Liburuak 

Cesare Paveseren ehungarren urteurrenean

1908ko irailaren 9an sortu zen Cesare Pavese idazle italiarra. Ehun urte igaro direnez, Torino bihotzean zuen idazlearen bizitza eta lana gogoratzeko une ona dela pentsatu dute Euskal Idazleen Elkarteak plazaratutako Hegats aldizkarikoek. Irakurle asko izan ditu eta dauzka Cesare Pavesek, eta ez dira gutxi haren lanak euskaratu dituzten euskal idazleak, Mikel Etxebeste, Xabier Mendiguren Bereziartu eta Joseba Sarrionandia, tartean. Hegats-en hari buruz mintzo direnak honakoak dira: Jose Angel Irigarai –idazlearen bizitza eta heriotza oroituz–; Xabier Lete –Paveseren suizidioaren gaineko gogoeta eginez– eta Mikel Unanua –idazle italiarraren poesiaz–.

Iruzkina idatzi

		2152   2151
2153 zenbakia. 2008ko urriaren 05a Azkena || Hemeroteka

Ale berean...