Argia astekaria webgunearen hasiera
- Azken Eguneraketa:
- 2010-03-16 17:39:38
2156.zenbakia
125. zenb.
(ARGIAko 2156. zenbakiarekin batera banatua)
2008-10-26 -- 2156.zenb
|
Zelulaz zelula, ikerlari talde batek ornodun baten enbrioiaren garapena filmatu du lehen aldiz. Zebra-arrain (danio rerio) enbrioia aukeratu dute, hain zuzen, horretarako. EMBLko (Europako Biologia Molekularreko Laborategia) Philipp Keller, Annette Schmidt, Jochen Wittbrodt eta Ernst Stelzer-ek arrautza ernaltzen den unea eta ondoren gertatzen den prozesua filmatu dute.
Kellerrek eta haren lankideek animaliaren lehen 24 orduak filmatzea lortu zuten DSML (Digital Scanned Laser Light Sheet Microscope) sisteman oinarrituz. Epe horretan enbrioia zelula bakarra izatetik 20.000 izatera igaro zen, eta bilakabide horretan animaliaren oinarrizko organoen formazioa ikus daiteke. Orain beste enbrioi batzuekin –sagua, igela eta oilaskoa– saiatu nahi dute, bakoitzaren formazioaren patroiak ezartzeko asmoz.
Orain arteko saiakerak mikroskopio fluoreszenteen bidez egin izan dira, baina sistema horrek kaltetu egiten ditu eratzen ari diren organoak; aldiz, aipatutako laser sistemak ez du arazorik eragiten organo sortu berrietan.
|
Marc Mimram frantziar arkitektoa etorkizuneko porlana sortzen ari da, zubiek estatiko izateari utzi eta “bizia” izan dezaten.
Urriaren 1ean AEBetako Columbia Unibertsitateak antolatutako hitzaldi-erakusketan, Mimramek munduko lau hiritan –Mosku, New York, Paris eta Shanghai– beste hainbeste zubi bizidun irudikatu zituen. Lafarge taldeak sustatutako azterketan, Mimramek zuntzezko porlana hautatu du zubiak eraikitzeko, haren elastikotasun eta malgutasunak aukera izugarriak eskaintzen baitituzte egungo porlanaren ondoan. Gainera, arkitektoak zarata saihesteko sistema aurreratuak asmatu ditu; zubiotan egingo den guztia garapen iraunkorrean oinarrituko da.
|AEBetako akuario batean azken zortzi urtean bizi izan den marrazo eme batek kumea eduki du ar batekin harremanik izan gabe. Nola? http://ttiki.com/1034
|Gure proteinek uraren egitura eta propietateak eraldatzen dituzte, zientzialariek esan berri dutenez. Antza, likidorik ezagunena ez dugu uste bezain ongi ezagutzen. http://ttiki.com/1033
|Farmakoak tumoreraino bertaraino eramaten dituzten nano-garraiatzaileak garatu berri dituzte AEBetako laborategi batean. Gure gorputzeko sistema immunologikoa ez da gauza garraiatzaile horiek detektatzeko, eta beraz ezin die bidea oztopatu. http://ttiki.com/1032
|Gerrak eta gizaki populazioa handitzeak triskantza eragin du Boli Kostako txinpanzeengan: azken hogei urteotan haien kopurua %90 jaitsi da. http://ttiki.com/1035
© ARGIA.com
Lege Oharra
RSS sindikazioa 