Thomas Hagan-ek, Malcolm X hiltzeagatik atxilotutako hiru gizonetatik bere burua atentatuaren egiletzat jo zuen bakarrak, baldintzapeko askatasuna lortu berri du 44 urte eta gero. Malcolm X tiroz hil zuten New Yorken hitzaldi bat ematen ari zela, 1965ean, Nation of Islam taldea utzi eta urtebetera. Hagan talde horretako kidea zen, eta ihes egiten ahalegindu zenean zauritu eta atxilotu zuten.

Baina Haganen zigorraren amaierak ez du argitu Malcolm X-en hilketa konspirazio baten ondorioa izan ote zen, hiltzaileak beti adierazi baitu ez zuela inoren agindurik jaso, bere kabuz ari zela.