Algortako bertso eskola - Bertso Eskolak
1980an sortu zuten Getxoko bertso eskola Andoni Iriondo eta Trino Azkoitiak. Inguruko zenbait bertsozalez osatutako lagun taldea zen eta Algortako Zabala herri ikastetxean biltzen ziren elkarrekin bertsotan egiteko. Pixkanaka jendea gehitu zitzaion, euskararen aldeko jarrera indartzen joan zen heinean.
Ondoren San Nikolas ikastolara aldatu ziren, eta taldea herrira begirako konpromisoak hartzen joan zen: kalera atera, ekitaldietan kantatu... 1983an ikaslez lepo zegoen bertso eskola, eta hauetatik gehienak neskak ziren.
1985ean, berriz, beherantz egin zuen kopuruak eta hestuasunetik ateratzeko zerbait egin beharra suertatu zitzaien. Horrela bada, ikastetxeetara jo zuten: Algortako San Nikolas ikastolara lehenik, Sopelako Ander Deuna eta Leioako Gobelara gero. Joseba Santxo jarri zen irakasle eta lehen ikasleak Josu Arroyo, Pello Unzurrunzaga eta Jagoba Pereda izan ziren, besteak beste. Fredi Paya ere bigarren promoziorako sartu zen.
KALE EKINTZA MORDOA
Gaztetxoekin lanean hasi eta hurrengo lauzpabost urteetan, jarduna asko zabaldu zuen Getxoko bertso eskolak: kalera atera, ekitaldiak antolatu, txapelketetan parte hartu, irratsaioak, kultur taldeekin ekitaldiak... Bertso eskola indatzen ari zenaren seinale. Egun 20 ekitalditik gora antolatzen ditu urtero Uribe Kosta osoan, gehienak Getxon. Abra saria, AHOBI sariak...
BAZKIDE SISTEMA
1995ean legezko elkarte egin zen ALBE, Algortako Bertsolari Eskola. Eta 2001etik bazkide sistema bat du martxan, eskualdeko bertsozaleak biltzeko. ALBE elkarteko kide denak, honako onura hauek jasotzen ditu:
DATA BEREZIAK
2000. urtean egin zuten hogeigarren urteurrenaren ospakizuna. Asteroko asteartea da, ordea, euren eguna: bertso eskola sortu zenetik beti bildu dira astearteetan.
© 2007 Sareko Argia