Argia.com :: Aitor Sarriegi eu http://www.argia.com/argia-astekaria/egileak/aitor-sarriegi ARGIA: Euskal Herriko astekaria <![CDATA[Bertso berriak, uztaileko arratsaldeei jarriak]]> http://www.argia.com/argia-astekaria/2287/bertso-berriak-uztaileko-arratsaldeei-jarriak ]]> <![CDATA[Bertso berriak, #saresozial-ei @asarriegi-k jarriak]]> http://www.argia.com/argia-astekaria/2284/bertso-berriak-saresozial-ei-asarriegi-k-jarriak ]]> <![CDATA[Bertso berriak, galtzaile txarrari jarriak]]> http://www.argia.com/argia-astekaria/2282/bertso-berriak-galtzaile-txarrari-jarriak ]]> <![CDATA[Bertso berriak, bidegorri berriei jarriak]]> http://www.argia.com/argia-astekaria/2278/bertso-berriak-bidegorri-berriei-jarriak ]]> <![CDATA[Bertso Egunerako jarriak]]> http://www.argia.com/argia-astekaria/2219/bertso-egunerako-jarriak <![CDATA[Oporkeriari jarriak]]> http://www.argia.com/argia-astekaria/2193/oporkeriari-jarriak I
Zenbaitentzako opor garaia
gerturatu da seguru
eta gaur hari buruz bertsoak
jartzea nuke helburu.
Azken urtetan gure bizitzan
parte handia hartu du
prestakuntzako lanetik ere
zientzia bat egin dugu.




II

Ume garaian gutxik zeukaten
beraneorako sosik:
guk kanpinaz gain ez dugu izan
estantzia aproposik.
Hiru astean txankletak jantzi
ta erdietan ortozik...
non geunden ere ez genekien...
eta halere ze pozik!




III

Gaur egun berriz, bi eguneko
zubi xaxtar bat denean,
hotelak bete egiten dira
geografia denean.
Lotsarik gabe “Zu nora zoaz?”
galdetzen da zuzenean.
Ez joateak lotsa emango
ote digu azkenean?




IV

Lehengo batean egun batzuen
aukera hurbildu ahala
aipatu nuen Nafar aldera
joan asmoa neukala.
Ta inguruan ia normala
izango balitz bezala,
ondorioa atera zuten
inora ez nindoala.




V

Ta ikasleak, ai ikasleak...
besteren kontu, jakina,
lau bat urtean ikusten dute
edozein mundu-izkina.
Erasmuseko lagun-aitzaki
London bezala Pekina...
Obamak baino sarriagotan
hartzen dute hegazkina.




VI

Espainia aldeko nekazaletxe,
Paradore ta posada...
Amsterdameko alberge kutre,
Karibeko hotel plaga...
Fakturazio ta overbooking
eskala eta jet-lag-a...
oporra ez da urrun joatea,
lanik ez egitea da.

Doinua: “Andre txarraren bentajak”.]]> <![CDATA[Mendiguaizaletasunari jarriak]]> http://www.argia.com/argia-astekaria/2187/mendiguaizaletasunari-jarriak I
Kritika denek autokritika
behar dutela jakinda,
bertso sorta bat jartzera noa
bestela zeri ekin ba!
Lehengo batean pentsatu nuen
etxean egon ezinda
goiza pasatu behar nuela
mendi-buelta bat eginda
barkatu, orain trekking da.
 
II

Egia esan, ez naiz askotan
mendian zehar ibiltzen.
Baina Txindokin izan nintzela
nola ia aspaldi zen,
joan nintzen da iturrirako
hasi nintzenez umiltzen,
bertan eseri eta jendea
hasi orduko hurbiltzen
begira geratu nintzen.
 
III

Jantzi galtzerdi erronbodunak,
boten mihiari tira.
Panazko galtzak, heltzen zirenak
belaun nahiz zango erdira...
Noiznahi gelditu eta zeudenak
paisajeari begira
txanoa eta zahatoarekin
joaten zirenak mendira
orain nora joaten dira?
 
IV

Lehengo zahatoa gaur camelbaka
edo gerrian botila.
GPSaz fidatzen gara,
zertarako harrespila?
Hiru-lau barra energetiko...
eta, patata-tortila?
Bi bastoirekin goazen artean
itsu-itsu tontor bila
nork dakar urritz-makila?
 
V

Txubaskeroa ordezkatu da
termiko ta gore-texez.
Windstoper-ez babesten gara
ez berokiz ta ez jertsez.
Burua bete dugu mendian
aurki ez litekeen haizez...
Ia mendira ateratzeko
tarteka igande goizez
jakin behar da inglesez.
 
