Kataluniako herri mugimendua elkar harturik prekaritatearen aurka #totsjuntssommajoria

“Denak elkar hartuta %99a gara guztion prekarizazioaren eta gutxi batzuen etekinen aurka egiteko” lelopean batu dira Kataluniako herri mugimenduko talde anitz. Sare sozialetan bolo-bolo dabilen minutu bateko bideo hau plazaratu dute #totsjuntssommajoria kanpaina abiatzeko. Hipotekek Kaltetutakoen Plataforma, krisia piztu zenetik oso aktiboak izan diren suhiltzaileak, osasungintzako eta justiziako langileak, Panrico enpresako langileak, Duintasunaren Martxako kideak, murrizketen aurkako irakasle eta ikasleak eta abar. Segi irakurtzen

Izan ARGIAko bazkide: astekariko harpidedun edo argia.comen laguntzaile

Euskal alderdien adierazpenak 2004ko martxoaren 11n

10 urte pasa dira Madrilen Espainiako Estatuaren historia modernoan izan den ekintza armaturik handiena gertatu zenetik. Leherketa izan eta ordu gutxira, gerora jakin denez datu guztiek islamista erradikalen gainean jarri zuten sarraskiaren ardura. Euskal Herrian, Espainiako Gobernuaren bertsio ofizialari jarraiki, martxoaren 11an ez zen egia gailendu. Alderdi guztiek, gertatutakoaren datu objektiboak jaso eta kontrastatu aurretik, PPk zabaldutako bertsio bakarrari men eginez, ETAri leporatu zioten atentatuaren egiletza; euskal gizartearen sektore bati zuzendutako oso hitz gogorrak esanda. Euskal alderdien artean ez zen bestelako ahotsik entzun, Batasunak, Arnaldo Otegiren bitartez, bertsio ofiziala gezurtatu arte. Aznarren PPk ezarritako terrorismoaren aurkako politika oldarkorrari (maila diskurtsibo zein politikoan) aurre egiteko ausardia ezak oso giro bortitza eragin zuen Hego Euskal Herrian. Giro horren hauspoak, tamalez, bi hildako utzi zituen gurean: Angel Berrueta iruindarra eta Kontxi Sanchiz hernaniarra.

Juan Jose Ibarretxe lehendakaria, Josu Jon Imaz (EAJ), Patxi Lopez (PSE-EE), Antton Karrere (Ezker Batua), Xabier Sarasua (Aralar-Zutik), Begoña Errasti (Eusko Alkartasuna) eta Arnaldo Otegik (Batasuna)  2004ko martxoaren 11 hartan esandakoak bildu ditugu. Irudi gehienak “13M Atocha, El pozo, Santa Eugenia… Donibane” dokumentalekoak dira.

Izan ARGIAko bazkide: astekariko harpidedun edo argia.comen laguntzaile

Espainiako Polizia Euskal Herrian: Iparreko sindromea

1980ko hamarkadako ETAren ekintza armatuen erauntsiak eta gizartean errotutako “Alde hemendik!” leloak, Espainiako polizientzat presio eltze bilakatu zuten Hego Euskal Herria. Giro oldarkor horren baitan sortu zen iparreko sindromea. ETAren jardunari beldurra eta estresa, kuartel barruko erregimen militar zorrotza eta bazterketa soziala izan ziren gaitz honen osagaiak. Polizia eta haien senide askok Euskal Herritik kanpora leku-aldaketa eskatzea eragin zuen presio horrek. Tratamendu psikologikoa jaso behar izan zutenak ez ziren gutxi izan eta bakan batzuek suizidioaren hesia gainditu zuten. 1986an polizien begietan Hego Euskal Herriko giroa nolakoa zen azaltzen da TV3eko 30 minuts saioaren lan honetan. Segi irakurtzen

Izan ARGIAko bazkide: astekariko harpidedun edo argia.comen laguntzaile

Gamonal eta Gaztelako ezker independentista

Askapena talde internazionalistaren eskutik Izquierda Castellana taldeko zenbait kide izan dira azken egunotan Euskal Herrian Gaztelako ezker soberanistari buruzko hitzaldi batzuk emateko. Urretxu-Zumarragako gaztetxera hurbildu eta Alberto San Martin burgostarrarekin Gamonaleko, Gaztelako eta, oro har, Espainiako Estatuan gertatutako azken borroka sozialei buruz solastu ginen KKinZona irrati librearen lokalean. Segi irakurtzen

Izan ARGIAko bazkide: astekariko harpidedun edo argia.comen laguntzaile

Emakumea panpin bihurtuta, Espainiako Polizia Nazionalaren ikastaro batean

Desfibriladorea erabiltzen edo Heimlich teknika egiten ikasteko hiru bideok sortu dute kalapita. Irudietan nagusi den ikuspegi sexistak sortu du polemika. Baina sakonean bideoaren edukia ez da zalapartaren funtsa. Horren bideo sexistak beste iturrietatik heltzen zaizkigu, eta oraingoan ez da horrela izan. Izan ere, irrati formuletan aspertu arte errepikatzen duten musika aurrefabrikatuaren beste bideoklip bat izan litekeen hau, bitxia zaigu Espainiako Polizia Nazionalak erabili duelako. Ohi bezala MTVk edo Gazteak zabaldu izan balu, ez legoke arazorik. Segi irakurtzen

