eu http://www.argia.com/argia-astekaria/egileak/kike-diez-de-ultzurrun ARGIA: Euskal Herriko astekaria http://www.argia.com/argia-astekaria/2324/psn ]]> http://www.argia.com/argia-astekaria/2307/ajuria-enea ]]> http://www.argia.com/argia-astekaria/2287/abiapuntua ]]> http://www.argia.com/argia-astekaria/2270/udaberririk-ez ]]> http://www.argia.com/argia-astekaria/2251/batzarre http://www.argia.com/argia-astekaria/2235/inkesten-haritik http://www.argia.com/argia-astekaria/2218/manifestazioa http://www.argia.com/argia-astekaria/2200/nafarroako-ikastolak http://www.argia.com/argia-astekaria/2183/barcinaren-aroa  
Egunotan argazki bat agertu da egunkarietan, Sanzek Barcina gobernuan lehen aldiz sartu zuenekoa. Saihets batetik ateratako irudia da. Kontseilari guztiak aurrera begira ageri dira; guztiak bat izan ezik, Barcina izan ezik. Barcina da kamerari begira dagoen bakarra; ohartu zen argazkilaria saihets batean zegoela eta harexeri begiratu zion; badaki beti non dagoen argazkilaria, kameralaria, eta irribarre zabala, hurbila, atsegina agertzen du beti.
 
Barcina Sanzen apustua izan da. Sanzek sartu zuen gobernuan, Sanzek proposatu hiriburuko alkatetzarako, eta orain, alderdiburu nagusia eta lehendakarigaia izateko. Sanzi halako ezinegon bat sartu zaio bat-batean eta kargu guztiak utzi nahi ditu: UPNko buruzagitza, Gobernukoa eta Nafarroako Kutxako presidentzia, eta den-dena konfiantzazko pertsonarengan utzi nahi du. Duela pare bat urtera arte, bazirudien Alberto Catalan izanen zela Sanzen oinordekoa: Erriberakoa, alderdia arras ongi ezagutzen duena, leiala, herrietan makina bat jarraitzaile dituena, betidanik alderdian ibilitakoa; baina ez, hiri girotik iritsitakoak kendu dio postua, Nafarroara eta alderdira etorri berria den batek; eta harritzekoa da noraino men egin dioten denek Barcinari, hau da, kanpotik etorri denari, baita herrietako alderdikideek ere; “txapela” sektorekoek, alegia. UPNn bi sektore baitaude: hirikoak eta herrietakoak (“boina” edota “patxaran” sektorea, alegia).
 
“Nafarroa, forala eta espainola” oihukatu zuen Barcinak lehengoan milaka alderdikideren aitzinean, bere galtza eta elastiko gorrietan jantzita. Horixe da Barcinaren mezu bakarra, eta arrakastatsu gertatu da. Hiriburuko jende aunitzek maite du; haientzat egin eta “edertu” du hiria. Berdin dio azpiegitura hori edo obra hura Iruñerako beharrezkoa den ala ez; egin du eta kito. Berdin dio halako proiektuak hiria izugarri zorpetuta utziko duen ala ez; egin eta kito. Gainera, kate motzean lotu ditu “ETAren inguruan” dabiltzanak; eta horrek sekulako itzala eman dio hiriko auzokide kopuru handi-handiaren begietan. Gainerakoan, irudia da. Irribarre zabala eskaintzen dio kalean dabilen jende guztiari, baita Sanferminetako prozesioan oihu egiten diotenei ere; eskua ematen du ezker-eskuin, eta 99 urteko gizon-emakumeak irrikitan daude 100 urtera iristeko, jakin badakitelako egun seinalatu horretan Barcina alkate andrea etxera bisitan joanen zaiela, zorionak errateko eta San Ferminen irudi bat oparitzeko; gainera, familiako guztiekin batera alkatearen ondoan agertuko dira telebista eta egunkarietan.
 
