Aiton ozpindua

Imanol Lazkano
XDZ / A. Elosegi
I

Behartsu jaio eta hazi
dena gogor, dena gazi
ta gozoa galarazi.
Jaungoikoaren legea zela
zutenez adierazi,
hemen infernuan bizi
ta zerua irabazi
ziguten sinetsarazi.
 
II

Lana hamalau ordutan
gosez lautikan hirutan
ordain eskasa dirutan.
Gogoratzeak gazte denboran
zenbat sufritua dudan...
Odola jartzen zait sutan
bai egon ere batzutan
jaio izanaren damutan.
 
III

Orain adinez igota,
nire amets denen kontra
soina dut pipiak jota.
Diabetesa, kolesterola,
tentsioa edo gota...
Soinean hainbat gaitz mota
ia ezin ditut konta.
Ilusioen porrota.
 
IV

Mila lan mota dastatu
nahiz ta hezurrak puskatu
horrek ez nindun sustatu.
Txanpon batzuek aurreratzea
nori ez zaio gustatu?
Etorkizunaz kezkatu,
aurreratzea kostatu
ta orain ezin gozatu.
 
V

Ni ere izan nintzen gaztea
baina inoiz ez askea
apaizen morroi tristea.
Kostata lortu degun garaian
apaiz kontuak ahaztea,
oraingo buruhaustea
medikua ta emaztea.
Hau bizitza desastrea!
 
VI

Esnatutzen naiz goizero
hankak hotz, burua bero
eta aspirina gero.
Gizona bere adin batetik
gora pasatu ezkero
milagrorik ez espero.
Ametsak mila genero
baina azkenean zero.
 
Doinua: Ikusten duzu goizean.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude