eu http://www.argia.com/argia-astekaria/egileak/garbine-ubeda-goikoetxea ARGIA: Euskal Herriko astekaria http://www.argia.com/argia-astekaria/2317/emakumeak-eta-zientziak Emakumeak alde batetik, eta zientzia, teknologia edo ikerkuntza bestetik. Aparteko bi mundu izan dira duela gutxi arte, eta oraindik ere hala moduan ageri dira, jardun horietako goi postuetan errepasoa eginda.

]]> http://www.argia.com/argia-astekaria/2306/nire-lotsak ]]> http://www.argia.com/argia-astekaria/2302/hondakin-erradioaktiboak Lurra eratuz geroztik naturalki sortzen den erradioaktibitatearekin orekan bizi izan gara. Aspaldion sortzen ari garen erradiazio artifizialak, ordea, desoreka larria ekar lezake betiko. Oraingoz, arriskua ekiditeko sistema seguruagoak iragarri badira ere, hondakinak alfonbrapean ezkutatu besterik ez gara egiten ari.

]]> http://www.argia.com/argia-astekaria/2287/donostia-miarritze-arteko-itsas-korridore-ekologikoa Gure kostaldea Atlantikoko itsasertzeko eremurik oparoena dela diote zientzialariek; bioaniztasunik aberatsena duena, eta halaber, mehatxatuena dela. Gure uretan gordetzen den bizitza ezagutarazteko eta legez hartu beharreko neurriak hartzera bultzatzeko, gure itsasaldeari batasun biologiko-geologiko-juridikoa aitortuko liokeen figura osatzea proposatu dute Oceana nazioarteko erakundeak eta hemengo biologoek.

]]> http://www.argia.com/argia-astekaria/2286/leire-beteta Leire Betetak kanpo aholkulari gisa dihardu orain Lezon. Pasaiako kanpo kaiaz galdezka joan gatzaizkio eta politikariei entzun ez dizkiegun argibideak eman dizkigu.

]]> http://www.argia.com/argia-astekaria/2285/musikaren-neutraltasunaz ]]> http://www.argia.com/argia-astekaria/2275/ikastolak Hileroko kuotak ordaintzeaz gainera, tokian tokiko festetan nahiz bestela antolatutako ekimenetan lan egin behar izaten dute Seaskako ikastoletako gurasoek. Jakina, baita Herri Urratsen ere, maiatzaren 8an. Gogoaren araberako hautua baino gehiago, estrukturalki kontuan hartua den betekizuna da haientzat; ezinbestekoa, urteko aurrekontuak osatzeko.

]]> http://www.argia.com/argia-astekaria/2269/medart-doktorearen-bila Sarritan, psikoterapeutarenean irudikatzen dut nire burua. Larruzko diban marroi batean etzanda ni, eta hura zertxobait atzerago, sofan jarrita, nire zintzurretik aterako diren disonantziak batzeko zain. Les Psy komikian bezala. Korapiloren bat askatzeko premian, Médart doktorearen kabinetera heltzen den pertsonaia horietariko bat banintz bezala.

]]> http://www.argia.com/argia-astekaria/2263/lapurdin-aht-ez “AHT, zaldi garailea”, dio RENFE Espainiako tren sareak bere promozio iragarkian. Lapurdin amarru egitea leporatzen zaio zorioneko kabalari; lasterketa irabazteko, kopuruak faltsutzea.

]]> http://www.argia.com/argia-astekaria/2255/miren-intxausti-seaskako-irakasle-beteranoa http://www.argia.com/argia-astekaria/2255/silvio-berlusconi http://www.argia.com/argia-astekaria/2252/2011ko-egutegia http://www.argia.com/argia-astekaria/2249/xan-errotabehere-ipuin-kontalaria http://www.argia.com/argia-astekaria/2236/tircpihmi http://www.argia.com/argia-astekaria/2219/hizkuntza-clusterra http://www.argia.com/argia-astekaria/2219/anti-adina http://www.argia.com/argia-astekaria/2201/herri-eriak http://www.argia.com/argia-astekaria/2200/eboluzioa http://www.argia.com/argia-astekaria/2184/itokinak  
Konponbide onik ez duenari begiratu ohi zaion bezala erreparatzen diogu egoerari, etsiak hartuta, une historiko ekidinezin bati kristalaren atzetik behatzen dioten lekukoen antzean. Kinielak egiten ditugu ataka hertsi horretatik pasatzea zein mediok lortuko ote duen asmatu nahian.
 