VI

Lehengoa nonbait paseoa zen
oraingoa kirola da.
Espero gabe nahi ez genuen
hura gara beharbada.
Euskaldun pijo moderatuak
Himalayako modara.
Ondorioa ez da hain zaila:
portatzen garen erara
martziano hutsak gara.
 
Doinua: “Saltarina da txepetxa eta”.]]> <![CDATA[Lakuako nomadak jarriak]]> http://www.argia.com/argia-astekaria/2182/lakuako-nomadak-jarriak I
Lan mundua den mundu
korapilatuan
nenbilen toki onik
ezin bilatuan
baina portatuz modu
espabilatuan
mailaz maila joan nintzen
gorantz olatuan
bukatu nuen arte
non eta Lakuan!
 
II

Bulego dotorea,
soldata bikaina
–ia lehengo laneko
lau nomina haina–.
Itxurak ere izan
behar du apaina
azkenik korbatari
ere hartu tamaina...
orain agian berak
itoko nau baina.
 
III

Diru-poltsak banatzen
nahi dugun erara,
doan joaten futbol
partiduetara,
dieta bidez mugitzen
hona eta hara,
hegazkinera eta
afarietara
ez genuen nahi baina...
ohitu egin gara.
 
IV

Beheranzko pausua
modu apalean
eman arren, nork nahi nau
bere magalean?
Nola nahastuko naiz
haiekin kalean...?
Oraindik segi behar
dut eginahalean.
Ahal dela emango dut
horizontalean.
 
V

Bulegoko atetik
begira gelditu
ta benetan noanik
ez zait iruditu.
Mahai gaineko plakak
ezin hor segitu
hartu ta urtetako
hauts denak garbitu...
datorrenak hainbeste
bilduko al ditu?
 
VI

Taxiari hots egin,
ateari buelta...
jaioterrirantz noa
karta bat gordeta.
Nostalgiaz beterik
egin dut maleta
baina kontuan hartuz
gaurko aldaketa
badaezpada sartu dut
panazko txaketa.
 
Doinua: Bizkaiko aberatsak.]]> <![CDATA[Anaia betaurrekodunari jarriak]]> http://www.argia.com/argia-astekaria/2176/anaia-betaurrekodunari-jarriak I
Sarri susmoa izaten dugu
pentsatzera iritsita
kontrol betean bizi garela,
kutxa batean itxita.
Askotan entzun dugu guztiok
Anaia Handiaren zita.
Gaurko anaia handiak berriz
tontakeriak utzita
Orwell-en hura hazi egin du
betaurrekoak jantzita.
 
II

Baina anaia, nor da anaia
inoiz handi izan zena?
Betaurrekoen atzean datza
bere zelatari sena.
Gure lagunen, gure mezuen
kontrolatzaile zuzena,
gure agenda, gure argazki,
bideo eta gauzena...
Betaurrekoen itxura du ta
Google da bere izena.
 
III

Lehen bilatzaile soil bat zen bera,
azkarra eta mardula...
Nahi genuena ematen zigun,
azkarragorik sekula!
Lagun onentzat hartu genuen
ustekabeko pit-bull-a.
Ohartzerako ikusi dugu
sofan eseri zaigula...
Okerrena da etxe barrura
geuk gonbidatu dugula.
 
IV

Bilatzailetik ondoren Gmail
web-posta denen eredu:
Dokumentuak, Egutegia,
gero Youtube-ri heldu.
Talk-ez hitz egin eta Picasa-n
argazkietan gaude gu
eta gainera dena dohainik
zuhur / behartsuon zeru!
Eman, zerbitzu asko eman du
hartu, zer hartu ote du?
 
V

Monopolio kontu hau ez da
lehenengo aldiz aurkeztu:
Jende ugarik jarri du dena
Bill Gates handiaren esku.
Betaurrekodun haren ihesi
sarean ginen babestu.
Hau esan eta nahiz ta ez egon
hura babesteko prestu:
hark aurpegi bat zuen atzean
honek hori ere ez du.
 
VI

Sare handira konektatuta
sentitzen gara askeak:
ez digu axola gure datuak
inoren esku uzteak.
Behar berriek sortzen dituzte
gehiengoaren eskeak.
Merezi al du gure bizitza
gorde asmotan hasteak,
lortu nahi badu lortuko badu
batek ez bada besteak?
 
