Kugi Productions konpainia sortu berrian bildurik, Paul Johannessen, Jeffrey Jousan eta Ivan Kovac zinegileek Women of Fukushima dokumentala aurkeztu dute.
2001ean orduan Europako merkataritzarako komisario zen Pascal Lamyk esan zuen: “Europar Batasunak lagunduko dio Bangladeshi munduko merkataritzan hobeki integratzen, aukera komertzial berriak irekiz”. Geroztik, ehunka hiltzen dira milioika jendek esklabutzan lan egiten duen usinetako bat erre edo hondoratzen den aldi oro.
Hamid Karzai Afganistango presidenteak emakumeen eskubideak murriztuko lituzkeen legea babestu du hauteskundeen atarian. Nazio Batuen Erakundeak atzo adierazi zuenez, legeak senarrak nahi duenean sexu harremanak izatera behartuko lituzke eta baimena beharko lukete kalera irteteko. Gobernuak ez du oraindik dokumentu ofizialik argitaratu.
Munduan barrena ikusten duena kontatzen digu Rafael Poch-de-Feliuk, sakontasunez eta ukitu bereziz. Jot Down aldizkarian irakurri diogu ondorengo elkarrizketa eta Larrunera ekartzea merezi duela iruditu zaigu. Biziki eskertzen diegu argitaratzeko baimena eman izana. Alemania, Txina eta Errusian ibili da batez ere eta hangoak aletzen ditu ondorengo lerroetan, komunikazioaren bozgorailu nagusienetan azaltzen direnetatik desberdin. Paperean argitaratzeko orduan genituen espazio arazoak tarteko, zatiren batzuk kendu egin ditugu. Itzulpena Nagore Irazustabarrenak egin du.
Mendebaldeko arropa marka nagusientzat lan egiten zuen azpikontratatutako fabrika batek su hartu zuen Bangladeshen joan den apirilean eta 1.127 lagun hil ziren. Horrek bultzatuta, 31 enpresa handik (gehienak europarrak) akordioa sinatu dute, Bangladeshen azpikontratatutako fabriketan sute arriskuaren kontrako segurtasun planak martxan jartzeko.
Michael Sheehan-ek, AEBetako Operazio Berezietarako Defentsaren alboko idazkariak, Zerbitzu Armatuen Batzordeari adierazi dionez, Pentagonoak ez dauka duela 12 urte hasitako atzerriko borroka bertan behera uzteko asmorik.
YOM KIPURREKO gerran, 1973an, Egipto eta Siriak pentsatu baino estuago hartu zuten Israel, eta AEBek beren laguntza maila handian eman izan ez baliote, batek daki zer gertatuko zen. Edo bai, dauzkagun datu guztiekin, oso pentsatzekoa da Israel nagusituko zela, baina akaso beste baldintza...
Film dokumentalen egile ezaguna den Rithy Panhek mundu osotik bidalitako bideo laburretan bildu nahi ditu egunean dolar bakar bat irabaziz bizi diren milioika jendeetako batzuen bizimoduak. Zinegile gazte eta ikasleei egiten die dei beren obrak egin eta One Dollar proiektuan biltzera, plataforma irekietan sarean partekatzeko.
Apirilaren 24ean ehungintza lantegiaren erortzeak 1.038 hildako utzi ditu orain arte Bangladesheko Dhaka hirian. Gorpu gehiago gera daitezke oraindik harri artean. 1984an Bhopaleko lantegi kimikoan 10.000 lagun baino gehiago hil zirenetik, industria istripurik larriena izan da.
Oso mamitsua izan zen Gasteizko Energia Jardunaldien bigarren hitzaldi saioa. Mikel Oterok, Fracking Ez Araba plataformako kideak, haustura hidraulikoa gurera nola iritsi den, horretan interesak dituzten enpresek eta Jaurlaritzak zer nolako asmoak dauzkaten eta plataformak zer erantzun eman...
Stephen Hawking fisikariak boikot akademikoa egingo dio Israeli, bertako presidente Shimon Peresen omenez egingo den ospakizunera joateko gonbidapena ukatuz. Gutun baten bidez eman du erabakiaren berri, Israelek palestinarrei emandako tratua gaitzetsi asmoz, The Guardianek argitaratu duenez.
Errusiak eta AEBek Siriako gerra zibila geldiarazteko nazioarteko bake konferentzia egitea adostu dute. Moskun bildu dira asteartean Sergei Lavrov Errusiako Atzerri ministroa eta John Kerry AEBetako estatu idazkaria, gaiaz eztabaidatzeko.