Izan ARGIAko bazkide: astekariko harpidedun edo argia.comen laguntzaile

Ertzaintza eta Foruzaingoa Israelen ikasle

Bartzelonako M15en bideo honek berriro agerian utzi du Espainiako Estatuaren eta Israelen arteko kolaborazio estua.  Egun munduan den apartheid sistema handienaren sortzaileak Estatuko instituzio publiko eta enpresa pribatuei formazio militarra ematen die. Tartean, Ertzaintzari eta Nafarroako Foruzaingoari. Segi irakurtzen

Izan ARGIAko bazkide: astekariko harpidedun edo argia.comen laguntzaile

Coca Colari boikota egiteko beste arrazoi bat

Periko Solabarriaren lagun Marisol tonadillera marxistak abesten zuen bezala: bizitza ton, ton, tonbola da! Izan ere, zeinek esango zidan niri AEBetako sektore arrazista, nazionalista eta atzerakoienekin inoiz bat egingo nuenik. Eta hara non, gaur da eguna. Goiko bideoaren harira, Coca-Colari boikota egiteko deia egin baitute sare sozialetan yankietan yankienek. Segi irakurtzen

Izan ARGIAko bazkide: astekariko harpidedun edo argia.comen laguntzaile

Norena da biolentzia? Etxegabetzeen aurkako madrildarrek argi daukate

Periodismo Humano komunikabideari esker heldu zaigu bideo indartsu hau. Madrilgo Lavapieseko herritarrek Udaltzaingoa auzotik nola botatzen duten erakusten du. Grina eta amorrua darizkio bideoari. Pasa den ostiralean ezgaitasun kronikoa duen 54 urteko Antonio Argobiari etxea kendu zioten momentuko irudiak dira. Stop Deshaucios antolakundeak deituta, M15 taldearen laguntzaz, dozenaka lagun bildu ziren Argobiaren etxe inguruan etxegabetzea ekiditeko. Jabearekin batera Etxegabetzeen Aurkako Mugimenduko kide bat eta AEBetako Associated Press eta Italiako Nur Photo agentzietako argazkilari bana ziren etxe barruan. Lauak atxilotu zituen poliziak, kalean gurean ezagun egin den herri harresiaren gisakoa antolatu bitartean. Segi irakurtzen

Izan ARGIAko bazkide: astekariko harpidedun edo argia.comen laguntzaile

Gorputzaren gaineko diktadura publizitatean

Goiko bideo  Killing Us Softly (Gu leunki akatuz) dokumental sortaren zatia bat da eta lan hauen 4. atalari dagokio. Esteka honetan duzue lan osoa ingelesez ikusgai. Lan hauetan komunikabideek, zinemaren industriak eta publizitateak emakumeengan duten eragina aztertzen ditu Jean Kilbournek. Euskaratu dudan bideoan egileak 5 minututan oso era argigarrian azaltzen du publizitatearen industriak garatu duen boterea. Gure begietara zer den ederra eta zer zatarra erabakitzea lortu du publizitateak azken hamarkadetan, eta egoera honek gure harremanetan sortu duen kalteaz dihardu. Segi irakurtzen

Izan ARGIAko bazkide: astekariko harpidedun edo argia.comen laguntzaile

Okupaturiko plazerak Palestinan

Palestinaren egungo mugen barruan (Zisjordania, Gaza eta Ekialdeko Jerusalem) lau milioi palestinar bizi dira gaur. Aspalditik bizi duten egoera politiko makurrak haien egunerokotasunean eragin zuzena du. Denok maite ditugun plazer txiki horien nahia areagotu egin du biolentziaren etengabeko mehatxuak. Eta 65 urtetako okupazio bortitzaz mintzo garelarik, belaunaldi askoren parte bilakatu da burua oxigenatzeko hobbyen alde borrokatu beharra. Nazioarte mailako gatazka honek ezkutatzen digun palestinarren izaeraren alde ez hain ezagun horri begira jarri da Tanya Habjouwa argazkilaria “Occupied pleasures” lanean. Hedabideen begirada hertsia gainditu, eta biziraupen hutsaren gainetik, emakume eta gizon hauen bizi nahia islatu nahi izan du egile jordaniarrak.  Argazki gehienak iaz egindakoak dira eta ondoren dituzue bildumako batzuk. Gainerako irudiak, zein beste erreportajeetakoak, Tanya Habjouwaren webgunean dituzue ikusgai. Segi irakurtzen

Izan ARGIAko bazkide: astekariko harpidedun edo argia.comen laguntzaile