The Beatles, gobernuko espioien jomuga Kew Gardenseko artxibategi nazional britainiarretan The Beatles taldeari buruzko informazioa aurkitu eta aztertu berri du Mario J. Cereghino ikerlari italiarrak, La Reppublica egunkariak argitaratu duenez. 1964an, taldea ospea lortzen hasi zenean, Britainia Handiko gobernuak Liverpooleko laukotearen joan-etorriak, kontu korronteak, adierazpenak... ikertzen hasi zen. Besteak beste, taldea desegin zenean kideen arteko liskarrei buruz Paul McCartneyk idatzitako eskutitz pribatuak daude artxibategian. Beatlemaniakoentzat mauka ederra..