Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteartea 2024ko apirilaren 16an
ETB-n Erdara Sartzera Doaz
Euskal Herrian Euskaraz taldeak, Donostian, Arranobeltza Euskaltokian, prentsaurrea eman zuen. Bertan beti kanpainatan sartuta dagoen erakunde honen bozeramaile batengana jo dugu, azken kanpaina honen arrazoiak, eta ekintza programa ezagutzeko. Hau da ekarri duzuegun elkarrizketa.
Hasteko, PNV-ri interesatzen zaio, bere politikarekin bat egiten ez duten guztiak zaku baten barruan sartzea. Era honetara, kanpaina hau guk antolatuta dela jakinez HB-k antolatzen duela esanaz bi gauza lortu nahi ditu: EHE HB-ren submarino bat dela adierazi, eta gu HB-kin alderatzean, euskararen alde borrokatzen baino Instituzioen kontra borrakatzen ari garela bere partaideei sinistu arazi.
Ondoren, beraiek, bere alderdiaren interesak hauteskundeei begira aurrera ateratzeko, ETB-ren erdara derrigorrez erabili behar dute, eta beraz goi-mailako instituzioetan erdara erabiltzea onartzen dute, baina alderdikide askok, ETB euskara hutsez dela pentsatzen dute, eta beraz, gure txostenaren alde definitzen dira. Ondorioz, beraiek hartutako erabakiaren aurka posizionatzen dira alderdiko zinegotzi asko, kontradizio haundia beraien artean sortuaz. Hau ez zaie inondik ere komeni eta inolako argumento balidorik ez dutelako, gure txostenaren kontra posizionatzeko, HB-ren maniobra bat dela jakin arazten dute, eta goitik erabakia inposatzen saiatzen dira.
Bukatzeko, Euskal Herrian euskarak eta Euskal Herriak euskal telebista bata behar duela, hau da, euskara hutsezko kanal bat behar duela pentsatzen duen jende asko dago, eta alderdi guztietako jendea, eta beraz baita PNV-koa ere noski. Bestaldetik euskara hutsez eduki dezakegun telebista kanal bakarra hau da, 4. kanala, eta hor erdara sartzea ez da erizpide garrantzitsuetan oinarritutako erabakia, Euskal Herriko erdaldungoarentzat 3. kanala «Canal de las Autonomias» bait dago, eta Barcelona Real Katalunian kanal horren bitartez eman zen. Beraz erdara sartzekotan hor sartu behar da, eta kanal elebidun bat egin. Sentsibilizazio kanpaina honen aurrean eta manifestaziora jende asko etorriko delaren beldurrez. HB-ren kanpaina dela adierazten dute, bi helbururekin: bata beraien jendea ez etortzea, eta euskara alderdikiri bat bihurtzea.
Guk gure kanpainak antolatzen ditugunean, alderdi guztien laguntza eskatzen dugu, eta PNV-k euskararen aldeko gure kanpainak, eta une honetan ETB-ren aldeko kanpaina onartzen ez badute, bultzatzen ez baditu, berari dagokio arrazoia ematea.
Bestaldetik. beraiek erdara sartzeko dituzten arrazoiak ezagutu eta publikoki eztabaidatzeko, ETB-n Areizaga eta gure arteko eztabaida bat eskatu dugu. Benetan demokrazia eta pluralismoaren alde badaude onartu beharko dute mahai inguru hori.
Begira euskararen normalkuntza arazo globala da, hau da ez da ETB-ren arazoa bakarrik, baizik eta komunikabide guztiena, Irakaskuntzarena, administrazio munduarena, marko juridikaorena, lan munduarena. . Hau dena kontutan harturik baloratu behar da ETB-ren arazoa, bestela galdu egiten gara, eta aurrera joan beharrean atzeraka joan gaitezke konturatu gabe. ETB-ren 33 ordutatik hiru bakarrik erdaraz, bale. Eta Telenorten, eta irratitan, eta egunkarietan; eta aldizkaritan.... Horrela gauzak ikusirik aldatzen da prespektiba guztia. Zer esanik ez administrazio mundua, lan mundua,... barne sartuko bagenitu, hau da, ETB euskaraz, baina gainerako guztia erderaz.... Edo irakaskuntza euskaraz, eta komunikabideak erdaraz? Arazoa globala da, eta globalki aztertu beharra dago.
Bestaldetik hizkuntza baten normalkuntza edo desagerketa beti ordezkapen prozesu bat izaten da, hau da hizkuntza bat galtzen denean beti beste batek ordezkatzen du. Zentzu honetan edo erdara edo euskara aurrera doa. Erdarak euskara ordezkatzen du edo alderantziz, eta ez dago beste irtenbiderik. Zentzu honetan diogu EHE-koek elebitasuna pauso bat dela eta ez helburu bat.
Hau guztia kontutan edukirik aztertu beharra dena zera da, egiten dena, nola egiten den, eta era berean oso garrantzitsua, aski egiten oten den. Gure ustez zerbait egin da, ezin da ukatu, baino askotan gaizki: adibidez EIKE eta EEPAren arteko istilua, edota HABE eta AEKren artekoa. Beste ekintza batzu nahiko egokitzat jo ditzakegu, ETB adibidez, baina ordezkapen prozesua oraindik aurrera doa, oraindik erdara irabazten ari da, eta hasteko ordezkapen hau frenatu behar dugu, eta gero inbertitu.
Bestaldetik KORRIKA-n zehar ahal dugun herri guztietan «ETB-n euskaraz eta kitto» lemapean kilometroak egingo dutugu. Azkenik, eta KORRIKAko azken egunean, BILBOn Abenduaren 11-ean, 1959 kilometroan konzentrazio nagusia egingo dugu. Gure iritziz ekintza hauek KORRIKA barruan egiteak bi zentzu ditu: Bata KORRIKA bultzatzea, eta KORRIKA euskararen arazo globalaren aurrean erantzun bat denez, ETB-ren orain arteko linearen alde jartzea.
Irakurrienak
Matomo erabiliz
#1
Gorka Bereziartua
#2
Onintza Irureta Azkune
#3
Asier Blas Mendoza
#5
Estitxu Eizagirre
Azkenak
Haritu: "Familia batzuek sei hilabete daramatzate hotel batean"
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
2024-04-17
Mikel Garcia Idiakez
Errendimendu akademikoaren arabera banatuko dituzte ikasleak Ipar Euskal Herrian
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
2024-04-17
Asier Etxenike Ugarte
Analisia
Araba: Zer isla elektoral izango du aldaketak?
Apirilaren 21eko Eusko Legebiltzarrerako hauteskundeetan, EAJren eta EH Bilduren arteko lehia nabarmentzen ari da, Araba erabakigarria izan daitekeen herrialde bihurtuta. Dinamika hori ulertzeko, azken hamarkadan Araban izandako hauteskunde-bilakaera aztertu behar da. Hiru aldi... [+]
2024-04-16
ARGIA
Ia 15.000 erabiltzaile ditu Puntueus domeinuak, sortu zenetik hamar urtera
Puntueus domeinuak hamarkada bete du apirilaren 15ean, eta EITBren Bilboko egoitzan ospatu du Puntueus fundazioak. Gaur arte lortutakoa goraipatu dute, eta 2024 urterako kanpaina berria iragarri.
Eguneraketa berriak daude