Denboraren makina 

Espartako odoltsuena telebistan

Spartacus: blood and sand izenburuko telesaila estreinatuko da urtarril honetan AEBetan. Espartako inoizko gladiadorerik ezagunena izan zen, milaka esklaburen buru Erromaren kontrako matxinada zuzendu zuelako. K.a. 73. urtean erromatar armada eta Galia Zisalpinako prokontsula mendean hartu zituen, baina, azkenean Marko Lizinio Krasok Rhegion-en esklaboak garaitu zituen.

1960an Stanley Kubrickek esklaboari buruzko filma egin zuen, mccarthismoak mehatxatutako Howard Fasten nobelan oinarrituta. Andy Whitfield australiarra (argazkian) protagonista duen telesaio berriak, ordea, ez die bereziki iturri historikoei erreparatu; ekoizleen esanetan, telebistarako ikuskizuna egitea izan da beren helburu nagusia. Horretarako, ordenagailu bidezko efektu bereziak eta, azpitituluak dioen moduan, odola eta harea erabili dituzte. Batez ere, odola.

Iruzkina idatzi

		2212   2211
2213 zenbakia. 2010ko urtarrilaren 10a Azkena || Hemeroteka

Ale berean...