Zer arraiorengatik, gosaltzeko hartu nahi duzun ogi-xerra hori, dena gurina eta marmelada, erortzen ote da beti lurrera alde txarretik, hau da gurinarenetik? Galdera horren erantzuna aurkituko duzu liburu honetan, baita Murphyren legeak dituen beste misterio askorena ere. Richard Robinson zientzia-dibulgatzaile ospetsuaren Ogi xerra zergatik erortzen den beti gurinaren aldetik liburua kaleratu baitu Gaiak argitaletxeak. Estilo oso pertsonalez, fikzioa eta errealitatea nahasiz, eguneroko pasadizo dibertigarriak azalduko zaizkio liburuan irakurleari. Gainera, fenomeno bakoitzaren azalpena ilustrazioz hornitua dator.