Jarraitzaileentzat opari bikaina

  • Gozategi ::All Stars 1992-2012

    Elkar, 2012

Badira euskal musikaren historian erroturik geratu diren abestiak, hain gazte ez garenon memorian iltzaturik dauden doinuak, urteak pasa arren oroimenean bereziki gorde ditugunak.

Gozategi taldearen abesti askok utzi dute gugan arrasto hori, eta horietako hamahiru entzuteko aukera eman zaigu All Stars 1992-2012 disko berri honetan. Hogei urteko ibilbidean egindako kanturik esanguratsuenak, taldearen historia markatu dutenak nolabait, eta, batez ere, taldearen espiritua jasotzen duten abestiak birgrabatu dituzte Mikel Irazokiren zuzendaritzapean. Dudarik gabe, taldearen jarraitzaile izan direnentzat opari bikaina.

Trikitiaren berrikuspenari esker ezagutu zuen ospea taldeak. 80etako hamarkadaren hasieran trikitiak mugak zituen, bigarren mailakoa kontsideratzen zen, baserritarren edo zaharren musikatzat hartzen zuten askok. Urte batzuk geroago, erromerietatik zetozen taldeek –Tapia eta Leturia, Maixa eta Itziar, Gozategi….– ukitu bereziak eman zizkioten ordura arteko estiloari, batez ere bateriaren edota baxuaren laguntzaz, eta ohiko mugak apurtzea lortu zuten. Hala, entzule berriengana iristeko bidea zabaldu zen.

90etako hamarkadan Euskal Herrian eztanda egin zuen triki-pop-rock estilo honen eragile nagusienetakoa da Gozategi taldea. Arrakasta itzela izan zuen Manolo Escobar kantari espainiarraren abesti batean oinarritutako Nor-Nori-Nork izenekoak, sekulako oihartzuna izan baitzuen. Hala ere, Gozategiren unerik gorena Nirekin kantuarekin heldu zen. Jon Maia bertsolariak bizkaieraz idatzitako Emostaxu muxutxue… leloa ahoz aho ibili zen eta 1996ko udako kanta izateaz gain, ordura arte trikitia entzuten ez zen tokietara iristea lortu zen, eta zenbait irratitan zeuden mugak gainditzea, hala nola, Los 40 Principales gisako irratietakoa.

Gozategi taldeak, herrietako jaiak girotzeko aproposak ziren kantu arin eta dantzagarriak eskaintzen zituen eta plazak gainezka izaten zituen, zuzenekoen freskotasunaz disfrutatzen baitzuten zaletu eta jarraitzaile sutsu askok.

Bost urte geroago garai haietako sukarraldia jaisten hasi zen eta Gozategi taldeak ere nabaritu zuen, bai diskoen salmentan, baita emanaldi kopuruan ere.

20 urteko ibilbidea, sei disko kalean, eta ehunka emanaldiren ondoren, oraindik gazte eta nerabeak erakartzen jarraitzen dute. Taldearen esanetan, pozgarria da oso ondorengo belaunaldiek ere beren abestiak ezagutzea eta kantatzea, eta are pozgarriago betiko zaleak haien alboan, jende artean jarraitzen dutela ikustea.

Bi hamarka eta gero, trikitilari belaunaldi baten ordezkari garrantzitsuenetakoa izan den taldeak plazaz plaza jarraitzen du, emanaldi bakoitzean ahalik eta zukurik ederrena ateratzeko desioari eutsiz, bizipen horiei esker musikari izateak merezi duela zinez sinesten baitute.

ASTEKARIA
2013ko otsailaren 10a
Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Diskoak
2022-11-27 | Iker Barandiaran
Bizi(g)arria

Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.

Ibilbide... [+]


2022-11-20 | Xalba Ramirez
Zintzo izatearen fantasia

Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]


2022-11-06 | Iker Barandiaran
Katuek baino ertz gehiago

Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]


2022-10-30 | Xalba Ramirez
Gustuko lautadan nekerik ez

"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.

Zeren, sortzaile... [+]


2022-10-16 | Iker Barandiaran
Bi altxor eta sorleku bakarra: Buenawixta

Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]


Eguneraketa berriak daude