Bertso berriak 

Etxauri marmatzia balitz...

Mertxe Agirrezabali

I Gereziak heldu dira enarak haiei begira eguna berun, beruna egun negua udaberrira.	II Aihen goiti sai arrea ilundu da txolarrea eguna berun, beruna egun isildu zaigu larrea.	IIII Garia ari da horitzen ibai naroa ahitzen eguna berun, beruna egun oroimina ez da hiltzen.	IV Traktora doa sorora erlea makal hostora eguna berun, beruna egun odola gogoan gora.
V Ihartzen zazpi elorri mitxoletak gorri-gorri eguna berun, beruna egun joan orduko etorri.	VI Gorri harriaren zaina garagarraren usaina eguna berun, beruna egun bizi-pozak berde gaina.	VII Bide ertzean txilarra malkoka dator ilarra eguna berun, beruna egun ur xirriparen zilarra.	VIII Izpilikuen morea argi izpien ohea eguna eki, lorea egun dirdirka ekilorea.

Doinua: Oihaneko pagoak blai

Bidali zure sortak bertsoak@argia.com helbidera. Aukeratuak orri honetan argitaratuko ditugu.

Iruzkina idatzi

		2234   2233
2235 zenbakia. 2010ko ekainaren 20a Azkena || Hemeroteka

Ale berean...