Doinua: Gure aurreko guraso zaharrak.]]> <![CDATA[Txikiaren konplexuari jarriak ]]> http://www.argia.com/argia-astekaria/2170/txikiaren-konplexuari-jarriak I
Barakaldoko BEC egin zuten
eta bataiatu-hurren
bertsoak ere etxetzat hartu
zuen center izan arren.
Donostik ere bere center-a
edo edukitzearren
bi urte barru egingo dute
Basque Culinary Center-en.
 
II

Ez dut ukatzen bere balio,
aitzindaritza ta lorpen...
Sukaldaritzan ez da txiripaz
gauden tokian egoten.
Beti gaudenez nazioartean
zer dioten itxaroten
izenak haina kezkatzen nau ni
zergatik jarri dioten.
 
III

Beti kanpoan ikusten dira
arazoen errudunak
baina geu ere BCC-n kasu,
inozo eta tuntunak.
Basque etiketaz baldin bagoaz
mundurantza euskaldunak
ez al gara geu gure hizkuntza
minorizatzen dugunak?
 
IV

Progresorako traba baino ez,
etxerako hitz jario...
Urteak pasa arren oraindik
usain berbera dario.
Uste badugu Europarako
ezin duela balio
gure hizkuntza merezi dugun
pentsa dezagun serio.
 
V

Mundua noski orain ez doa
garai bateko erara:
distantziak motz, hizkuntzak nahastu
–irentsi ez baldin bada–.
Igo nahi dugu planetako tren
globalizatu hortara
baina ez gara globalizatu,
txotxolotu egin gara.
 
VI

Eraikin hori, beteko dena
chef eta ikasle trebez
beteko al da euskaraz ere
ikasiko duen jendez?
Nortasun baten ezaugarri bat
izan behar zuena berez...
“Pixka bat mucho” omen da baina
zenbat ote da batere ez?
 
Doinua: “Andre txarraren bentajak”.]]> <![CDATA[ Bileritis kronikoari jarriak ]]> http://www.argia.com/argia-astekaria/2144/bileritis-kronikoari-jarriak I
Ez dut izan nahi gaiztoegia,
sobera ironikoa
baina herri hau ikus dezaket
ur zikinetan itoa.
Tarte txiki hau hartu nahi nuke
Argiak emanikoa
esplikatzeko ze gaitz mota den
bileritis kronikoa.




II

Talde bateko parte bazara
–kultur-talderen bat kasu–,
nonbait ta noizbait nor izatea
helburutzat badaukazu,
uste baduzu ez dizutela
sekula egiten kasu:
zure bizitza monotonoan
bilera bat jar ezazu.




III

Liberatua da bileretan
falta ezin den figura
hark ekartzen du “dokumentua”
hark antolatu bilkura.
Speecha ere moldatu ohi du
Arnaldoren azentura
ta beti dauzka boligrafoa
eta agenda eskura!




IV

Liberatuak profesionaldu
ondoren bileragintza
beti behar du nork entzun eta
konpartitua speecha.
“Taldekidea” han egongo da
(hori da bere baldintza)
ezer esan ez baina bileran
beti hartuko du hitza.




V

Ketu denean udalarekin
noizbait hitzartu zen gela
akta bere gain hartzen du batek
(inork ez du nahi ahal dela).
Eta kalera irtengo dira
bileraero bezela
beste behin elkar konbentzituaz
zeozer egin dutela.




VI

Irten gelatik eta tabernan
tragoa eskatzerako
galdetzen dute nor gelditzen den
afari-mokadurako.
Jan-hitz-edan-hitz mingaina lodi
jarririk azkenerako
data ta ordua ipintzen dira
hurrengo bilerarako.

Doinua: “Andre txarraren bentajak”.]]> <![CDATA[ Tertuliano orojakileari jarriak]]> http://www.argia.com/argia-astekaria/2139/tertuliano-orojakileari-jarriak I
Alde bat utziz programazio
ta telebistaren maila
aipatu nahi dut azkenaldian
ugaritu zaigun saila.
Batzuk azala deitzen diote,
beste batzuek matraila...
Tertuliano orojakilez
bete digute pantaila.
Zenbaitentzako ogia lortzen
gaur egun ez dago zaila!



II

Antenan diren segundoetan
banatzen da boterea:
mingaina zorrotz izan behar da,
hitz jarioa trebea
bost xentimoko arrazoiekin
engainatzeko jendea.
Konklusioa ezaguna da
(nahiz zita ez den nerea):
nork altuago hark arrazoia...
arraindegiko legea!



III

Politikari erretiratu
ta bazterreratuena
dugu agian espezieko
piztirik ugariena.
Epaile edo auto-saltzaile...
hemen onartzen da dena.
Zer da gauetik goizera kolpez
aditu bihurtzen dena?
Izenpean zer jarri pentsatzen
dute lanik handiena.
IV

Eta autoan, irratiaren
menpean jartzen bagara
a ze sorpresa! Telebistako
jende beraren turrada.
Beraz antena bat utzi eta
berriro uhinetara.
Kontu berberak han botatzeko
gogoa ere behar da ba!
Non eta zertan ez du axola...
kontua irtetea da.



V

Arrazoi puskak banatzen dira
hitz populisten neurrira
inora heltzen ez den ezbaian
segi tira eta bira...
Ta aurkezleak, sarritan sartuz
eztabaidaren erdira
interes tantak isurtzen utziz
(nahiz ez etorri harira)...
Kazetaritzan ari direla
sinestera heltzen dira.



VI

Berez berria ere ez dena
bihurtzen da eskandalo
elkartuz gero hitzetan haina
lastodun lau txorimalo.
Batzutan norbait izanagatik
itsu-herriko tartalo
hoiei ordaintzen ari badira
Kalaka eta Pásalo
berriro ere egingo dute
gure kontura jan da lo!

Doinua: “Itsasoari begira”.]]> <![CDATA[Guraso erosoari jarriak]]> http://www.argia.com/argia-astekaria/2134/guraso-erosoari-jarriak I
Nire inguruan azkenaldian
haurrak ugaritu ahala
fenomenoak oiloipurdiz
jarri izan dit azala.
Pentsatzen baitut sarri umeak
munduratuz gabiltzala
gidoi batean idatzitako
behar bat balitz bezala.]]> <![CDATA[Ultrakirolari afizionatuari jarriak]]> http://www.argia.com/argia-astekaria/2128/ultrakirolari-afizionatuari-jarriak I
Norberak bere bizioetan
astintzen dugu kartera
baina aipatu nahi dudan gaia
gure herriko parte da.
Gizaberea heltzen denean
hogeitamar bat urtera
Foruma joan, VISA pasatu,
jantzi lau jantzi hortera,
parrandak utzi ta hurbiltzen da
kirolarien artera.]]> <![CDATA[Bertsoaren lizentziei jarriak]]> http://www.argia.com/argia-astekaria/2123/bertsoaren-lizentziei-jarriak I
Euskalki eta azpieuskalki
arteko diferentziak
edo ondoko erdaretatik
jasotako herentziak...
Guk bota eta noiznahi beretzat
hartuak konpetentziak...
Soberan diren silabak edo
hitz artean irentsiak...
baina ez dira hoiek aipatu
nahi ditudan lizentziak.
]]> <![CDATA[Anoetako patata soroari jarriak (gertatua)]]> http://www.argia.com/argia-astekaria/2118/anoetako-patata-soroari-jarriak-gertatua - Pero, vosotros, en lo vuestro, por ejemplo labrando patatas, ¿vais pensando rimas?
- Y cuando reñís con vuestra pareja, ¿le reñís rimando?
(2007-12-22)
I

Bi mila eta zazpigarrena,
datorrenaren atean
abenduaren hogeita bian
Donostiako partean
palko batean ibili ginen
haundi-maundien artean
komentario bat ez dut ahaztuko
bizirik naizen artean.
]]> <![CDATA[Alkate aberatsei jarriak]]> http://www.argia.com/argia-astekaria/2112/alkate-aberatsei-jarriak I
Alkate aberatsak
dira diruzale
boto erosle eta
proiektu saltzaile.
Etxez bete dituzte
auzo eta kale
inoiz ez dute eman
pausorik debalde
borrokatzen baitute
diruaren alde.]]> <![CDATA[“Alonsomenia”-ri jarriak]]> http://www.argia.com/argia-astekaria/2107/alonsomenia-ri-jarriak I
Futbolmaniagatik
diot neurekiko
“menia helduko da,
hau ez da betiko”
baina dena ez denetik
“futbola ta kito”,
zenbat tabernak jartzen
dute Telecinco?]]> <![CDATA[Euskaldun peto californianoari jarriak]]> http://www.argia.com/argia-astekaria/2102/euskaldun-peto-californianoari-jarriak I
Ni naiz Euskaldun peto
californianoa
hemen berezkoa den
tribu urbanoa.
Osasun onekoa,
sasoiko, sanoa.
Soinean Gore-Texa
buruan txanoa
mendizalez jantzi ta
tabernara noa.]]>