eu http://www.argia.com/argia-astekaria/egileak/joxe-mari-auzmendi ARGIA: Euskal Herriko astekaria http://www.argia.com/argia-astekaria/2184/hernaniko-kulturola  
Amestea ederra da, ezta? Amets hori, gainera, esna dagoen jendearena bada, utopia dela esan liteke. Eta, utopia herritarrek berea egiten badute egingarri izan litekeela ez al zaizu iruditzen?
 
Hernaniko talde batek abian jarri zuen duela bi urte eta erdi halako ideietan oinarritutako prozesua. Denbora horretan, lau aldiz elkartu da herriko elkarteekin –euskara, kultura eta heziketa elkarteekin–. Haiek esandakoa jaso, taldean eztabaidatu, egitasmoari forma berria eman eta berriro partekatzera joan dira haiekin. Horrez gain, herriko alderdi guztiei asmoa aurkeztu diete, eta prozesuan parte hartzera gonbidatu dituzte.
 
Nik neuk, hezkuntza esparrukoa izanik, arlo horri buruz adierazitakoari jarri diot arreta, bereziki. Halakoak agertzen dira taldearen idatzietan:
 
- Aukera eman behar du taldeek euren formaziorako jarduerak egiteko: tailerrak, ikastaroak…
 
- Herritarrak hainbat arlotara hurbiltzeko eta probak egiteko balio behar du: tailerrak, hitzaldiak, ikastaroak, erakusketak, topaketak…
 
- Baina, ez hori soilik, zenbait diziplinatan ari diren taldeen topaleku ere izan nahi du, taldeek eta pertsonek elkarrekin gauzak egiteko, esperimentatzeko, elkarlana bultzatzeko…
 
-Baina ez diziplinen artekoa soilik, baita herrian, gaur egun, elkarrekin bizi garen kulturen eta hizkuntzen artekoa ere, horrela, elkar aberastuz.
 
- Eta kudeaketa bera ere, arlo hezitzaile horretan kokatu beharko genuke, eta heziketa ildoak kudeaketarekin arlo guztietan eragin beharko luke:
 
1) Izaera juridikoa finkatzerakoan: Udala –herritarren ordezkariak– eta herritarrak elkarlanean aritzea erraztuko duen izaera juridikoa. Udal taldearen edo Kulturolaren zuzendaritzaren aldaketek ez lukete baldintzatu behar gunearen biziraupena eta bi aldeen arteko elkarlana.
 
2) Barne araudia gauzatzerakoan: partaide guztien artean proposatua, eztabaidatua eta adostua.
 
3) Parte-hartzea garatzeko moduan eta metodologian:
 
a) Errespetuan edota berdintasunean oinarritua.
 
b) Burujabetzan edota autonomia osoan egindako prozesuan finkatua.
 
c) Ardura eta erantzukizunean eraikia.
 
Ezin da jakin herritar guztiena izan nahi duen Kulturolaren egitasmoa zer neurritan gauzatuko den. Hala ere, halako prozesu hezitzailean aritzen den edonorentzat aberatsa izango dela, ziur egon gaitezke.]]> http://www.argia.com/argia-astekaria/2062/hezkuntzak-kohesionatzeko-balio-behar-du http://www.argia.com/argia-astekaria/2028/hain-xelebre-al-gara-euskaldunok http://www.argia.com/argia-astekaria/1957/hezkuntza-urrats-berrien-beharrean http://www.argia.com/argia-astekaria/1937/publikoa-zer-ote-da