Bertso berriak 

Durangoko uztari jarriak

I Durangoko azoka, abendu denen boom, salgai mila liburu, disko eta album! Erosleen hizketa hauek denak entzun, ea zenbat titulu aurkitzen dituzun	II Hiru seme-alaba, aita eta ama, saritzekoa ei da gizonak esana: “Stand orotan hartuz alekada bana hartu beharko dugu autokarabana.”	III Arratsaldeko lauak azoka beterik mutil bat ikusi dut desesperaturik: “Jendartean etzagok bulkada faltarik eta neskak eztik nahi Bulkada besterik!!”.
IV - Txatartegiko ipuinak erosiko aitai? - Mekanikua da ta gehio eztitu nahi… - Gizaki bakartiak… - Ez, gaur ez behintzat, ai! - Ta Itsasoa gara? - Haragizkoa, bai.	V Ikastaro bateko hausnarren almazen, liburu batek dio “Hau koaderno bat zen”. - Bazan garaia hasteko apunteak saltzen! Mario Conde hala hasi zan, hain zuzen.	VI A ze buila Irrien Lagunen Klubetik! - Ama, Pupu ta Lore ikus’ittut hortik! - Etzaitea urrundu amatxon errotik; hau buka bitartean hel nazazu eskutik.
VII Zapatua pasata postutxoen bueltan gazte batek esan du begiak libretan: “Hemen pasau dodazan zazpi orduetan, diruak emot’eban bitsa eskuetan!”.	VIII   Hiru maria nahi dot, berau dot begiko! - Ba Poto nobela da neure faborito! - Horregatikan teman ezkatxik hasiko: hiru maria poto erosi ta kito.	IX - Azoka amaitu da, zein edarto, châpeau! Irakurzale danak asetuta bapo, dana txukundu daigun hurrengo urterako, frogarik itxi barik autopsiarako.

Doinua: “Lili Marleen”.

Bidali zure sortak bertsoak@argia.com helbidera. Aukeratuak orri honetan argitaratuko ditugu.

Iruzkina idatzi

		2255   2254
2256 zenbakia. 2010ko abenduaren 12a Azkena || Hemeroteka

Ale berean...