Irango Kanpo Ministro Ali Akbar Salehik Israel “suarekin jolasten” ari dela ohartarazi du. Lehengo astean Siria airez bitan erasotu eta gero, Teheranek salatu du Israelek Siriako erresistentzia ardatza ahuldu nahi duela. Izan ere, ustez, misilen xedea Bassar Al Assaden Gobernua babesten duen Hezbollah taldearen base militarra zen.
Hegazkin israeldarrek Siria bonbardatu izana gogor salatu du Liga Arabiarrak. Eraso gehiago izan ez daitezen, "berehala" mugitzeko eskatu dio Nazio Batuen Erakundeko (NBE) Segurtasun Kontseiluari.
Esaldiak ez du adiera bikoitzik. Antza, dozenaka sherpak hiru eskalatzaile europarri eraso egin diete Everesten, 7.000 metrora. Zer gertatu den jakiterik ez dagoen arren, albiste agentziak ostiko eta ukabilkadez mintzo dira.
Israelgo Parlamentuak 96 ordura luzatu du atxilotuek epailea ikusi aurreko aldia. Israelgo zerbitzu sekretuen galdeketa departamentuko buru Shin Betek erabakia justifikatu du, esanez “susmagarria galdeketatik ateratzeak ikerketa guztiz kaltetu” dezakeela.
Europar Batasuna eta India Merkataritza Librerako Akordioa (MLA) prestatzen ari dira –hilabete honetan bertan guztiz amaituta egon liteke–, eta hainbat GKEk adierazi dutenez, Europar Batzordea presioa egiten ari da Indiak sendagai merkeak fabrikatu eta esportatzea oztopatzeko.
Anonymous talde hacktibistak Israelen aurkako bigarren erasoa egin du igandean; Twiterren #OpIsrael izenez ezagutarazi dute operazioa. Taldeak dio hainbat milioi dolarreko kaltea eragin dutela; Israelek, aldiz, arazo handirik ez dela egon adierazi du.
Joan den ostiralean, apirilak 5, goizeko 09:00ak aurretik deitu zidaten erredakziotik, ezin kafea lasai hartuz periodikoa irakurriz: “RTk zabaldu dik Fukushiman erreaktore matxuratuen errefrigerazio sistemak huts egin duela”.
Ipar Koreak bere instalazio nuklear nagusiaren erregaia behin baino gehiagotan eskaini zien AEBei, laguntza ekonomikoaren truke. Obamak proposamen guztiak arbuiatu zituen. Horrela azaldu du Russian Today hedabideak gaur, 2011n AEBetako Estatu Departamentuko funtzionario ohi Joel Witek Foreign Policy aldizkarian idatzitako artikulua berreskuratuz.
Astearte gauean 64 urteko Maysara Abu Hamdiyeh preso palestinarra Israelgo kartzela batean hil zela jakin zen. Presoak eztarriko minbizia zuen eta bizi osorako kartzela zigorra ezarri zioten, huts egin zuen atentatu batekin lotuta. Hamdiye Palestinako Aginte Nazionaleko kide zen eta 2002tik zegoen preso.
Barack Obamak adierazi du AEBek lan egingo dutela Israelek eta Palestinak estatu bana izatearen alde. Zisjordanian egin dute bilera presidente amerikarrak eta Mahmoud Abbasek, Autoritate Palestinarraren buruak. Obamaren arabera, bi herrialdeen arteko negoziaketarekin soilik lor daiteke alde guztiak aseko dituen akordioa.
AEBen Kubako Guantanamo basean gutxienez 21 preso daude gose greban duela zenbait egunetatik, uharteko zenbait hedabidek argitaratu dutenez. Tratu txar fisiko eta psikologikoak pairatzeagatik eta, batez ere, euren erlijio ezberdintasuna errespetatzen ez duten erasoengatik ari dira protestan.
Gaur Bagdaden hamarnaka lagun hil dira eta beste hainbat zauritu ekintzaile suniek jaurtitako lehergailuen eztandaren ondorioz, zenbait hedabidek argitara eman dutenez. Bihar beteko dira hamar urte AEBek Irak inbaditu zutenetik.
Gervasio Sánchez kazetariak hainbat iruzkin argitaratu zituen bere Twiterrean atzo, El Paísek hainbat soldadu espainiarrek preso irakiarrak torturatu zituztela erakusten duen bideoa argitaratu ostean. Kazetariak salatu zuenez, egunkariak lehenagotik zekien soldadu espainiarrek irakiarrak torturatzen zituztela, eta hamar urte hauetan ikerketa bat egiteko inongo ahaleginik egin ez duela.
Espainiako armadako kideek preso irakiarrak torturatu zituztela frogatu du El País egunkariak argitaraturiko bideo batek, AEBek herrialdea indarrez hartu zutenetik hamar urte betetzear daudenean. Gertakaria Irakeko Diwaniya basean izan zen, 2004 hasieran. Gervasio Sanchez kazetariak dio, gainera, El Paísek 2005etik zekiela soldadu espainiarrek tratu txarrak eman zituztela.
Giza eskubideen aldeko eta ezkerreko hainbat talde eta elkartek deituta, martxoaren 16an manifestazioa egingo dute Baionako presondegiaren muruen inguruetan, goizeko 11etan hasita. Frantziak azken 29 urteotan preso daukan Georges Ibrahim Abdallah militante libanotarraren askatzea eskatuko dute.
Iran erasotzeko AEBen laguntza bilatu du etengabe Israelgo gobernuak azken urtetan. Hori dio Adrian Salbuchi analista argentinarrak Russia Today webgunean idatzi duen artikulu batean. Hala ere, Barack Obama aukera hori guztiz baztertzeko bidean da bere ustetan. Izan ere, AEBentzat kaltegarria da momentu honetan gatazka hori piztea.
2020. urtetik aurrera Bhutanen nekazaritza ekologikotik datozen fruta eta barazkiak bakarrik ekoiztuko dituzte. Neurri hori hartuko duen munduko lehen herrialdea izango da.
Bayerrek patentea zuen minbiziaren aurkako sendagai baten ekoizpena baimendu du Indiako Jabetza Intelektualaren Apelazio Batzordeak. Multinazional alemaniarrak aurkeztutako helegitea arbuiatu dute Periodismo Humano atarian irakur daitekeenez, eta hemendik aurrera, botikak prezio eskuragarriagoa edukiko du.
Multimedia
Kurdistan, munduko estaturik gabeko herririk handiena, lau estatuk zapaldua bizi da. Orain, Turkiako gobernua eta estatu honen barruan bizi diren kurduen arten piztutako bake prozesuak itxaropena itzuli dio herri honi. Aukerak eta mehatxuak parez pare daude.
Siriako Alepo hiria odolusten ari den bitartean, Babeserako Unitate Kurduak saiatzen ari dira erregimenaren eta matxinatuen arteko borrokaldiak Ashrafiyeh eta Shekih Masqsoud auzoetara ez daitezen iritsi; kurduak dira han gehiengo.
Kurduen milizietara Siriako Ejertzito Librearekin...
Manilako periferian auzo pobreak ugalduz joan dira azken hamarkadetan. Landa eremuetatik hiriranzko migrazio masiboak jendea egoerarik eta lekurik xelebreenetan bizitzera eraman du. Navotas hiriko kanposantua da horren adibide.
Aleppo hirian, Al-Assaden tropen aurka borrokan ari den frankotiratzailea ezagutu du Andoni Lubaki kazetariak. Eremua zaintzea eta aurkariak zelatatzea da frankotiratzailearen egunerokoa. Eta behar izanez gero, tiro egitea.
Afganistan, 2010. Helmand herrian, ospitale batean sartu da Karlos Zurutuza. Haurren negarra: besamotz, eskumotz, aurpegiak erreak… Piztu du pilotu automatikoa. Honen hitzak bildu ditu, haren argazkiak. Osagaiak ditu, erreportajea idatzi du. Etxera itzuli da, igaro da denbora eta,...
Orlando Von Einsiedel zuzendari ingelesak, 2010eko urtarrilan, Kabulen grabatu zituen irudi hauek. Gudak zeharo baldintzaturiko Afganistango gizartean kontatzen du nola gazte batzuek skatean aurkitu duten ilusioa eta bizi nahiari heltzeko bidea.
Orain mila urte ingurutik hasita milaka pertsona eraman zituzten arabiarrek Irakera esklabo Afrikatik. Inor gutxik ezagutzen duen komunitatea osatzen dute egun Irakeko beltzek horrenbestez, eta gutxiengo izaera onartzea nahi dute, beste herrialde askotan egin izan zaien bezala. Karlos Zurutuza...
Afganistango Lashkar Gah (Helmand) ospitaleak erakusten ditu XXI. mendeko guda baten ondorio zuzenak; harritar zibilak dira etsai askoren arteko suaren biktima nagusiak.
Afganistango hiriburua den Kabul ipar ekialdean kokatuta dago, Hindu Kusheko mendiek inguraturik. Etnia askoren bizilekua den hiri honetan jasotako inpresioak bildu dizkigu Karlos Zurutuzak.
Balutxistango hiriburua den Quetta hiria, etnia eta herri askoren topalekua dugu. Egun, Afganistango mugatik bost kilometrotara kokatua dagoen hiri nahasi honek inguruko talibanak bildu ditu, gerrak bultzatuta.