Behin Sanzek bere agintaldia bukatutakoan, Barcina lehiatuko da hauteskundeetan; egia da eskuina zatikatua joanen dela eta, PPrekin batera joaten hasi arte, UPNk gaur egun baino aunitzez ere boto gutxiago biltzen zituela. Orain ikuskizun dago. Dena den, berdin dio: azken finean, Barcinak bi euskarri izanen baititu Nafarroa gobernatzeko: lehendabizi, Madril aldean haizeak nondik jotzen duen begiratu eta, horren arabera, PSN ala PP aukeratuko du. Horratx, hasia da Barcinaren aro berria.]]> http://www.argia.com/argia-astekaria/2165/corellako-adiskidea Diario de Navarra egunkarira telefonoz deitu eta agindu hau eman zien: “Egidazue elkarrizketa, heldu den igandean ateratzeko”. Catalanen hitz mamitsuak 2007ko martxoaren 4an, igandearekin, plazaratu ziren. “Izugarri gustatuko litzaidake UPNk PSNrekin hitzarmena egitea eta PPrekin erabat haustea. Oso kezkatua nago Nafarroarekin eta denok inplikatu behar dugu; ez soilik politikariek. Hau da, ez dut inola ere nire burua abertzaleen mendean ikusi nahi. Nafarren %51k euskalduna izan nahi badu, ni Pozuelo de Alarconera joanen naiz, nik nafar eta espainiarra izan nahi baitut; ez euskalduna”.

Hiru hilabete doi falta ziren Parlamentuko hauteskundeak egiteko eta Nafarroa Bai kezka-iturri zen nabarrista ororentzat; horrexegatik erran zuen hura guztia Catalanek. Bozketen ondotik, aukera izanik ere, nafar Gobernuan ez zen aldaketarik izan, PSOEk aginduta PSN Sanzen alde atera zelako. Egia erran, aldaketa hura gauzatzea ez zen kontu erraza, luza gabe ETAk tregoa hautsi baitzuen aldaketa berariaz eragozteko; Zarzuelak ere ez omen zuen aldaketa begi onez ikusten, beti oso “sentibera” izan delako nafarrei gerta dakiekeen kontu orotan; UGTko eta CCOOko nafar zuzendaritzak ere erabat kontra, pribilejioak eta diru-laguntzak galduko ote zituzten beldurrez, eta enpresaburuak zer erranik ez. Sanzek, orain, Nafarroako urrezko dominarekin saritu berri ditu enpresaburuak eta bi sindikatu leial, otzan eta zintzoak.

Iazko hauteskundeen ondotik, eskuin ekonomikoak eta Sanzek sozialistekin tratu iraunkorra egitearen ideia abiarazi zuten, NaBai guztiz bazterrean uzteko eta botereari eusteko, ohartu baitziren eskuina bera bakarrik ez zela gauza izanen gobernatzen jarraitzeko. Orain, Sanzek berak enkargatutako inkestaren ondotik, ikusi dute NaBai ez doala behera, aitzitik baizik; hortaz, ezinbestekoa iritzi diote sozialistekin tratua egiteari, eta hori jakina, ezinezkoa da Partidu Popularra UPN barrenean egonik. Horrexegatik hautsi du Sanzek PPrekin egina zuen hitzarmena, haien artean ez baitago inolako desberdintasun ideologikorik. Bi hilabetez aritu zaizkigu erraten Estatuko aurrekontu orokorren inguruko gorabeherek sorrarazi dutela haustura; hori aitzakia izan da eta, hein batean, antzerkia ere bai.

Eta bertzelako kontu batek azkartu omen du haustura. Sanz Nafarroako Aurrezki Kutxako presidentea da; hau da, Nafarroako diru-entitate nagusiko burua, eta haren begiko pertsona ari da Kutxa zuzentzen. Bada, krisia bazterrak gogor astintzen ari den honetan, Kutxa forala sos beharrean omen dabil eta halako toki pribilegiatua lortu nahi izan omen du, Zapateroren gobernutik dirua aise lortzeko. Kutxa, dagoenekoz, Espainiako Gobernuak egindako bi diru-banaketetan egon da, eta aunitzez ere handiagoak diren bertze entitate batzuei baino diru gehiago eman diote.

Oraingoz, beraz, Sanz sozialistekin elkar hartuta joanen da eta, aurrera begira, PSOEk erreka jotzen duenerako –eta lehenago edo geroago, joko du– eta PPk Moncloan sartzeko aukera duenerako, Barcina izanen da eskuina berriro elkartzeko bidea. Ez dirudi, beraz, Corellako adiskideak Pozuelo de Alarconera bizitzera joan beharko duenik; ez, behintzat, denbora puska batean.]]> http://www.argia.com/argia-astekaria/2145/hogeita-hamar-urte
Berehala zabaldu zen bazter guztietara poliziaren oldarraldiaren berri, baita Alde Zaharreko San Anton karrikara ere. Balkoira aterata, kalean kanpotar aunitz, beldurra aurpegian, azkar-azkar zihoazen auto bila, hiritik alde egiteko. Anaia zaharren adiskide aragoitarrak haserre bizian zeuden eta juramentuka abiatu ziren poliziaren aurka. Gaua zen, polizia bera San Antonera iritsi zenerako; halako batean, karrika guztia ke itogarriz bete, gure etxeko ataria ireki genuen eta dozena eta erdi lagun sartu ziren barnera; baziren iruindarrak, Estellerrikoak, Erriberakoak, gipuzkoarrak, madrildarrak… Izua zekarten begietan, eta kolera gorria ere bai. Erriberako bi senar-emazte adinez aurrera zihoazen, eta bi gizonak jota zeuden poliziaren jokamolde “basati” hura ikusita; ez sinesteko modukoa, erraten zuten behin eta berriz. Gauak luze jo zuen, eta beheko tabernatik txistu baten hotsa iristen zen noizbehinka, poliziak pilotak botatzeari uzten zion bakoitzean.

