Bertso berriak 

Abiadurari jarriak

I Espazioa zati denbora Halako zerbait naiz berez bizi lekuak: airea, ura A-8, Montmeló, Jerez. Gurpil gainean noa sarrien hidrokarburoak errez. Egongo ez banintz bezala baina arautua nago legez.	II Laurehun zaldiko Mercedes berri edo kopaturbo xaharra hegan joateko preparatuta baina txoferra lurtarra… Hori ta gero tresneri ahulak seinale, multa, radarra... Enpeinatzia ez bada libre zertarako da indarra.	III Enpeinatzia gertatzen denez eguneroko ogia errepide bat bi norabide ta betiko historia: Bat ustez ondo bestea nere eskuetan eroria baina norbaitek elkartu ditu errua eta zoria.
IV Arma letala egin nauenak ardurak baldin balitu… ez soilik ezin izan nauenak bere barruan kabitu. Espazioa zati denborak milioiak ematen ditu. “Istripu” hitza asmatu eta lasai eskuak garbitu.	V Nahiz dena ez den abiadura –hori argi gera bedi– zenbat bizitza etenak edo ebakiak erdiz erdi! Gure biziak behar ote du pedal baten pean segi? Galtzea libre izanagatik kentzea dago libreegi.	VI Horra sei bertso abiaduraz daukadan ikuspegiaz aspertuxea bidejaleez ta bidegabekeriaz. Nahiz ta ez naizen hiztegi horren oso aldeko egiaz igual hitz egin beharko dugu trafiko indarkeriaz.

Doinua: Txoriak eta txoriburuak.

Bidali zure sortak bertsoak@argia.com helbidera. Aukeratuak orri honetan argitaratuko ditugu.

Iruzkina idatzi

		2230   2229
2231 zenbakia. 2010ko maiatzaren 23a Azkena || Hemeroteka

Ale berean...