaien erretratu-robotak.
(gehiago…)
Arrakastak ez duela ezer balio? Chi Cheng komatik esnatu da
2012-02-13 // Musika // 2 iruzkin
Chi Cheng, Deftones taldeko baxu jotzailea
Deftones taldearen metal deprea inoiz entzundakoa bazara –batzuk White Pony grabatua zeukan kasetea ia gastatu genuen garai batean–, igual ezaguna egingo zaizu Chi Cheng izena, baxua astintzen zuen talde hartan-eta. Zuen: 2008ko azaroan arrebarekin autoan zihoala istripua eduki, segurtasun uhalik ez, ozta-ozta atera zen bizirik. Koman zegoen geroztik eta hiru urte asko dira arbola baino gehiago mugitu ez, eta halere esperantzari eusteko. Joan den asteartean esnatu egin da ordea. “Mirakulua!” oihukatu daiteke eta kontuak horretan utzi; edo, ahapeka, “dirua” aipatu.
(gehiago…)
Usopop Kontrapasa, zita indiea Saran
2012-02-10 // Musika // Iruzkinik ez
Usopop Kontrapasaren afixa
Tiro bat bezala dator Sarako Usopop festibalaren otsaileko Kontrapasa, eskopetarik eta uso zartaturik izango ez den arren –“Musika berriak eta amalurra” du goiburu jaialdiak, izan ere–. Hilaren 25ean Ruper Ordorika, Rover ariko dira Lurberri gelan eta Islaia Etxola gaztetxean; ondoren, Aloé Vera DJ setarekin dantza asko luza daiteke. Antolatzaileek diote 2011n jaialdi independentearen bideragarritasuna baieztatu dela, Ipar Euskal Herrian halako proposamenentzat publikoa badela berretsi dutelako.
(gehiago…)
Pussy Riot: Anonymous + punk feminista Errusian
2012-02-02 // Musika // Iruzkinik ez
Pussy Riot taldea Moskuko Plaza Gorrian
Zortzi lagun aurpegiak kolorez estalita Kremlinaren aurrean abesti hardcoreta batekin Vladimir Putin egurtzen. Protesta hori egiteagatik atxilotu zituzten urtarrilaren 20an Pussy Riot taldeko zortzi kide Moskun. Anonymousen estiloa gustuko baduzu hau gehiago gustatuko zaizu: Anonymous da, gehi punk feminista; bonba bat, Plaza Gorrian bezain ondo lehertuko litzatekeena Ajuria Enean –esateko modu bat da, ez nuke nahi Rafael Bengoak noizbait ez-dakit-zer artxibo desagerrarazi izana leporatzea–.
(gehiago…)
Megaupload itxi arren, ez gara XX. mendera itzuliko
2012-01-24 // Kulturgintza // Iruzkin bat
Joan den astean itxi zuten Megaupload
Jendea zinema aretoetan sartu ezinda ibili da asteburuan, poliziak agertu behar izan du txarteldegietan bildutako jendetza hitz goxoz eta ferekaz sakabanatzera, eta etxean geratu direnek ere, filmak beste webguneetatik doan jaitsi ordez, txintxo-txintxo jokatzea erabaki dute eta ordaindu egin dute pelikulak ikusteagatik. Sekulako aldaketa eragin du Megaupload itxi izanak, aro berri bat hasi da Interneteko kontsumo kulturalean eta tar, tar, tar, tar, tar, tar, tar. Joan den asteko FBIren polizia operazioaren ondoren, Espainiako medio nagusiek, modu aski susmagarrian, mezu hori eman dute ia aho bakarrez.
(gehiago…)
Megaupload, kultura eta akritizismoa
2012-01-20 // Kulturgintza // Iruzkinik ez
Kim Schmitz, Megauploaden jabea.
Lehenbizi Napster itxi zuten eta ez nuen deus esan ez nuelako Napster erabiltzen. Gero Audiogalaxy itxi zuten eta ez nuen fitsik esan ez nintzelako erabiltzailea. Kazaa epaitegira eraman zuten eta ez nuen ezer esan beste zerbitzu batekin jaisten nituelako artxiboak. Megaupload ixtera etorri zirenerako, ez zen inor geratzen ezer esateko. Edo bai, itxaron, mundu guztia ari zen Megauploaden itxieraz hizketan, batek esango luke III. Mundu Gerraren atarira iritsiak ginela –ez da hiperbolea, Twitterren asko zabaldu den mezu batek dio: “Aitona, aitona… nola hasi zen III. Mundu Gerra? Ba begira, egun batean FBIk Megaupload itxi zuen eta…”.
(gehiago…)