| I Ziurrenik lau hankan hasi zen aurrena, zutituta abitzeko munduan barrena. Adimen lantzeari ekinez hurrena, giza historiaren lehenengo herrena. |
II Pentsamentua janzten zihoan heinean, ez zen ados besteen maila berdinean: Kokatu nahiak beste guztien gainean jarri zun betirako nahi ta ezinean. |
III Adimen hori lantzen hari zenez nonahi, bata botere gose bestea ere bai. Ordura arte zena kide edo anai, gizona bihurtu zen gizonaren etsai. |
| IV Hasieran zen harek lau hankako abere, munduko ondasunak nahi lituzke bere. Arrazoiak ez dio balio batere indarra nagusi ta dirua botere. |
V Betitik egin ditu amets aberatsak gehiegi neurtu gabe zekartzan akatsak. Horrek ekarri ditu ondorio latzak: kontaminatu gaitu sosaren kiratsak. |
VI Besteren bizkar bete denean kartera, mundu xume hontatik nahi luke atera: Heldu da ilargira, agian Martera, nahiz anaiak behartu lokatza jatera. |
| VII Alferrik izango da asmo onekua ta maite bere herri edo sorlekua ez dezala defenda bestela lepua... Mundu bat egin dugu bihotz gabekua. |
VIII Indar militarreri emanik garrantzi |
IX Errepara elizan edo politikan: egingo dizkigute promes politikan baina beraiek gertu diru pilotikan, txikiak ezin aska korapilotikan. |
| X Eskaintzen dizkigute dozenan hamalau baina guztia lege ta guztia arau. Garratzetik soberan gozotikan barau aurreratu nahiaren atzeraka da hau. |
XI Dena degu presa ta dena itsumustu, bakoitzaren bizitza bihurtuz apustu. Ez al dugu burua neurriz kanpo puztu? Esne txarretik bete, umoretik hustu. |
XII Bada zertan kezkatu ta zertaz goibeldu azken muturreraino ez al gara heldu? Izan behar zuenak guztien eredu: lur madarikatu hau gizonak erre du. |
Doinua: “Mando baten gainian”.
Bidali zure sortak bertsoak@argia.com helbidera. Aukeratuak orri honetan argitaratuko ditugu.
1# | Bidaniko liburutegiko taldea | 2011-01-21 11:15:30
Imanol Lazkano Jaunari: Bidaniako Liburutegian biltzen garen emakume talde bat gara. Gaur, urtarrilak 17, Argian 2250. zenbakia, argitaratutako bertsoak irakurri ditugu, ez kantatu, ez gara gai eta. Arrazoi guztia daukazu, horrelakoxeak gara, egi borobilak dira hasieratik bukaeraraino.Hala ere erabat ezkorrak iruditu zaizkigu. Hau da gure eskaera: hurrengo batean berriz idazten duzunean bertso horiei buelta emaiezu mesedez,hau da,zalantza izan dugu zu triste xamar ote zauden, nahiz eta denean arrazoi izan,eguzki pixka bat ikusi nahi genuke,gizakiongan esperantza izpi bat badagoela zuk bertsotan adieraztea nahi genuke. Bide batez nahi duzunean hona etortzea gonbidatzen zaitugu. Espero dugu gure eskaera lotsagabea ez izatea. Besterik gabe, izotz ondoko eguzkiak goxatu gaitzan, Bidaniatik.
© 2008-2011 Argia.com - Komunikazio Biziagoa
Bertso berriak 
