Beste harresiak

Berlingo Harresiaren birrinketa, orain hogei urte, protagonista izan da aurreko astean mundu osoko hedabideetan. Batzuek eta besteek, hipokresia gutxi gehiagorekin, Berlingo “lotsaren harresia” desagertzea ospatu dute. Han, birrindutako harresiaren ondoan, Europako politikari garrantzitsuenak agertu dira. “Askatasunaren garaipena” aldarrikatu dute, komunismoa eta sozialismoa, bere horretan, diktaduraren eta totalitarismoaren sinonimo izango balira bezala. Eta ahaztu egin dute, kapitalismo basatiaren kudeatzaile direnek, harresi mingarriago eta basatiagoak sortu dituztela eta sortzen ari direla mundu osoan barrena. Ez gara ari soilik gaur egun munduan existitzen diren harresi politikoez: Zisjordanian palestinarren kontrakoa; AEB eta Mexikoren mugan immigranteen kontrakoa; Mendebaldeko Saharan Fronte Polisarioaren kontrakoa; bi Koreen artekoa; Ziprekoa; gertuago, Espainiako Estatuan, Ceuta eta Melilla banatzen dituen hesia Marokotik datozenen kontrakoa; Euskal Herrian ere, “politikari demokratek” kudeaturik, bada inposaturiko beste harresi bat gure Herria banatzen duena...

Diskriminazioaren harresiez ere ari gara: lanagatik, arrazagatik, erlijioagatik, elbarritasunagatik, orientazio sexualagatik... Europako 30 estatutan egindako inkesta batek dio herritarren %17ak baieztatu duela noizbait arestian aipaturiko diskriminazio horietako baten jomuga izan dela. Espainiako Estatuaren kasuan, galdekatutakoen %70 beldur da krisi ekonomikoak ez ote duen lan merkatuan diskriminazioa handituko. Eurostat-en arabera, bederatzi hilabetean behin-behineko 1,7 milioi lanpostu galdu dira Europan. Harresi moderno horiek sortu ditu kapitalismoak, eta horien kudeatzaile politikoak garaipentsu eta hipokrita agertu dira orain, Berlingo Harresi birrinduaren ondoan

Kanal honetatik interesatuko zaizu: Mendebaldeko Sahara
2024-03-24 | Reyes Ilintxeta
Kristina Berasain. Sahararekin kateatuta
"Palestinakoa ikusita, zer egingo du orain Marokok Sahararekin?"

Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]


2023-12-22 | Euskal Irratiak
Saharari buruzko euskarazko lehen kazetaritza kronika idatzi du Kristina Berasainek

Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.


'Saharari kantari' diskoaren kontzertu solidarioa egingo dute Donostian

Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]


Palestinan bezala Mendebaldeko Saharan ere, okupatzailea beti espoliatzaile

Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]


2023-07-19 | Leire Artola Arin
Israelgo Gobernuak formalki onartu dio Marokori Mendebaldeko Sahara euren menpe dagoela

Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.


Eguneraketa berriak daude