 | Jon Torner2009-10-25 |
EITB-ren eta Bizkaiko Ogasunaren egoitzen atzealdean eraikiko dute Arte Eszenikoen Zentroa, Bilboko Erakustazoka zegoen eremuan. Eusko Jaurlaritzako Hezkuntza Sailaren helburua zentroa 2011n irekitzea da. Orotara 3.180 metro koadro izango ditu eraikinak, eta hamaika metroko garaiera. Arte Eszenikoen Zentroak zein ikasketa jasoko dituen zehazten hasiko dira orain arduradunak. Heziketa arautua eta ez-arautua emateko asmoa dutela iragarri du Isabel Celaá Hezkuntza sailburuak.