Oroitzapenen gordailuetan barrena

  • IGNAZIO ARREGI S.J. ::Eta orain zer?

    Alberdania

    orrialdeak ::256

    prezioa ::19€

Eta Orain Zer? - Ignazio Arregi S.J.
Eta Orain Zer? - Ignazio Arregi S.J.
Gutxi dira euskaraz idazten edo, hobeki esanda, argitaratzen diren autobiografiak. Harrigarria da, hala ere, azken boladan nola ugaritzen hasi diren ikustea. Nahikoa batek bereari ekitea, beste batzuek oroitzapenen gordailua zabaltzen hasteko. Moda berri bat sortu al da euskal literaturan? 2010. urtean, nik dakidanez, bi izan dira Alberdaniak plazaratu dituen autobiografiak. Mikel Hernández Abaituaren Azukre xehea gatz larria batetik, eta Ignazio Arregi Zendoia jesuitak “urte haiek” kontatzeari ekiten dion Eta orain, zer? izenekoa bigarrenik.

Ez naiz sekula autobiografien maitale izan. Idazle dezenteren biografiak irakurri izan ditut baina, beti ere, beste norbaiten eskuak gidaturiko lumaz idatzitakoak. Edozein modutan, onartu beharra daukat, gizabanakoak bizi izan duen horretatik idaztea baino, bizi izan duen hori bera kontatzea interesgarria izan daitekeela pentsatzeko adorea beharrezkoa dela. Akats zein bertute, ez da guztiok daukagun gaitasuna. Zenbait momentutan denok sentitu dezakegu mundu honetan aztarna uzteko grina eta egia da, literaturak horretarako aukera paregabea eskaintzen duela.

Alde horretatik, autobiografiek helaraz dezaketen handinahi puntu hori, ezabatu egin du Ignazio Arregi oñatiarrak (1931) bere lanean. Ni-a zentro bilakatzen duen idazkeratik urrun, saiakerara gerturatzen den erretorikari eutsi dio, oraindik ere zenbait galderei erantzuna bilatu nahian dabilela, hainbat gaiekiko kezka pertsonalekin uztartzen ditu. Euskaldunen irudia atzerrian, terrorismoa dela eta, gaur egungo gazteen bokazio erlijiosorako interes falta edota komunikabideek gizartean izan dezaketen eragina aztertuz, bere bizitza osatzen duten triangeluaren erpinak marrazten ditu: euskalduna, apaiz jesuita eta kazetaria.

Ignazio Arregi jesuiten hezkuntzako hamabost urteak amaiturik bilakatu zen apaiz, hainbat burutazioen ondotik, 29 urterekin. Milango Unibertsitate Katolikoan kazetaritza ikasketak burutu zituen, eta Eusko Irratian zuzendari aritu ostean Vatikano Irratiko nazioarteko informatiboetako buru izendatu zuten. Esparru bakoitza barrutik ezagutu izan duen pertsona izaki, ez da falta narrazioari tonu kritikoa eskaintzen dioten zenbait pasadizoren aipamena, bai eremu politikoan bai erlijiosoan. Hori bai, beti zintzotasunez eta Loiolako Ignazio zein, haren jarraitzaile izandako, Xabierko Frantziskoren gogo-jardunei eutsiz.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude