Klima aldaketari buruzko NBEren txostena: argi gorriak piztuta

Uholdeek kaltetutako errefuxiatuak Bangla Deshen.
Uholdeek kaltetutako errefuxiatuak Bangla Deshen.

NBEko IPCC erakundeak (Klima Aldaketari Buruzko Gobernu Arteko Taldeak) bere bosgarren txostenaren bigarren zatia aurkeztu zuen martxoaren 31n, Japonian –gutxi gorabehera sei urtero argitaratzen dute txosten bat–. Adituek esandakoak kezka eragiteko modukoak izan dira. Hona hemen laburpen bat:

Sistema hidrikoenganako eragina

Eskualde askotako euri-joerak aldatu egin dira, eta glaziar ugari urtu dira; ondorioz, sistema hidriko naturalak aldatu dira. Elikagaien ekoizpenean eragin negatiboa izan du horrek; bestalde, animali espezie askoren ale kopurua gutxitu egin da, edota migrazio ohiturak aldatu dituzte.

Ur edangarri gutxiago

Herrialde txiroetan lurrazpiko ura gero eta urriagoa da. Hala ere, kontinente guztietan dago arriskua ur edangarria nahikoa izan ez dadin.

Txirotasunaren hazkundea

Klima aldaketak hazkunde ekonomikoa motelduko du, eta horren ondorioz pobrezia areagotu egingo da hiri handietan.

Gero eta gatazka gehiago

Txirotasunaren eraginez populazio multzo handiak mugituko dira batetik bestera, eta estatuen artean gero eta gatazka gehiago eta latzagoak izango dira baliabide naturalak eskuratzearren.

Uholdeak eta higadura

Itsas mailaren igoerak lehorreko eremu asko urperatuko ditu, eta jende multzo handiak beharko ditu migratzera.

Itxaropen bakarra, egokitzapena

Eragin horien guztien neurria txikiagoa izan daiteke bitartekoak jartzen baditugu. IPCCko adituek azpimarratu dute egokitzeko beharrezkoa izango dela, klima aldaketaren ondorioak leuntzeko neurriak hartzearekin batera, herrialdeen arteko desberdintasunak laburtzea, pobreenen garapena sustatuz.


ASTEKARIA
2014ko apirilaren 13a
Irakurrienak
Matomo erabiliz
Azoka
Kanal honetatik interesatuko zaizu: Larrialdi klimatikoa
Numeriko iraunkorraren eguna Baionako Estitxu Robles kolegioan

Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.


Asfaltozko patioa zuhaitz eta landarez betetako zelai bihurtu dute Lizarrako eskolan

Jolastoki eta ikastetxeko sarrera zen asfaltozko 350 metro koadroak berdegune bihurtu dituzte Haur eta Lehen Hezkuntzako Remontival eskola publikoan, Lizarran. Landaturiko zuhaitz, zuhaixka eta landareek helburu dute, besteak beste, beroa eta hotza hobeto kudeatzea,... [+]


Artea suntsitzeko arrazoiak

Londres, 1914ko martxoaren 10a. Mary Raleigh Rochardson (1889-1961) sufragista eta WSPUko kidea National Galleryra sartu zen, soinekoan laban bat gordeta zuela. Diego Velazquezen Ispiluko venus ezagunaren parera iritsi zenean, mihisea zazpi aldiz sastakatu zuen, guardiek... [+]


Trantsizio Energetikoaren eta Klima Aldaketaren legea adostu dute EAJ, EH Bildu eta PSEk

EAJ, EH Bildu eta PSE-ren babesarekin atera da aurrera. Erregai fosilen desinbertsiorako plan bat gauzatu beharko du Jaurlaritzak. Helburu nagusia 2050rako EAEn karbono emisioak zerora murriztea da.


2024-02-01 | Jon Torner Zabala
Larrialdi egoera ezarri dute Katalunian bere historiako lehorterik okerrenagatik

Ter eta Llobregat ibaietako ura heltzen den zonaldeetan ezarri du Generalitateak larrialdi-egoera. Lehortea bereziki gogorra da Bartzelonako eskualdean, Gironako eremu zabaletan eta Costa Bravan: urtegietako ur-maila edukieraren %15,8an dago, alerta gorena ezartzen den mailatik... [+]


Eguneraketa berriak daude