Liburuak 

Ama bere haur txikiaren galeraren aurrean

1969an Baionan sortutako Marie Darrieussecq idazlea finalista gelditu zen Goncourt literatur lehiaketan Tom est mort nobelarekin. Karlos Zabalak Tom hil da tituluaz euskaratu du nobela hori orain. Hamar urte lehenago lau urte eta erdiko semea hil zitzaion ama du kontalari. Epe horretan sentimendu lazgarri guztiak izan ditu emakumeak, haurraren heriotzari aurre egin nahian: hasierako ezin sinetsizkotik ikara gorrira, suminduraren erditik gorroto gogorrera. Beste bi umeren ama da, baina argi dauka Tomen anaia zaharraren eta arreba txikiaren ama oraindik bizi bada ere, Tomen ama ezetz, hura hil egin zela, bere mutiko txikia hil zen une berean.

Iruzkina idatzi

		2144   2143
2145 zenbakia. 2008ko uztailaren 13a Azkena || Hemeroteka

Ale berean...