Naimona'nyi-k, Tibeteko glaziar handienak, ez du bere baitan Gerra Hotzean egin ziren proba nuklearren arrastorik. Gauza bera gertatzen da Himalaiako beste glaziar batzuetan ere. Ikerlariek aztertutako geruzetan ez dute topatu proba nuklearrek utzitako partikula erradioaktiborik, nahiz eta Himalaian zein polo kasketetan oso arrunta den halakoak aurkitzea, izotz geruzen artean harrapatuta geratzen baitira. Tibeteko glaziar erraldoian partikula erradioaktiborik ez agertzeak izotz geruza berririk ez dela sortu adierazi nahi du, eta hori oso kezkagarria da zientzialarientzat, inguruko ibai handiek –Indus, Ganges eta Brahmaputra adibidez– glaziar horretan eta antzeko beste batzuetan baitute sorlekua. Naimona'nyi glaziarrean topatu diren azken partikulak berunezkoak izan dira, eta 1940 urte inguruan geratu ziren harrapatuta izotz artean. Orduz geroztik ez da izotz gehiagorik sortu bertan.
© 2008-2011 Argia.com - Komunikazio Biziagoa
Zientzia eta teknologia 