Kinka larrian, alabaina, informazio orokorra eskaintzen duen idatzizko formatu tradizionala dago, ez prentsa idatzia bera. Esan nahi baita, aktualitateari papera inprimatu eta banatzeak dakarren atzerapenez heltzen dioten argitalpenak ari dira balantzaka, nagusiki egunkariak eta bereziki astekari klasikoak.
 
Gainerako aldizkariek, sektore edo alor jakin bati tiraka gorpuzten diren astekari, hamaboskari eta hilabetekariek errealitate gordin horretatik kanpo dirudite. Ugaltzearen ugaltzeaz, gaika sailkatuta paratzen zaizkigu lepo eginda dauden erakustokietan; surfa, futbola, elektronika, informatika, literatura, bidaiak, historia, ehiza eta arrantza, sukaldaritza, haurren garapena, argaltzea, zientzia, natura, musika, rocka, ekonomia, bideo-jokoak, zinema nahiz artea banderatzat hartuta plazaratzen den argitalpen mordoa, mantxeta bera osorik agertzeko tokirik gabe, errenkadan gainjarrita. Eta, jakina, emakumezkoari zuzendutako aldizkari sorta, kasik publizitate katalogoaren itxura duten liburukote distiratsu eta usaintsu horiek, edo people-aren gaineko berriketa besterik ez dutenak. Ehunka, gazteleraz nahiz frantsesez.
 
Jauzi koalitatiboa ere emana dute berriki. Saltoki berezituetatik askeago, hipermerkatuetan ere eskaintzen dira orain. Txorizoen eta pixoihalen antzean, euren zona eta apalategi propioaren jabe egin dira konturatzerako. Kioskoko saltzailearen arreta mehatxagarririk gabe, jendeak hartu egiten ditu, eskuetan ibili eta gozatu, bertan irakurri, begiz jotakoa erosi.
 
Eta hementxe gaude gu, instituzional ez diren euskal medioetako langile, jarraitzaile eta kolaboratzaile koitaduok, herri loturetatik eta notizia lokaletatik gaindi diharduten aldizkari ikusezinok, ARGIA, Elhuyar eta gainerakoak, geure ezintasunetan harrapatuta, harpidetza bidezko sistema zaharkituari soluzio paralelo bideragarriak aurkitu ezinik, eta kaleko presentziarik gabe, saltoki garrantzitsuetatik urrun baino urrunago, Internetez hobeto eta merkeago hedatuko garen susmoz, noizbait eta nolabait, medio horrek duintasun ekonomikoa ere emango digun esperantzan.
 
Eta hipermerkatuak harira ekarrita, erregu desesperatu bat bereziki 40 urte bete berri dituen Eroskiri. Kendu, otoi, isildu ere egin gabe jartzen duzuen musika gogaikarri hori. Bestela ere, nahikoa lan izaten dugu orga gidatzen, haurrak ondoan mantentzen. Gustatu edo ez, espainierazko hit paradea hasieratik bukaerara entzutera behartzen gaituzue, produkzio komertzial osoa gordin-gordin jatera, gugandik hain hurbil zaudetela diozuen arren. Ez duzue euskarazko musikarik jartzen, libururik promozionatzen, kultura sustatzen ezta deskuidoan ere. Karteldegia euskaraz ere ipintzea ez da nahikoa.]]> http://www.argia.com/argia-astekaria/2167/txoriak-eta-lehoiak
Saihestezina zait, halaber, garai hartan, belaunaldien arteko etena agerikoa eta lotsagabea zenean, ondorengoenganako eraiki ziren zubiak aipatzea; Xabier Montoiaren bitartekaritza medio, indarrez zetozen talde berriek egin zizkioten keinuak nabarmentzea eta, bereziki, Fermin Muguruza orain hilabete eskas elkarrizketatu dudan beste fenomenoarekiko loturak espazio honetara ekartzea.

Parekotasunetatik hasita, abestien dekonstrukzioa egin zuen Laboak. Funts hori bera du, justuki, Dub musikak, Fermin Muguruzak jarraitzen duen moldeak, elkarrizketan bertan gogorarazi zidanez. Komunikazioa inkomunikazioa lan bikaina utzi zigun lehenak. Inkomunikazioa diskoan eta Komunikazioa erremixean, berriz, bigarrenak. Elkarrekin egin dituzten kolaborazioak ere arreta emateko modukoak izan dira: Dut taldearen Ireki ateak diskoan, esaterako, ahotsa ipini zuten biek Gazteluak kantuan.

