Zergatik Alemanian ez dituzte kutxak pribatizatzen?

Kutxabanken etorkizunaren harira, alderdi politikoek, sindikatuek eta patronalek iritzia eman dute, batzar nagusietan interpelazioak egin dira, artikuluak publikatu eta mobilizazioak ere antolatu dituzte, Gasteizen adibidez. Baina ez da egiazko eztabaida publikorik sortu ezarle, aurreztaile, politikari, sindikalista eta enpresarien artean; desiragarria eta osasuntsua litzateke. Oraingoz dakiguna da elite politiko eta enpresarialak erabaki duela arrazoiak daudela Kutxabank pribatizatzeko. Argudio faltsuak eman dira: EBren agindua dela, esaterako. Ez da egia. Galde diezaietela alemanei eta Merkeli. Zergatik Alemanian ez dituzte aurrezki kutxak ukitu?

EAEn aurrezki kutxen fusio prozesua hasi zenetik bazegoen intentzioa kutxak banku bihurtzeko. Eta Mario Fernandez –gero Kutxabankeko presidente bihurtu dena– ez da urrun ibili; pribatizaziorako bidea berak diseinatu du. Orain batzuek esaten dute –besteak beste EAJk– Kutxabank ez dela pribatizatuko etorkizunean bankuen fundazio izango diren kutxek kontrola mantentzen badute. Beste batzuek –ELAk, LABek, ezker abertzaleak eta erakunde sozialek– diote akziodun pribatuak sartu eta kapitalaren %10 edo %20-30 eskuratzen badute, Kutxabanken kontrol publiko eta soziala arriskuan geratuko dela.

Kutxabank pribatizatuko balitz errentagarri izateko eta akziodunei etekinak emateko helburuz, banku-operazio arriskutsuak egitera joko luke. Finantza tresna publiko izateari utziko lioke, herritarrek ez lukete kontrolatuko, eta lurraldearen, ekonomiaren eta gizartearen bizkarrezur izateko bokazioa galduko luke. Ezberdinen arteko akordioa beharrezkoa da Kutxabanken pribatizazioa eragozteko. Oraindik garaiz gaude.


Kanal honetatik interesatuko zaizu: Ekonomia krisia
Europako Banku Zentralak "erreforma estrukturalak" iragarri ditu, defentsarako gastuei aurre egiteko

Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".


Analisia
Erreforma fiskala, oraingoz ezta ere

Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]


2024ko europa neoliberalak, Schäubleren politika austerizida du ipar

Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Bizitzaren garestitzeak etenik ez: argindarra, gasa, udal zergak eta autobideak, garestiago

Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.


Austeritate politikak
Hau 2024 urtea da: ongi etorri Europa neoliberalaren "normaltasunera"

Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]


Eguneraketa berriak daude