EAJ-PNV ko EBBak HERRIARI

1998ko irailaren 18tik ETAk indarrean zeukan su-etena bihartik aurrera 1999-12-3tik, haustea erabaki du, EBBk ondorengoa adierazi nahi du:

1.- ETA ez da nor euskal prozesu politikoan sartzeko. Debate politikoa behartzeko, beldurra eta estorsioa berarekin duen indarkeria berriro sartzeak, debatea usteltzeko besterik ez da.

2.- 1999ko abuztuaren 30ean, ETAk ateratako beste komunikatu bati erantzunez EBBk, hau zioen; "euskal prozesu politikoan inolako erakunde armaturen tutelarik ez duela onartzen".
Aldiberean, EAJ.PNVk zera uste du, etikoki, moralki eta egungo Europan lekuz kanpo dagoelako, indarkeria baztertzez kanpo, ETAk garbi eduki behar du, armak uzten dituen egunean, EAJ-PNVk ez diola ezer zorko.

3.- ETAren indarkeriak, gorrotoa eragiteaz gain, euskal abertzaletasunaren aurrerabideari kalte egin eta gobernuko eta mutur-muturrekoek demokrazia bideko jardun politikoan alderdi abertzaleen arteko lankidetza oztopatzeko duten kemenari mesede egiten dio.

4.- Eta hau egin du, EAJ-PNVri, nabarmen benetazkoak ez diren iharduerak egotziz.
ETAri esijitzen diogu: Esplika ditzala arrazoi hauek

5.- HBk emandako prentsaurrekoan, ausardi eza salatu zion EAJ-PNVri.

Aurrena: ausardia eta boluntarismoa nahasten dituzte.
Bigarrena: EAJ-PNVk beti eraikuntza nazionalean lan egin du, HB orain gehitu da zeregin honetara. Alderdi bakoitzak bide honetan egin duen ekarpenen balantzea ona litzateke eztabaida hau argitzeko. Borondate politikoa adierazteko ariketa demokratikoa egikaritzeko nazio kontzientzia sortu eta zabaltzeko atal guztietan lan egitea da eraikuntza nazionala.

Bertan ezinbestekoa da, beste zenbait desberdintasun alde batera utzita nazio proiektu berbera daukagunon elkarlana.

HB bide politiko demokratikotara sartu denetik eraikuntza nazionalaren aldeko bideak bultza haundia jaso du
Alderdi abertzale guztiok bat egiten dugun apostu politiko eta demokratiko honetatik, EAJ-PNVk errespetatzen dituen egungo marko juridiko eta errealitate politikotik eta bere sorreratik daraman bideari jarraituz, euskaldun guztiok barne bilduko dituen esparru juridiko politiko baten aldeko apostu garbia egiten du. Esparru honetan bere izaera nazionala bere errealitate historikoa, kulturala eta lingüistikoa errespetatuak izango behar dute eta baita ere bere etorkizuna finkatzeko eskubidea eta neurri berean barne eta kanpo harremanak zehazteko gaitasuna.
Europear prespektiba berria kontuan harturik eta bere baitan nazio eta mugen berrajustea kontuan harturik, ziur gaude Euskalherriak bere hitza adierazteko garaia iritsi dela eta horrekin batera herri bezela kontsertu europeoan bere herri borondatea adierazteko beharrezkoak diren baldintzak eta aitortzak sortzeko garaia.

Arrazoi hauengatik dei egiten diegu Alderdi Abertzaleei eta batez ere EH-HBri bakoitzaren ezberdintasunetik abiatuz elkarri zor diogun errespetoan oinarrituz eduki modu eta erritmoak zehastuko lituzken egitasmo honen oinarriak elkarrekin gauzatzera.
Alderdi abertzaleei dei egiteak ez dio bizkar ematen Euskadiko aniztasun politikoari ez eta ere beste proiektu politiko batzu daudenik ukatzen.

Errespetu honetatik abiatuz EAJ-PNV prest dago elkarrizketarako eta Euskal gatazka politikoari eusteko eta irteera bilatzeko antolatzen diren foro politiko instituzional guztietan parte hartzeko

Bilbon 1999.ko abenduaren 2an