Osakidetzaren izen ona lehenagotik zetorren eta azkeneko legealdian neurri sendoak hartu ditu mantentze aldera, Madrilen presioa hein handi batean ekidinez: finantziazioa mantenduz, botika generikoen arloan gastua gutxituz, berrordainketari muzin eginez.

– Irabazlea EAJ da. Irizpide horren aldekoa da neurri handi batean behinik behin, nahiz eta osasun pribatuari ere keinuak egin: kohabitazioa hemen ere, agian.

– Legebiltzarrean talde sendoa dago EH Bildurekin. Bide honen defentsan adierazi du bere egitasmoa, eta bere xedea hori izango da: zerbitzu publikoa, gardena eta hurbila.

Honaino osasun publikoa mantentzeari buruzko irizpidea. Baina iraupena bermatzeko ahalegin asko egin beharko dugu:
– Antolakuntzaren hobekuntzak: sistemak zulo asko ditu eta eraginkorragoa egin behar da, gaixo eta erizainen arteko harremanak sendotuz eta hurbilduz.
– Lehen mailako artatze antolakuntza sendotu behar da eta kalitatez hornitu, ospitaleak gaixoz gutxituz, bere eginkizun berezitik atera ez daitezen.
– Botika gastuak murrizten jarraitu behar da: bizitza medikalizatu dugu neurri handian.
– Osasun langileak zaindu, lan berezia denez arreta ere berezia behar dutelako: lan baldintzetan, lanaren onespenean eta egitasmoetan parte-hartze zuzenagoa izanez.
– Ospitaleko egonaldiak laburtu, etxean gero eta arreta eta zerbitzu gehiagoz eta hobeagoz inguratuz gaixoa.
– Gaixotu aurretik prebentzio lana sustatu eta ugaritu, gaixotu aurreko programak eta osasuna sendotzeko egitasmoak martxan jarriz, beti ere, gizabanakoen autonomia dugula helburu.

Programa hauetan, gizabanakoaren parte- hartzea ezinbestekoa da, gure helburuetan burujabetasunaz gain, gorputz jabetasuna ere aldarrikatu behar dugu.

Etorkizuna, osasunaren aldetik, arduratsua, kezkagarria eta  interesgarria datorkigu, izan gaitezen partaide eta protagonista.