Argia.com :: Iker Zubeldia eu http://www.argia.com/argia-astekaria/egileak/iker-zubeldia ARGIA: Euskal Herriko astekaria <![CDATA[Ehizari jarriak ]]> http://www.argia.com/argia-astekaria/2157/ehizari-jarriak I
Hego haizeak mugitzen gaitu
mendi zale amestiok
kaskezurrean gauza bakarra
izaten dugu guztiok:
zorioneko ehize
etorri zaigu beize
beretzat dira hizkiok
neure gezurrak sinestearren
bertsoak jarri dizkiot.



II

Hegazti batek galdu lezake
ganbarako osasuna
hainbeste ordu pasa ta gero
andamioan zer suma.
Ezta afizioa
daukagun bizioa:
udazkenan ondasuna,
udaberriko alerjiaren
pareko gaixotasuna.



III

Misteriorik ezkutuena
bada oilagorrarena
(poliki xamar sinetsi zazu
kontatzen dizuten dena):
korrikan hanka bitan,
elkarren inbiditan,
ea ba zein den onena...
Zortea beti besteena ta
txakurra norberarena.



IV

Aldatuz doa Euskal Herriko
mendiaren argazkia:
paseatzea merkea baita,
garbitzea garestia.
Ote, sasi ta guzi
basurdea nagusi:
ilargipeko espia.
Baserritarrak bakandu ahala
ugaldu zaigun piztia.



V

Beti haserre ehiztariaren
andrea edo senarra:
-Hauek orduak etxeratzeko!
Ez zera ba, mutilzaharra!
-Gaur usoak ginuzten...
-Ez ditut ba ikusten!
-Pasa zaigu ta edarra:
Bota hamabi egin ditugu
baina bilatu bakarra.



VI

Egi osoa esan ezkero
ia gureak egin du
gezur erdiak funtzio bat du:
kontzientzia arindu.
Ehiztariei mezua:
eskupetako sua
bere garaian ixildu
eta hori bai, ahal baldin bada
kartutxo azalak bildu.

Doinua:  Iparragirre abila dela.]]>