 | Nagore Irazustabarrena2009-07-26 |
Damaidiko malkarretan (Txina) 10.000 inskripzio inguru aurkitu zituzten 2007an. Zeinu horiek Txinako Ningxia eskualdeko antzinako idazketari omen dagozkio eta, ondo bidean, idazketaren sorreraren kronologia 2.000 urtetan atzera dezakete. Baina Zhou Xinhua arkeologoak arrastoak arriskuan daudela dio: batetik lehen estalita zeuden aztarnak azaleratzeak higadura areagotu du eta, bestetik, errepideak eta azpiegiturak eraikitzen ari dira bertan. Grafito batzuk ezabatu dituztela eta, beraz, betiko galdu direla salatu du.