Ondo dakizunez, aldaketa garaia bizi dugu eta gaurtik aurrera Euskal Herriaren biziraupenerako eta bizikidetzarako ezinbestekoak izango diren hitzarmenak egiten saiatuko zarete ordezkari politikoak, gu guztion izenean. Bada, hauteskunde hauetan herritar gehienok hautu abertzalea egin dugu eta datu hori komeni da begi-bistatik ez galtzea.

Euskal Herriko zati honetan herritar gehienon nahiak balore abertzaleekin bat egiten du eta horien artean, nola ez, euskara eta euskal kulturaren sustapena dugu. Baina, beste arlotan ere agerian geratu denez, orain arteko hizkuntza politikak eman du eman beharrekoa. Asko, gutxi, nahikoa edota behar bestekoa eman ote duen iritzi kontu bat izan daiteke, baina datu bat da euskarak eta euskalgintzak ziztada eta bultzada sendoa behar dutela, azken hamarkadetan euskara biziberritzeko eta euskaraz bizitzeko aukera errealak sortzeko egindako ahalegin izugarri hau ez dezan krisialdi latz honek desegin.

Euskaldunok gero eta esparru gehiagotan bizi nahi dugu euskaraz normaltasun osoz eta euskal herritarron bizikidetza linguistikoa errespetuan eta elkartasunean oinarrituta egon dadin nahi dugu. Gu prest gaude horren alde gure esku dagoena egiteko, baina zuek politikariek eta bereziki lehendakariak ardura berezia duzue horretan.

Euskarak, gaur arte iraunarazi badu, herritarrok gure hizkuntzarekiko izan dugun maitasunari esker izan da. Maitasun hori, nolanahi ere, babes instituzional eta sozial sendoaren bidez zabaldu behar dugu, sendo eta konplexurik gabe, euskararen ezagutza euskal herritarren artean zabaltzen jarraitzeko eta euskaraz bizitzeko gero eta arnasgune gehiago sortu ahal izateko.

Euskarak eta euskal kulturak hitzarmena behar dute. Hitzarmen horren bidez euskarari zor zaion zentralitatea eman behar zaio, bai Eusko Jaurlaritzaren egituran eta jardueran bertan, baita martxan jartzen diren politika publikoetan ere. Lehendakarigai hori, arren: entzun, pentsatu, sentitu eta egin!


Kanal honetatik interesatuko zaizu: Eusko Legebiltzarreko hauteskundeak
Aste politikoaren kronika
Orokorkerien Euskadi

Hilabete baino gutxiago falta da hauteskundeetarako eta bi aste baino ez kanpaina ofizialki abiatzeko. Lehen bi kolpe kanonikoak eman dituzte dagoeneko. Bata administrazioak, egin baitute zozketa, hauteslekuetan eguna botako duten herritarrena; eta alderdi politikoek bestea, 48... [+]


2024-03-24 | Anuntxi Arana
Barbie hauteskundeetan

Arropa bera luzaz eramatea ez da ongi ikusia, eskasa-edo dateke. Behin, lagun irakasle bati lizeoan ohartarazi zioten bazela ordua jaka berria eros zezan. Aspaldiko joera hori indartuz joan da. Telebistako esatari eta berriemaileek jantzi desberdinak luzitzen dituzte egunero... [+]


Aste politikoaren kronika
Bejondeiela

Pandemia aurretik mugarria ezarri zuena, geurean, Berri Txarrak izan zen; azken kontzerturako sarrerak mila hilabete lehenago ipinita, F5 tekla guztiak izorratu eta webgunea kolapsatu zituena. Pandemia aroan, gero, ugaldu zen txartelak online hartzeko moda, eta ordu luzez ilara... [+]


Aste politikoaren kronika
Infiltratua

Zikindu da aurre-kanpaina. Ertzaintzaren jardun polemikoak hartu du fokua eta, pasa den asteko kronikan iradoki moduan, herritarren eguneroko beste hainbat arazo, norbanakoaren poltsikoari edota osasunari zuzenki loturikoak, alboratu dira beste behin ere. Egia esan, ez da... [+]


Eguneraketa berriak daude