Transgenikoak eskutik eskura

Euro mordoa
Euro mordoa
Azkoitian egin zaharra ez den Oteiza pilotalekuetako errebote-plaza euroz ordaindua izango da, noski. Europako Banku Zentralak erditzen dituen euroz, alegia. Txanponak ez, banaka-banaka zenbatzen ez ziren arituko, jakina, billeteak dantzatuko ziren hara eta hona.

Diru-papera egiteko kotoia (Gossypium hirsutum) erabiltzen da. Kotoi-zuntza omen da billete santu horiek sortzeko egokiena. Bestengure EBZ horretan, auskalo zenbat patrikari begiratzen dioten, baina kontuak zuritzeko garaian azaltzen dutenaren arabera, merke-zurrean ibili gabe, kotoi gehiena Ameriketako Estatu Batuetatik ekartzen dutela badakigu. The Times egunkarian duela gutxi salaketa bat egin dute bi ikertzailek, Klaus Ammannek eta Oliver Rautengergek. Lehena suitzarra izaki, diru kontuetan kasu egin beharko diogu. Xinple askoa da salaketa: transgenikoentzat munduko legedi zorrotzenetakoa duen Europar Batasunak, bere bostehun milioi herritarrek eskuetan gehien erabiltzen duten gaia transgenikoz egiten du. AEBetan egiten den kotoiaren puska handiena transgenikoa da, %80. Eta gaitz erditik urruti, transgenikoa denaren eta ez denaren uztak nahasian lantzen dira.

Kotoi transgeniko gehientsuenek Bt deritzan genea dute txertatua. Bt hau intsektuen harrak eta beldarrak hiltzeko erabiltzen den Bacillus thuringiensis bakteriotik dator. Zortena zulatzen dion zomorro bat du kotoiak izurrite nagusi eta Bt genea izateak hura atzeratzen du; agidanean toxikoak diren sendabideak urrituz, lurraren kutsadura gutxituz eta eskulan eta tresneria gastuak murriztuz.

Asko uste gabe, makina bat gene arrotz txertatua duen bestelako kotoia ere erosten da bazterretan, eskutik eskura, eskuz esku darabilgun transgeniko honekin.

Kanal honetatik interesatuko zaizu: Transgenikoak
Opari ederra Bruselak transgeniko ekoizleei: bukatu dira orain arteko kontrolak

Agroindustriaren alde doan erabaki garrantzitsua hartu zuen Europako Batzordeak otsailaren 7an: NBT New Breeding Techniques teknikaren bidez genetika moldaturik duten haziak ez ditu transgeniko gisa sailkatuko. Hori horrela, transgenikoei orain arte egindako kontrol, segipen eta... [+]


Glifosatoa beste hamar urtetarako baimendu dute: "Osasun publikoa eta biodibertsitatea arrisku handian daude"

Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia... [+]


Transgenikoak eta glifosatoa debekatu dituen Mexiko jomugan du Monsanto erosi zuen Bayerrek

“Arto indigena babesteko” eta “elikadura burujabetzaren alde”  hartu zuen Mexikoko Gobernuak arto transgenikoen ekoizpena eta inportazioa baita glifosatoa deitu herbizida ere debekatzeko erabakia 2020ko abenduaren 31n. Orduz geroztik, atzera... [+]


Eta COVID-19 OGM bat baldin bada?

Mundua astindu duen SARS-CoV-2 saguzarren birus baten mutazio natural bat ote da –gizakiak azken hamarkadetan munduko leku askotan  ingurumenean eragindako transformazio larriei lotua ziurrenik, alde horretatik ere gizakiak probokatua– ala tartean zientzialariek... [+]


Eguneraketa berriak daude