Esan gabe doaz, Bertoldt Brecht-i biek ala biek egiten dizkioten erreferentziak; Gaueko aterbea izan zen Negu Gorriak-ek eskaini zigun lehen abestia, eta talde honen izena bera ere, aipatu berri dugun kantuaren zati batetik hartua da; Kortatuk osorik euskaraz plazaratutako lehen diskoa hartzen badugu, Laboak Ehun ginen abestiari eginiko ekarpena izan zen sonatuenetakoa; Azken Guda Dantza kontzertuan kaskamotz eta gandordunen artean ikusi genuen Marisol emaztearekin batera… “Mikel Laboa punka” zioen Patxa kolektiboak Baiona Ttipian banatu zuen pegata batek ere.

Orain arte egin zaizkion saritze eta omenaldi guztien artean, Xabier Montoiaren ekimenez plazaratutako Txerokee. Mikel Laboaren kantak (1990) txalotzen dut nik gogoz. Estilo, zapore, arrakasta desberdineko hamaika bertsioz eta Zumetaren irudiz osatutako LP hura, alegia. M-ak, Su ta Gar, Kiowak, Negu Gorriak, BAP, Karkaxa, Delirium Tremens, Tapia eta Leturia, Pottoka, Bukaera eta Katarainek, produkzioan parte hartu zuten gainerakoen antzean, batere sosik kobratu gabe biribildu zuten horixe bera. Txalotu, diot, lan sortzaile eta esperimentalaren errekonozimendua sasoi betean zenean, artean eskaintzeko asko zuenean egin zitzaiolako horrela, Laboari. Eta nola ez, ibilitakoaz gainera, oraindik jorratuko zuen bidea goraipatu nahi izan ziotelako talde hauek denek, elkar hartuta.

Krisia, langilearen egonezina edo prekarietatea eguneroko lelo eta halabeharrezko notizia bilakatzen ari diren honetan Ama hil zait abestia datorkit indartsu gogora. Atzera eta aurrera dabilkit gogoan, Mikel Laboaren doinutik Bukaera taldeak eginiko bertsio hardcorera saltoka, zurrunbilo amaigabean, gero eta zaratatsuago:

Nere ama hil zait / lanak itota / lanaren amoreagatik / hil zait / zertarako dan bizitza / jakitera iritsi gabe / Izeba ere hil da / era berdinean / hil da izeba...]]> http://www.argia.com/argia-astekaria/2164/fermin-muguruza Asthmatic Lion Sound Systema da plazaratu berri duen diskoaren izenburua. Kemena eta ahulezia. Aldarrikapena eta festa. Musikaren eremutik harago doazen ekarpenak, lerrootan aurkituko dituzunak.]]> http://www.argia.com/argia-astekaria/2154/garaian-garaiko
Orain arte egindako ibilbide luzeak erakusten duenez, garaian garaiko lekukoa izaten saiatu gara beti. Bai artez eta bai moldez. Ahalegin horren emaitza duzu, irakurle, zenbaki honekin batera estreinatu dugun azala, eta beronekin batera, gure izatearen ispilutzat jo nahi dugun ikurra. Estetika, gustuak eta beharrak ere aldatu egiten direlako, taxu modernoagoa duen jantzia eman nahi izan diogu gure izenari; gure erroak atzean utziko ez dituen itxura berritua, aurrekoen arrastoa desegingo ez duen irudi gaurkotua.

Proiektu eta berrikuntza sorta baten atarikoa duzu marka berri hau, aldizkaria bera eta Argiaren izenean plazaratzen diren beste argitalpenak egokitzera, bateratzera helduko diren aldaketen lehen urratsa.]]> http://www.argia.com/argia-astekaria/2149/ezkerrak-vs-eskuinak http://www.argia.com/argia-astekaria/2147/lea-ibarrari-gorazarre http://www.argia.com/argia-astekaria/2140/modernitateari-keinuka http://www.argia.com/argia-astekaria/2135/henriette-aguerre-donibane-ziburuko-ikastolako-zuzendaria http://www.argia.com/argia-astekaria/2133/jojo-bordagarai Bahaki izenburupean, disko ederra, eklektikoa, bidaiarako gonbitea luzatzen duena ipini digute gozagarri.]]> http://www.argia.com/argia-astekaria/2128/atahualpa-yupanqui-handiaren-lorratza http://www.argia.com/argia-astekaria/2124/jolasa http://www.argia.com/argia-astekaria/2120/hizkuntza-eta-irudia-goi-mailan-batzen-direnean Xabiroi, irudigile trebeenak eta gidoilari puntakoenak komiki itxurako istorioetan uztartzen dituena. Jakina, euskaraz. Itzulpenekin konformatzen ez eta euskal produkzioa errotik astintzeko helburuz sortu zen. Merkatuan hamar zenbaki eta hiru album paratu ostean, kalitate maila batere apaldu gabe heldu dio hamaikagarrenari.]]>