Passiflora caerulea, pasio lorearen landarea dotorea da. Igokaria da, hosto berexiak ditu, baina lorea da benetan deigarria: usain gozoa du eta berebiziko egitura: ileak, koloreak, formak... Bere garaian izena eman zionak Jesukrixtoren pasioaren ikurrak ikusi omen zizkion (iltzeak, arantza koroa, apostoluak, etab.). Gure etxekoa ikusten dutenei beste pasio batez hitz egiten diet. Lore honek ematen duen fruituarekin, marakuiarekin, itzelezko zukua egiten bai da, beste pasio batzuk sustatzen dituena.
Ez naiz bada, duela egun gutxi batzuk, Bergara aldean “Hamar mandamentu loria” deitzen diotela enteratu. Teman, segi sektaren teman!
Argazkikoak pasio lore bilduma dotorea duen lagun batek oparitutako lore sorta polita. Bakoitzak bee forma eta koloreak eta, batez ere, usaina. Pasio loreen bilduma, hori bai pasioa!
© 2008-2011 Argia.com - Komunikazio Biziagoa
Landareak 
