Kantu eta Hitza zikloaren baitan, Rafa Ruedak kontzertua eskainiko du hilaren 28an Iruñeko Erraldoien Txokoan. Ekainaren 4an Pier Paul Berzaitz ariko da leku berean, 11n Miel Otxin, 18an Zura eta 25ean Petti. Emanaldi guztiak 20:30ean hasiko dira.

Joxan Ormazabalek sei urtetik gorako haurrei zuzendurik dagoen Hitz eta zaunka liburua (Elkar) plazaratu du. Jose Belmontek egin ditu liburuko marrazkiak. Ezusteko gertaera baten ondorioz, zaunka egiten hasiko den ehiztariaren eta hizketan hasiko den zakurraren istorioa kontatzen du liburuak.

Set talde bermeotarrak bere lehenengo lana kaleratu du: Hoy es siempre todavía (Baga Biga).