Egun hartan, gau hartan, Iruñean egon zenak badu zer konta; jende guztia aski ongi oroitzen da non zebilen edo zer egin zuen. 1978ko uztailaren 8ak zauri sakona eragin zuen Iruñeko jendearengan, urteen joan-etorriak oroitzapenak lausotu baditu ere. Hura hiri osoari egindako erasoa izan zen, hiri honek gehien maite zuen gauzetako bati; Sanferminei, alegia. Halaxe ikusten dut nik, behintzat. “Begira, gauza gara mundu zabalean ezagunak diren festa hauek hankaz goratzeko; gauza gara zuen festa gogoa zapuzteko; gauza gara iruinxeme bat hiltzeko… eta ez digute deus eginen, onik aterako gara, inortxok ere ez digu ezer ere ordainaraziko”. Hura hiri baten bizinahia errotik itotzeko eta Sanferminak soka motzean lotzeko lehenbiziko saiakera izan zen; ondoko urteetan Sanferminek beren bidea egin zuten, zabal eta lokarririk gabe. 80ko hamarkadaren erditik aitzinera, ordea, gauzak aldatzen hasi ziren; ez bat-batean, koskaz koska baizik. Hau da, ez zuten berriro polizia zezen plaza hustera igorri eta bide “demokratikoagoak” erabili zituzten: urte batean, ikurrina kendu zuten Udaletxetik; hurrengo batean, udal dantzariei prozesioan joatea debekatu zieten; hurrengoan, barraka politikoak edo txosnak galarazi zituzten, baita halako eta holako kontzertuak ere; kalean egiten diren hamaiketakoak ere debekatzen saiatu ziren…

Hau da, “Sanferminak bai, baina guk nahi ditugun bezala”, horixe diote udal agintariek. Eta hein handi batean erdietsi dute: haien gustuko ekitaldiak sustatu dituzte (jendea ikusle huts bihurtu nahi dute, ez dadila parte-hartzaile izan) eta halako hats itogarria erantsi diote festari. Baina zorionez, oraindik badira haiek inola ere kontrolatzen ez dituzten festa giroak, aginte taldearen atzaparretatik ihes egiten duten ekimenak. Aurten bat, bereziki; hots, German Rodriguezen omenezko ekitaldia, non eta poliziak duela hogeita hamar urte sanferminzale gazte baten bizi taupada zulatu zuen toki berean.]]> http://www.argia.com/argia-astekaria/2129/bozen-biharamuna http://www.argia.com/argia-astekaria/2111/psnren-elebitasuna http://www.argia.com/argia-astekaria/2095/c-ala-k
Sartagudan oso bestela jokatu zuen PSNk; bestela, ANVk. PSNko zerrendaburua prest agertu zen hasieratik beretik ANVko zinegotziaren botoa hartzeko. PSNkoek, ordea, huts egin dute hiriburuan. ANVko sartagudarrak, bere aldetik, argi izan zuen zer keinu egin behar zuen, eta egin zuen. Iruñeko biak ez dira saiatu ere egin.]]> http://www.argia.com/argia-astekaria/2065/pausoz-pauso http://www.argia.com/argia-astekaria/2050/biktimak http://www.argia.com/argia-astekaria/2041/nafarroa-eskuindarren-lubakia http://www.argia.com/argia-astekaria/2024/euskalerria-irratia http://www.argia.com/argia-astekaria/1998/osasuna-guztion-ondasuna http://www.argia.com/argia-astekaria/1981/pagotxatik-errekara http://www.argia.com/argia-astekaria/1962/sarea http://www.argia.com/argia-astekaria/1946/gure-auzokide-berriak