Jokin Muñozek (Castejon, 1963) irabazi du euskarazko literatura arloko Euskadi Saria, Antzararen bidea (Alberdania) eleberriarekin. Itzulpengintzako saria berriz Josu Zabaletak (Legazpi, 1948) jaso du, Gesualdo Bufalino idazle italiarraren Gaueko gezurrak (Alberdania-Elkar) nobelari esker. Bigarrenez irabazi dute biek Euskadi Saria: 2004an Muñozen Bizia lo liburua saritu zuten, eta 2001ean Zabaletak egindako Guy de Maupassant-en Fantasiazko ipuinak lanaren itzulpena. Hilaren 18an jasoko dute 18.000 euroko saria, lehendakaritzan (Gasteizen) egingo den ekitaldian. Pello Añorga haur eta gazte literaturako eta Manuel Leginetxe gaztelaniazko literatura arloko Euskadi Sarien irabazleak ere han izango dira.
© 2008-2011 Argia.com - Komunikazio Biziagoa
Ezpalak 
